SDPO Akora Circle

24/09/2026

*دفتر تعلقاتِ عامہ، ضلعی پولیس نوشہرہ*
*بتاریخ: 24 ستمبر 2026*
*پریس ریلیز*
*تھانہ نظام پور پولیس کی اہم اور کامیاب کارروائی، مسلح راہزنی میں ملوث ڈکیت گروہ کا سرغنہ گرفتار، لوٹی گئی رقم، موبائل فون اور اسلحہ برآمد*
تفصیلات کے مطابق:
مسمی ہارون ولد نصیر اکبر سکنہ نظام پور نے تھانہ نظام پور میں رپورٹ درج کروائی تھی کہ وہ مختلف پٹرول پمپس سے وصول کی گئی رقم لے کر فلائنگ کوچ نمبر LEF-4828 پر بمقام حصار تنگ مین روڈ چوک آ رہے تھے کہ راستے میں مسلح نقاب پوش راہزنوں نے اسلحہ کی نوک پر گاڑی کو روک کر نقدی اور موبائل فون چھین لیا اور موقع سے فرار ہو گئے۔ جس پر تھانہ نظام پور میں مقدمہ نمبر 76 مورخہ 30-01-2026 بجرم 392/412 تعزیراتِ پاکستان درج رجسٹر کیا گیا تھا۔
*ضلعی پولیس سربراہ سونیا شمروز خان* نے گلشید خان، ایس ڈی پی او اکوڑہ خٹک سرکل کی براہِ راست نگرانی میں کاشف خان، ایس ایچ او تھانہ نظام پور،نعیم خان تفتیشی آفیسر پر مشتمل ٹیم کو اس انٹریس کیس میں ملوث ملزمان کی بے نقاب کرکے گرفتاری اور مسروقہ مال کی برآمدگی کا خصوصی ٹاسک سونپ دیا۔
پولیس ٹیم نے پیشہ ورانہ مہارت اور جدید تفتیشی خطوط پر کام کرتے ہوئے مقدمہ کا ازسرِ نو جائزہ لیا، شواہد اکٹھے کیے اور ٹھوس معلومات کی بنیاد پر راہزن گروہ کے سرغنہ تک رسائی حاصل کر لی۔
پولیس نے کامیاب کارروائی کے دوران گروہ کے سرغنہ ماجد ولد عبدالغفار سکنہ پڑارہ، نظام پور کو گرفتار کر لیا۔
ملزم نے دورانِ تفتیش اپنے جرم کا اعتراف کرتے ہوئے لوٹی گئی 03 لاکھ روپے نقد رقم، واردات میں استعمال ہونے والا اسلحہ اور چھینا گیا موبائل فون برآمد کروا دیا۔
ملزم کے دیگر ساتھیوں کے نام تفتیشی مفاد کے پیشِ نظر صیغۂ راز میں رکھے گئے ہیں، جن کی گرفتاری کے لیے کارروائیاں جاری ہیں اور جلد گرفتاری متوقع ہے۔
مزید تفتیش جاری ہے۔
ترجمان، نوشہرہ پولیس

