12/11/2026
𝐍𝐎𝐕𝐄𝐌𝐁𝐄𝐑 𝟏𝟏, 𝟐𝟎𝟐𝟔 | 𝐁𝐀𝐑𝐀𝐍𝐆𝐀𝐘 𝐌𝐀𝐋𝐀𝐁𝐀𝐆𝐎 𝐆𝐄𝐍𝐄𝐑𝐀𝐋 𝐌𝐄𝐄𝐓𝐈𝐍𝐆 💚💛
Isang makabuluhang pagtitipon ng pamilya ng Barangay Malabago!
Matagumpay na isinagawa ang ating General Meeting na dinaluhan ng mga Barangay Officials, SK Officials, Barangay Personnel (CVOs, BHWs, BNS, BSPO, Utility Workers, Garbage Collection Team at Electrician), Pastoral Coordinator, Senior Citizen President, Midwife, CDC Worker, at ilang miyembro ng Lupong Tagapamayapa.
Naging pagkakataon ang pagpupulong upang talakayin ang mga mahahalagang usapin, mga nalalapit na aktibidad, programa at proyekto, gayundin ang kani-kanilang tungkulin at responsibilidad sa patuloy na paghahatid ng maayos at mahusay na serbisyo sa ating mga kabarangay.
Sa pamamagitan ng bukas na komunikasyon, pagbabahagi ng mga suhestiyon, at sama-samang pagpaplano, mas napagtitibay natin ang ating pagkakaisa bilang isang pamilya na may iisang layunin - ang patuloy na pag-unlad ng Barangay Malabago.
Bilang pasasalamat at munting pagkilala sa walang sawang dedikasyon at sakripisyo ng bawat isa, nagtapos ang ating pagtitipon sa isang simpleng salo-salo na handog ng mga Barangay Officials. Isang munting paraan upang iparamdam ang ating pagpapahalaga sa mga taong araw-araw na katuwang sa paglilingkod mula 2023 hanggang sa kasalukuyan.
Sa loob ng tatlong taon ng sama-samang serbisyo sa ilalim ng Administrasyong Arangkada, patuloy nating pinatutunayan na mas nagiging makabuluhan ang paglilingkod kung ito ay ginagawa nang may pagkakaisa, malasakit, at pagmamahalan.
𝐒𝐚 𝐁𝐚𝐫𝐚𝐧𝐠𝐚𝐲 𝐌𝐚𝐥𝐚𝐛𝐚𝐠𝐨, 𝐡𝐢𝐧𝐝𝐢 𝐥𝐚𝐦𝐚𝐧𝐠 𝐭𝐚𝐲𝐨 𝐦𝐚𝐠𝐤𝐚𝐤𝐚𝐭𝐫𝐚𝐛𝐚𝐡𝐨 - 𝐭𝐚𝐲𝐨 𝐚𝐲 𝐢𝐬𝐚𝐧𝐠 𝐩𝐚𝐦𝐢𝐥𝐲𝐚 𝐧𝐚 𝐬𝐚𝐦𝐚-𝐬𝐚𝐦𝐚𝐧𝐠 𝐧𝐚𝐠𝐥𝐢𝐥𝐢𝐧𝐠𝐤𝐨𝐝 𝐩𝐚𝐫𝐚 𝐬𝐚 𝐛𝐚𝐰𝐚𝐭 𝐭𝐚𝐠𝐚 𝐌𝐚𝐥𝐚𝐛𝐚𝐠𝐨!
𝐎𝐍𝐄 𝐓𝐄𝐀𝐌. 𝐎𝐍𝐄 𝐅𝐀𝐌𝐈𝐋𝐘. 𝐎𝐍𝐄 𝐁𝐀𝐑𝐀𝐍𝐆𝐀𝐘.
𝐀𝐑𝐀𝐍𝐆𝐊𝐀𝐃𝐀 𝐁𝐀𝐑𝐀𝐍𝐆𝐀𝐘 𝐌𝐀𝐋𝐀𝐁𝐀𝐆𝐎! 💚
