DAR Legal Services Division - Surigao del Sur

Sa paggunita ng Araw ng Kagitingan, binibigyang-pugay ng DAR ang kabayanihan at sakripisyo ng ating mga bayani na nag-alay ng buhay para sa kalayaan ng bansa. Nawa’y magsilbing inspirasyon ang kanilang tapang at pagmamahal sa bayan upang patuloy nating paglingkuran ang sambayanang Pilipino, lalo na ang ating mga magsasaka.




Follow us: https://twitter.com/dargovph http://instagram.com/dargovph https://www.tiktok.com/ https://www.youtube.com/c/dargovph1

📢 Paunawa mula sa DAR: Ang kumakalat na dokumento ukol sa umano’y pag-aalis ng DAR Clearance ay hindi opisyal, hindi pa pinal, at walang bisa—kaya’t hindi dapat gamitin o sandigan.

OPISYAL NA PAHAYAG

Ang Kagawaran ng Repormang Agraryo (DAR), sa pamamagitan ng Tanggapan ng Kalihim, ay naglalabas ng pahayag na ito kaugnay ng dokumentong kasalukuyang kumakalat, na may pamagat na “Removing the Requirement of Securing DAR Clearance on Land Transactions of Private Agricultural Lands and Land Transfers of Awarded Agricultural Lands under Republic Act No. 6657, as Amended.”

Sa simula pa lamang, mariing ipinahahayag ng Kagawaran na ang nasabing dokumento ay hindi opisyal na inilabas o ipinalaganap ng Tanggapan ng Kalihim. Dahil dito, ito ay walang bisa at walang legal na epekto, at hindi maaaring gamitin bilang batayan sa anumang transaksyon, proseso, o pag-asa ng sinumang partido.

Nililinaw din ng Kagawaran na ang naturang dokumento ay nananatiling nasa anyong burador (draft), at kasalukuyang sumasailalim sa masusing pag-aaral at multi-sektoral na konsultasyon kasama ang mga kinauukulang ahensya ng pamahalaan at mga pangunahing stakeholder, upang matiyak na ang anumang magiging pinal na pagpapalabas ay alinsunod sa umiiral na batas, tumutugon sa mga konsiderasyong pampatakaran, at nangangalaga sa mga karapatan at kapakanan ng lahat ng sangkot.

Binibigyang-diin din na ang paglalagay ng lagda ng Kalihim sa naturang dokumento ay isinagawa lamang bilang isang paunang administratibo at preparatoryong hakbang, bilang paghahanda sa opisyal na paglalakbay ng Kalihim sa ibang bansa, at upang matiyak na hindi maaantala ang operasyon ng pamahalaan kapag natapos na ang lahat ng kinakailangang proseso. Ang naturang hakbang ay hindi nangangahulugan ng pag-apruba para sa pagpapalabas o pagbibigay ng pinal na katayuan sa dokumento.

Sa kasalukuyan, hindi pa natatapos ang mga kinakailangang pag-aaral at konsultasyon. Dahil dito, ang dokumento ay nananatiling hindi pa inilalabas, hindi pinal, at walang bisa.

Ipinababatid din ng Kagawaran sa publiko na may kasalukuyang isinasagawang imbestigasyon upang matukoy ang pinagmulan ng hindi awtorisadong pagpapakalat ng nasabing dokumento. Ang sinumang mapatunayang responsable ay papanagutin alinsunod sa umiiral na mga batas, alituntunin, at regulasyon, at maaaring sumailalim sa kaukulang administratibo, sibil, o kriminal na parusa.

Dahil dito, hinihikayat ang publiko na iwasan ang pag-asa o pagpapakalat ng naturang dokumento bilang isang opisyal na kautusan ng Kagawaran. Pinapayuhan ang lahat na hintayin ang mga wastong inilalabas na mga kautusan sa pamamagitan ng mga opisyal na daluyan.

Para sa mahigpit na pagsunod at tamang gabay.

(Lagda)

ATTY. NESTOR C. FURUNG JR.
Head Executive Assistant
Tanggapan ng Kalihim
Kagawaran ng Repormang Agraryo

Day 1 Region-Wide Case Review for SPLIT and Regular ALI cases.

Walk-in clients of the day.

Serving the public never stops.

Helping farmer-beneficiaries prepare and complete legal documents to enforce their rights.

Continuing mediation proceedings, rendering of legal advice, and legal assistance to facilitate land transactions.

DAR Regional Office XIII Legal Services Division visited us today to discuss crucial matters related agrarian law and the implementation of CARP!

Serving walk-in clients with utmost fervor.

DAR Surigao del Sur Legal Services Division hard at work in the field, making sure that agricultural lands are distributed only to qualified landless farmers.

DAR Surigao del Sur, including its Legal Services Division, remains ISO-Certified!