08/10/2026
📢 PAMPUBLIKONG ANUNSYO: MAG-INGAT SA ASHFALL 🌋
Bandang 6:06 PM ngayong araw (October 08, 2026), nag-ulat ang Philippine Institute of Volcanology and Seismology (PHIVOLCS) tungkol sa ashfall mula sa Taal Volcano. Mahalagang manatiling alerto at handa upang maprotektahan ang ating sarili, pamilya, pagkain, at mga alagang hayop. Basahin, alamin, at ibahagi ang mahahalagang paalalang ito. 👇🏻
🚗 PAALALA SA PAGBIYAHE TUWING MAY ASHFALL: Hangga’t maaari, iwasang lumabas kung hindi naman kinakailangan. Maaaring bumaba ang visibility at makaapekto ang abo sa sasakyan.
• Magmaneho nang mabagal at maingat
• Tiyaking sapat ang windshield washer fluid upang mapanatiling malinis ang salamin
• Buksan ang headlights kahit araw upang mas maging visible sa ibang motorista
• Kung maaari, ipagpaliban muna ang biyahe hanggang maging mas ligtas ang kondisyon
🍎 PROTEKSIYON SA PAGKAIN AT TUBIG:
• Siguraduhing selyado at maayos na natatakpan ang mga lalagyan ng inuming tubig upang hindi mapasukan ng abo
• Hugasan nang mabuti ang mga prutas at gulay bago lutuin o kainin
• Takpan ang mga pagkain at iba pang maaaring malagyan ng abo
🐶🐱 PARA SA ATING MGA ALAGANG HAYOP:
• Huwag iwan sa labas ang mga alagang hayop. Ang ashfall ay maaaring magdulot ng iritasyon sa kanilang mga mata at makaapekto sa kanilang paghinga
• Siguraduhing walang abo ang kanilang pagkain at inumin
• Panatilihin sila sa ligtas, malinis, at masisilungan na lugar habang may ashfall
😷 Hangga’t maaari, magsuot ng N95 mask o iba pang angkop na protective mask. Kung walang N95 mask, narito ang ilang alternatibong paraan habang naghahanap ng mas angkop na proteksyon:
BASANG PANYO O MALINIS NA DAMIT:
1️⃣ Itupi ang malinis na panyo o tela
2️⃣ Basain ito nang bahagya gamit ang malinis na tubig
3️⃣ Gamitin itong pantakip sa ilong at bibig
😷 DOUBLE-MASK METHOD
• Kung mayroon lamang standard o regular na face mask, maaaring magsuot ng dalawang mask nang sabay upang magkaroon ng karagdagang harang laban sa alikabok at abo
• Siguraduhing maayos ang pagkakasuot at natatakpan ang ilong at bibig.
⚠️ MANATILING KALMADO AT HANDA: Sa kasalukuyan, nananatili sa Alert Level 1 ang Taal Volcano. Manatiling kalmado, ngunit huwag maging kampante. Patuloy na subaybayan ang mga opisyal na abiso at maging handa sa anumang pagbabago.
📢 Ibahagi ang paalalang ito upang makatulong na mapanatiling ligtas ang ating pamilya at komunidad. Para sa buong ulat ng Philippine Institute of Volcanology and Seismology (PHIVOLCS-DOST) rito:
👉🏻 https://www.facebook.com/share/v/1E26mDpvxx/?mibextid=wwXIfr
👉🏻 https://www.facebook.com/share/v/1F8nS58FWY/?mibextid=wwXIfr
