10/08/2025
مولانا محمد امیر خان رحمہ اللہ آدم زئی اکوڑہ خٹک....... مولانا محمد امیر خان 16 اپریل 1923ء کو جناب رحیم اللہ کے ہاں آدم زئی میں پیدا ہوئے ابتدائی تعلیم پرائمری سکول آدم زئی جبکہ مزید تعلیم گورنمنٹ ہائی سکول اکوڑہ خٹک سے حاصل کی. ناظرہ قرآن گاوں کے مسجد کلاں میں مولانا حافظ پیاؤ الدین صاحب سے پڑھی جبکہ علوم دینیہ کے حصول کے لیے شیدو، بیکا صوابی، لاہور پنجاب کے مدرسہ رحمییہ اور دارالعلوم فتحییہ کے جلیل القدر اساتذہ سے پڑھی. 1944ء میں دارالعلوم دیوبند کا سفر کیا اور وہاں اکابر علماء کرام سے اپنی علمی پیاس بجھائی بٹوارہ کے موقع پر 1947ء میں واپس تشریف لائے اور 1948ء میں دارالعلوم حقانیہ سے سند فراغت حاصل کی اور پھر دارالعلوم حقانیہ میں درس تدریس کا آغاز کیا 1952ء میں پنجاب یونیورسٹی سے مولوی فاضل کیا اور اسی سال شیخ الحدیث حضرت مولانا سید بادشاہ گل بخاری رحمہ اللہ نے جامعہ اسلامیہ اکوڑہ خٹک میں بطور مدرس آپ کی تقرری کی لیکن دو سال کی تدریس کے بعد آپ کی تقرری بطور عربی اور اسلامیات ٹیچر ہوئی جو 1980ء تک جاری رہی 1980 سے 1982 تک آپ رحمہ اللہ ایک دفعہ پھر جامعہ اسلامیہ اکوڑہ خٹک میں مدرس مقرر ہوئے اس کے بعد تورڈھیر، مانکی اور شیدو کے مختلف مدارس میں درس تدریس کرتے رہے 1998ء میں اپنے گاؤں آدم زئی میں گھر کے قریب مسجد تعمیر کروائی اور یہی 2002ء تک آپ رحمہ اللہ درس تدریس کرتے رہے 5 جنوری 2003ء کو آپ رحمہ اللہ انتقال کر گئے اگلے دن 6 جنوری کو صبح 11 بجے آپ رحمہ اللہ کا جنازہ ادا کیا گیا آپ رحمہ اللہ کے فرزندان مولانا فیاض الرحمن اور دیگر حیات ہے. طالب دعا ننگ اسلاف مولانا سید مقسط علی شاہ بخاری مدیر اعلیٰ ماہنامہ المہربان دفتر دار التصنیف اکوڑہ خٹک
Copy
02/08/2025
08/06/2025
15/09/2024
15/09/2024