28/10/2026
KATUTUBONG EDUKASYON: UNANG DEKADA, UNANG ANI NG PAG-ASA
Sa selebrasyon sang Indigenous Peoples Day 2026, ginadumdom kag ginapasidunggan naton ang manggaranon nga kultura, tradisyon, kag kaalam sang aton mga katutubo—mga palanublion nga nagahatag kolor kag kahulugan sa aton pagkatawo bilang mga Pilipino.
Isa sa mga tampok nga bahin sang aktibidad amo ang Launching sang Baray Turun’an, Indigenous Peoples Exhibit, kag Signing of the Memorandum of Agreement (MOA), nga nagasimbulo sang paghiusa kag malawig nga pagpaninguha para sa pagpalambo sang edukasyon, pagpreserbar sang kultura, kag paghatag sang mas maayo nga palaabuton para sa katutubong komunidad.
Ang ini nga makahulugan nga aktibidad ginapangunahan ni PCPT JUSTINE JERR A. NACION, OIC sang 604th Maneuver “Ironclad” Company, upod kay Hon. SB Marlon Perez kag Hon. Vicente “Awat” Geromiano, Barangay Captain, nga nagapakigbahin sa pagpalig-on sang suporta para sa katutubong komunidad kag edukasyon.
Ang sini nga selebrasyon indi man mangin posible kon wala ang suporta kag pagpanguna ni Dr. Xyric Jan G. Andrade, Head Teacher III, nga may importante nga papel sa pagpatigayon sang sini nga inisyatibo.
Paagi sa paghiusa sang PNP, eskwelahan, kag komunidad, ginapakita naton nga ang edukasyon indi lamang parte sang pagtuon, kundi isa ka tulay padulong sa pagpreserbar sang kultura, paghatag sang oportunidad, kag pagtanom sang paglaum para sa mas masanag nga palaabuton sang kabataan kag katutubong komunidad.
Ang pagrespeto sa aton mga ugat amo ang pagpalig-on sang aton palaabuton. Ang kada tradisyon nga ginapadayon kag kada bata nga ginatudluan isa ka binhi sang paglaum para sa mas maayo nga buwas.
