LGU - Zaragoza Nueva Ecija

04/10/2026

Happy Teachers’s Day po bukas!💙💙💙
| 𝗢𝗰𝘁𝗼𝗯𝗲𝗿 𝟱, 𝟮𝟬𝟮𝟲 (𝗠𝗼𝗻𝗱𝗮𝘆)

Bilang pakikiisa sa pagdiriwang ng National Teachers’ Day at World Teachers’ Day, at pagbibigay-pugay sa ating mga dakilang g**o, 𝗦𝗨𝗦𝗣𝗘𝗡𝗗𝗜𝗗𝗢 𝗮𝗻𝗴 𝗸𝗹𝗮𝘀𝗲 𝘀𝗮 𝗹𝗮𝗵𝗮𝘁 𝗻𝗴 𝗣𝗔𝗠𝗣𝗨𝗕𝗟𝗜𝗞𝗢𝗡𝗚 𝗽𝗮𝗮𝗿𝗮𝗹𝗮𝗻 𝘀𝗮 𝗕𝗮𝘆𝗮𝗻 𝗻𝗴 𝗭𝗮𝗿𝗮𝗴𝗼𝘇𝗮 𝘀𝗮 𝗮𝗿𝗮𝘄 𝗻𝗴 𝗢𝗸𝘁𝘂𝗯𝗿𝗲 𝟱, 𝟮𝟬𝟮𝟲 (𝗟𝘂𝗻𝗲𝘀), alinsunod sa Executive Order No. 176, series of 2026.

Para naman sa mga PRIBADONG paaralan, ang suspensyon ng klase ay nakasalalay sa desisyon ng kanilang school administrators.

Ito ay upang bigyang-daan ang paghahanda at pagdalo ng ating mga pampublikong g**o sa Zaragoza District Teachers' Day Celebration 2026 na may temang "Parangal sa mga Tanglaw ng Edukasyon: Sa Araw Mo, Ikaw Naman ang Ipagdiwang", na gaganapin bukas ganap na 3:30pm sa Municipal Gymnasium.

Ang araw pong ito ay para sa inyo — aming mga dakilang g**o. Saludo po kami sa inyo! Maraming salamat sa inyong walang sawang paglilingkod at pagmamahal sa mga kabataang Zaragozeño!

03/10/2026

02/10/2026

02/10/2026

𝟏,𝟎𝟎𝟎 𝐈𝐒𝐊𝐎𝐋𝐀𝐑, 𝟏,𝟎𝟎𝟎 𝐏𝐔𝐍𝐎| 𝙐𝙣𝙖𝙣𝙜 𝙃𝙖𝙗𝙖𝙣𝙜
🌳🌳🌳

Sinimulan na natin ang ating layunin na makapagtanim ng 1,000 puno ang ating mga Kabataang Zaragozeño!

Sa unang batch, 686 Iskolar ang nabigyan na ng kanya-kanyang puno na kanilang itatanim at aalagaan sa kanilang mga bakuran. At balang araw, mamumunga ito — tulad ng kanilang edukasyon na ngayon ay ating itinatanim, at balang araw ay aanihin nila ang tagumpay sa buhay.

Habang tinutulungan natin ang ating mga iskolar na makapagtapos, tinuturuan din natin silang magtanim para sa kinabukasan — para sa kalikasan, para sa pagkain, at para sa dagdag na kabuhayan ng kanilang pamilya sa hinaharap.

Tuloy-tuloy po ito hanggang maabot natin ang 1,000 Iskolar, 1,000 Puno para sa mas luntian at mas maunlad na Zaragoza!

01/10/2026

𝐌𝐀𝐘𝐎𝐑 𝐋𝐀𝐋𝐋𝐘 𝐁𝐄𝐋𝐌𝐎𝐍𝐓𝐄, 𝐍𝐀𝐆𝐏𝐀𝐒𝐀𝐒𝐀𝐋𝐀𝐌𝐀𝐓 𝐒𝐀 𝐍𝐄𝐏𝐆 𝐏𝐀𝐑𝐀 𝐒𝐀 𝐁𝐀𝐆𝐎𝐍𝐆 𝟒-𝐂𝐋𝐀𝐒𝐒𝐑𝐎𝐎𝐌 𝐒𝐂𝐇𝐎𝐎𝐋 𝐁𝐔𝐈𝐋𝐃𝐈𝐍𝐆 𝐒𝐀 𝐙𝐀𝐑𝐀𝐆𝐎𝐙𝐀

Ulat ni Aga Linsangan

Nagpaabot ng pasasalamat si Mayor Lally Belmonte ng Bayan ng Zaragoza sa Nueva Ecija Provincial Government (NEPG) para sa bagong two-storey, four-classroom school building na itinurn-over sa Sta. Cruz Elementary School.

Pormal na isinagawa ngayong Setyembre 30, 2026 ang turnover ng bagong gusali sa pangunguna ni Vice Governor Gil Raymond “Lemon” Umali.

Ayon kay Mayor Belmonte, malaking tulong ang bagong gusali sa mga mag-aaral dahil mayroon na silang mas maayos, ligtas at komportableng lugar para sa pag-aaral.

Nagpasalamat din ang alkalde kina Governor Aurelio “Oyie” Umali, Vice Governor Lemon Umali at Ina ng Lalawigan dating Governor Cherry Umali sa suporta sa proyekto at sa patuloy na pagtutok sa mga programang pang-edukasyon sa Zaragoza.

Dinaluhan ang turnover at blessing ng mga opisyal ng DepEd, mga kawani ng LGU Zaragoza, Sangguniang Bayan, school heads, barangay officials at PTA.

Photos: Courtesy of LGU Zaragoza

01/10/2026