24/09/2026

*دفتر تعلقاتِ عامہ، ضلعی پولیس نوشہرہ*
*بتاریخ: 24 ستمبر 2026*
*پریس ریلیز*
*تھانہ مصری بانڈہ پولیس کی کامیاب کارروائی، قتل و اقدامِ قتل کے مقدمہ میں مطلوب 09 ملزمان بھاری اسلحہ سمیت گرفتار*
تفصیلات:
ضلعی پولیس سربراہ سونیا شمروز خان کی ہدایات پر،
ایس ایچ او تھانہ مصری بانڈہ، سید تاجبر شاہ نے مقدمہ نمبر 601 مورخہ 21-09-2026 بجرم 302/324/148/149/109 تعزیراتِ پاکستان و 7ATA میں مطلوب ملزمان FWO کے قریب کارروائی کرتے ہوئے، پولیس نفری کے ہمراہ مذکورہ مقام پر چھاپہ مارا اور مقدمہ میں مطلوب 09 ملزمان کو بھاری اسلحہ سمیت گرفتار کر لیا۔
گرفتار ملزمان اور برآمد شدہ اسلحہ کی تفصیل درج ذیل ہے:
1۔ ابراہیم ولد دوشم خان، سکنہ کالام سوات، جس کے قبضہ سے 01 رائفل برآمد ہوئی۔
2۔ امان اللہ ولد کرامت اللہ، سکنہ عاشور آباد خٹ کلے، جس کے قبضہ سے 01 رائفل برآمد ہوئی۔
3۔ شہزاد ولد محمد اللہ، سکنہ سرڈھیری چارسدہ، جس کے قبضہ سے 01 رائفل برآمد ہوئی۔
4۔ انعام اللہ ولد حاجی شادی خان، سکنہ لکی مروت، جس کے قبضہ سے 01 رائفل برآمد ہوئی۔
5۔ حضرت بلال ولد مراد خان، سکنہ دلہ زاک روڈ پشاور، جس کے قبضہ سے 01 رائفل برآمد ہوئی۔
6۔ عاشق اللہ ولد عاشور خان، سکنہ پبی اسٹیشن، جس کے قبضہ سے 01 ایل ایم جی (LMG) برآمد ہوئی۔
7۔ حضرت عثمان ولد قوت خان، سکنہ باڑہ قمبر خیل، جس کے قبضہ سے 01 رائفل برآمد ہوئی۔
8۔ عیسیٰ خان ولد لوبیا خان، سکنہ کنڈی کوتل، جس کے قبضہ سے 01 رائفل برآمد ہوئی۔
9۔ عبداللہ ولد حاجی سلیم، سکنہ کرم ایجنسی، جس کے قبضہ سے 01 رائفل، بندولئیر اور ایمونیشن برآمد ہوئے۔
برآمد شدہ اسلحہ قبضہ پولیس میں لے کر ملزمان کے خلاف الگ الگ مقدمات درج کر لیے گئے ہیں جبکہ مزید تفتیش جاری ہے۔
ترجمان، نوشہرہ پولیس

18/09/2026

تھانہ نظامپور پولیس نے گھر سے شادی کی غرض سے اغواء ہونے والی خاتون کو کامیاب کارروائی کے دوران بازیاب کرلیا ہے، جبکہ اغواء کار ملزم اختر محمد کو گرفتار کر لیا گیا ہے۔واقعے سے متعلق مزید تفتیش جاری ہے۔
کارروائی ضلعی پولیس سربراہ سونیا شمروز خان کی خصوصی ہدایات پر عمل میں لائی گئی، جنہوں نے حساس نوعیت کے مقدمات کو منطقی انجام تک پہنچانے کے لیے خصوصی اقدامات کی ہدایت جاری کر رکھی ہیں۔
تفصیلات کے مطابق مدعی مقدمہ نے ملزم اخترمحمد ولد محمد سکنہ سڑہ توہا نظامپورکے خلاف مقدمہ نمبر186 مورخہ25.03.2026 بجرم 365B تعزیراتِ پاکستان تھانہ نظامپور میں درج رجسٹرکیا کیا گیا تھا۔
ضلعی پولیس سربراہ سونیاشمروز خان نے اس اہم اور حساس مقدمے میں ملزم اور مغویہ کی بازیابی کیلئے ایک خصوصی ٹیم تشکیل دی۔ اس ٹیم میں ایس ڈی پی او اکوڑہ سرکل گلشیدخان، ایس ایچ او تھانہ نظامپور کاشف خان اور انویسٹی گیشن آفیسر نعیم خان شامل تھے، جنہیں ملزم کوگرفتارکرنے اور ہر صورت خاتون کی بازیابی کو یقینی بنانے کا ٹاسک سونپا گیا۔
پولیس ٹیم نے جدید تفتیشی طریقۂ کار کواپناتے ہوئے دونوں خواتین تک رسائی حاصل کی۔ کامیاب کارروائی کے دوران خاتون کو بحفاظت بازیاب کرایا گیا اورملزم کو حسب ضابطہ گرفتارکرلیا گیا۔

