13/11/2026
Trentohanons, magpadayon kita sa pag-amping batok sa dengue!
Base sa datos sa Disease Surveillance Unit sa Trento Primary Care Facility, nakatala ang atong lungsod og 114 ka reported dengue cases gikan Enero hangtod Nobyembre 10, 2026. Sa pinakabag-ong update, adunay 9 ka active cases as of November 12.
Padayon ang Lokal nga Panggamhanan sa Trento, pinaagi sa Trento Primary Care Facility, sa pagmonitor sa kahimtang ug pagpahibalo sa publiko aron mapugngan ang dugang pagtakod sa dengue. Giawhag ang matag Trentohanon nga magmatngon, maglimpyo sa palibot, ug tangtangon ang mga lugar nga mahimong pamugaran sa lamok.
Mag-amping, magtinabangay, ug magpakabana. Ang paglikay sa dengue responsibilidad sa matag usa aron mapanalipdan ang atong pamilya ug komunidad.