3rd Marine Company

Tree Planting at Brigada Eskwela 2024: "Bayanihan para sa Matatag na Paaralan"

Kaugnay nito, ang 3rd Marine Company ay nakiisa sa isinagawang Brigada Eskwela at Tree Planting activity noong ika-22 ng Hulyo 2024 sa Judge Cesar L. Rodriguez Elementary School, Sitio Del Monte, Brgy Calawag, Taytay, Palawan.
Kasama dito ang MENRO Taytay, mga g**o, magulang, mag-aaral at ibang barangay officials na sumuporta sa naging aktibidad tungo sa isang matatag at maayos na paaralan para sa mga kabataan.

Ang pagtatanim ng puno ay nagbibigay ng maraming benepisyo sa ating kalusugan, klima, at kabuuang kalikasan. Ipinapakita nito ang ating pagmamalasakit sa kalikasan at ang pangangailangan na mapanatili ang kahalagahan ng mga puno sa ating kapaligiran.

Kaugnay nito, ang 3rd Marine Company ay nakiisa sa isinagawang tree planting activity noong ika-10 ng Hulyo 2024, sa Calawag National High school, Sitio Del Monte, Brgy Calawag, Taytay, Palawan sa pangunguna ng mga g**o, mag-aaral at nakilahok din ang Parents and Teacher's Association, kasama ang MENRO Taytay maging ang ibang barangay officials.

Sa panahon ngayon, napakahalaga ng pagtatanim ng mga puno upang labanan ang pabago-bagong panahon o climate change.

Kaya naman ang 3rd Marine Company kasama ang Philippine Coast Guard at mga kawani at residente ng Brgy Maringian ay matagumpay na nagsagawa ng Mangrove Tree Planting sa Sitio Lapnag, Brgy Maringian, Cuyo, Palawan noong ika-22 ng Hunyo 2024.

Kitang kita ang saya at pasasalamat ng mga bata sa mga regalo, palaro, at libreng gupit na inihandog ng 1st Company, 413rd Naval Squadron Reserved at 831st Marine Reserved Company kasama ang 3rd Marine Company sa Sitio Maypa, Brgy Pancol, Taytay, Palawan noong ika-22 ng Hunyo 2024. Batid namin ang diwa ng pagbibigayan lalo na sa mga bata para sa nalalapit na pasukan.

“All smiles for more sustainability: Your dedicated marine personnel together with the local forces enthusiastically tackles the coastal cleanup, making a positive impact on our environment.”

Photo by Pvt Ricky Bjorn B Ceralbo PN(M)

Noong ika-18 ng Hunyo 2024, ang 3rd Marine Company ay nagdaos ng Change of Command Ceremony na pinangunahan ni LTCOL RAFAEL A NARANJO PN(M), ang Commanding Officer ng MBLT-3. Ang nasabing seremonya ay ang pagpasa ng responsibilidad ni CPT HARRY JOHN L OSABEL PN(M) bilang Commanding Officer ng 3MC kay 1LT KARL JENS L HELMUTH PN(M), kung saan ang isang bagong pinuno ay itinalaga upang ipagpatuloy ang pamumuno sa 3rd Marine Company. Kasama sa mga dumalo ang mga kinatawan mula sa Municipal Mayor’s Office of Taytay, DILG Taytay, MDRRMO Taytay, Municipal Tourism Office of Taytay, MPS Taytay, 401st RMFB, BFP Taytay, at mga local na kinatawan ng ibang Barangay at mga stakeholders mula sa Bayan ng Taytay, Palawan.

Ginanap ang seremonya sa H3MC, Purok Sur, Brgy. Bato, Taytay, Palawan.

"Through service and sacrifice, Marines stand as guardians of peace, dedicated to serving the people."