14/09/2026

*نوشہرہ: دفتر تعلقات عامہ، ضلعی پولیس*
*بتاریخ: 14 ستمبر 2026*
*پریس ریلیز*
*تھانہ مصری بانڈہ پولیس کی کامیاب کارروائی*
*گھر میں مہمان بن کر چوری کرنے والا ملزم گرفتار، چوری شدہ رقم برآمد*
تفصیلات کے مطابق مدعی *نثار احمد ولد خائستہ خان سکنہ سورپل عزیز آباد* نے پولیس کو رپورٹ دی کہ رات ان کے گھر 2 افراد بطور مہمان آئے تھے۔
1. *طاہر زمان ولد محمد زمان سکنہ ملاکنڈ*
2. *محمد زادہ ولد صاحب زادہ سکنہ خان بابا، تورسک ڈگر، بونیر*
مہمان رات گزار کر صبح چلے گئے۔ کچھ دیر بعد معلوم ہوا کہ رہائشی کمرے میں پڑے بکس کو کھیتوں میں لے جا کر اس میں سے *نقد رقم اور طلائی زیورات* چوری کر لیے گئے ہیں۔
مدعی کی مدعیت میں دونوں مہمانوں کے خلاف *مقدمہ نمبر 568/26 جرم 380 ت پ* درج کیا گیا۔
*ایس ڈی پی او اکوڑہ خٹک سرکل گلشید خان* نے *ایس ایچ او تھانہ مصری بانڈہ سید تاجبر شاہ* اور *تفتیشی آفیسر ہارون خان* کو ملزمان کی گرفتاری کا ٹاسک سونپا۔
پولیس ٹیم کی انتھک محنت سے *ملزم محمد زادہ ولد صاحب زادہ* کو حراست میں لے لیا گیا۔ ملزم نے اعتراف جرم کر لیا اور نشاندہی پر *چوری شدہ رقم برآمد* کر لی گئی۔
شریک جرم *طاہر زمان* کی گرفتاری جلد متوقع ہے۔ مزید تفتیش جاری ہے۔

03/09/2026

*دفتر تعلقات عامہ*
*ضلعی پولیس نوشہرہ*
*بتاریخ: 03 ستمبر 2026*
*پریس ریلیز*

*"جزا و سزا کے عمل سے محکمہ پولیس میں نکھار پیدا ہوتا ہے"*
*ڈی پی او سونیا شمروز خان کی تقریب تقسیم سرٹیفکیٹ سے خطاب*

*نوشہرہ:* جرائم کی روک تھام میں نمایاں کارکردگی دکھانے والے افسران و جوانوں کی حوصلہ افزائی کے لیے *نیو ڈی آئی او کمپلکس کے کانفرنس روم* میں ایک سادہ مگر پُروقار تقریب تقسیم سرٹیفکیٹ کا انعقاد کیا گیا۔

تقریب کی صدارت *ضلعی پولیس سربراہ سونیا شمروز خان* نے کی۔

اس موقع پر خطاب کرتے ہوئے ڈی پی او نے کہا کہ *"جزا و سزا کے عمل سے محکمہ پولیس میں نکھار پیدا ہوتا ہے۔ صوبہ خیبر پختونخوا پولیس نے اپنی بے پناہ بہادری اور قربانیوں سے یہ عزت کمائی ہے۔ اس عزت کو اپنے اعلیٰ کردار سے برقرار رکھنا ہماری اولین ذمہ داری بنتی ہے"*۔

*تفصیلات:*
تقریب میں ضلع بھر کے تھانہ جات اور دیگر شعبہ جات کی سطح پر جرائم کی روک تھام میں کلیدی کردار ادا کرنے والے افسران و جوانان کو توصیفی سرٹیفکیٹ پیش کیے گئے۔

جن افسران کو سرٹیفکیٹ سے نوازا گیا ان میں شامل ہیں:
1. *گلشید خان* - ڈی ایس پی اکوڑہ خٹک سرکل
2. *اشفاق خان* - ایس ایچ او تھانہ اکوڑہ خٹک
3. *کاشف خان* - ایس ایچ او تھانہ رسالپور
4. *جمیل شاہ خان* - لائن آفیسر
5. *دیگر افسران و جوانان*

ڈی پی او نے مزید کہا کہ *"خیبرپختونخوا پولیس کی عزت کے پیچھے بے پناہ قربانیاں ہیں۔ آپ سب نے اپنی محنت اور کردار سے اس عزت کو برقرار رکھنا ہے"*۔

