27/10/2026
YOU MATTER: SA LIKOD NG MGA PAGSUBOK AT PAGOD, MAHALAGA KA AT HINDI KA NAG-IISA
Isang mahigpit na yakap para sa bawat kabataan at estudyante ngayong 𝐁𝐔𝐖𝐀𝐍 𝐍𝐆 𝐊𝐀𝐌𝐀𝐋𝐀𝐘𝐀𝐍 𝐒𝐀 𝐊𝐀𝐋𝐔𝐒𝐔𝐆𝐀𝐍𝐆 𝐏𝐀𝐍𝐆𝐊𝐀𝐈𝐒𝐈𝐏𝐀𝐍. Para sa mga gabing tahimik kang lumalaban mag-isa, sa bigat ng mga alalahaning pilit mong kinakaya, at sa mga sandaling tinatanong mo kung kaya mo pa—nais naming marinig mo nang paulit-ulit: 𝐘𝐨𝐮 𝐝𝐨 𝐦𝐚𝐭𝐭𝐞𝐫. 𝐌𝐚𝐡𝐚𝐥𝐚𝐠𝐚 𝐤𝐚.
Hindi biro ang pasanin ng bawat estudyante. Totoo na para sa marami, ang simpleng paalalang ito ay sapat na upang magbigay-lakas at magpaalala na hindi sila nag-iisa. Sa mundong madalas tayong pilit na pinatitigas, karapat-dapat ding marinig ng bawat isa na ligtas silang huminga, magpahinga, at maging mahina minsan.
Ngunit alam din nating ang mga "gusot" at pagod sa iyong isip ay hindi basta-bastang mawawala dahil lamang sa payo o self-care. Bunga ito ng totoong reyalidad na kinakaharap ng kabataan araw-araw, ang matinding panggigipit ng sistema, ang pangamba sa kinabukasan, at ang hirap ng buhay. Valid ang bawat pagod at luha mo, at hinding-hindi mo kasalanan kung nahihirapan ka na.
Kaya habang inaalagaan natin ang ating sarili, ipaglaban din natin ang isang lipunang tunay na nagmamalasakit sa kapakanan ng lahat. Huwag kang susuko; mahalaga ang iyong buhay, at kasama mo kaming lalaban para sa mas ligtas at makataong bukas.
𝐘𝐎𝐔 𝐃𝐎 𝐌𝐀𝐓𝐓𝐄𝐑. 𝐘𝐎𝐔 𝐌𝐀𝐓𝐓𝐄𝐑! 𝐏𝐀𝐍𝐆𝐀𝐋𝐀𝐆𝐀𝐀𝐍 𝐀𝐍𝐆 𝐊𝐀𝐋𝐔𝐒𝐔𝐆𝐀𝐍𝐆 𝐏𝐀𝐍𝐆𝐊𝐀𝐈𝐒𝐈𝐏𝐀𝐍, 𝐌𝐀𝐆𝐊𝐀𝐈𝐒𝐀 𝐀𝐓 𝐌𝐀𝐆𝐓𝐔𝐋𝐔𝐍𝐆𝐀𝐍!
'27
𝙎𝙚𝙧𝙫𝙚 𝙩𝙝𝙚 𝙎𝙩𝙪𝙙𝙚𝙣𝙩𝙨,
[email protected]