آخر میں ڈی پی او نے تمام افسران کی کارکردگی کو سراہا اور مستقبل میں بھی اسی جوش و جذبے سے فرائض سر انجام دینے کی تلقین کی۔

*ترجمان:*
*دفتر تعلقاتِ عامہ ضلعی پولیس*
*نوشہرہ*

02/09/2026

*دفتر تعلقاتِ عامہ*
*ضلعی پولیس نوشہرہ*
*بتاریخ: 02 ستمبر 2026*
*پریس ریلیز*

*تھانہ مصری بانڈہ پولیس کی غیر قانونی اسلحہ کے خلاف کریک ڈاؤن*
*03 ملزمان گرفتار، 03 کلاشنکوف معہ ایمونیشن برآمد، مقدمہ درج*

*تفصیلات*
*ایس ایچ او تھانہ مصری بانڈہ سید تاجبر شاہ* کی زیر نگرانی *اے ایس آئی ذاکر خان* نے کارروائی کرتے ہوئے مقدمہ نمبر 533مورخہ 01.09.2026 جرم 506,186, 148, 149 ت پ میں مطلوب ملزمان:
1. *سید شعیب ولد عظمت شاہ*
2. *شعیب ولد محمد ایاز *
3. *راحیل ولد روئید ساکنان پشاور*
کو گرفتار کیا۔ ملزمان کے قبضہ سے *03 عدد کلاشنکوف معہ ایمونیشن* برآمد کر کے قبضہ پولیس میں لیے گئے۔

ملزمان کے خلاف مقدمہ درج کر کے مزید تفتیش کا آغاز کر دیا گیا ہے۔

*ترجمان: ضلعی پولیس نوشہرہ*

02/09/2026

01/09/2026

دفتر تعلقاتِ عامہ
ضلعی پولیس نوشہرہ
بتاریخ: 01 ستمبر 2026
پریس ریلیز
اکوڑہ خٹک: پولیس اور بدنام زمانہ مجرم اشتہاری راہزن گروہ کے درمیان فائرنگ کا تبادلہ، 2 راہزن ہلاک
تفصیلات کے مطابق ایس ایچ او تھانہ اکوڑہ اشفاق احمد اپنی ٹیم کے ہمراہ علاقہ میں سرچ اینڈ سٹرائیک آپریشن میں مصروف تھے۔
اس دوران اطلاع موصول ہوئی کہ علاقہ کے بدنام زمانہ راہزن:
اختر حسین ولد منظور حسین ساکن آدم زئی
عبدالنظیر عرف خوشحال ولد نور لعل ساکن آدم زئی
جو کہ مقدمات نمبر 1427،1218، 1441 اور 1446 جرم 392 ت پ میں مطلوب تھے، خاوری روڈ جہانگیرہ پر واقع ایک خالی مکان میں موجود ہیں۔
اطلاع پر پولیس پارٹی نے ملزمان کی گرفتاری کے لیے چھاپہ زنی کی۔ پولیس کو دیکھتے ہی راہزن گروہ نے اپنی گرفتاری سے بچنے کے لیے پولیس پارٹی پر اسلحہ سے فائرنگ شروع کر دی۔
پولیس نے حقِ حفاظتِ خود اختیاری کے تحت جوابی فائرنگ کی۔
واقعے کی اطلاع ملتے ہی ایس ڈی پی او اکوڑہ خٹک سرکل گلشید خان معہ نفری فوری طور پر موقع پر پہنچ گئے۔ سرچ کے دوران دونوں راہزن ہلاک شدہ پائے گئے۔
کارروائی:
ملزمان کے زیر استعمال 2 عدد کلاشنکوف قبضہ پولیس میں لے لی گئی۔
نعشوں کو بغرض پوسٹ مارٹم ہسپتال منتقل کر دیا گیا۔
دونوں راہزن تھانہ اکوڑہ پولیس کو درج ذیل مقدمات میں مطلوب تھے:
مقدمہ نمبر 1218 مورخہ 28.06.2026 جرم 392 ت پ
مقدمہ نمبر 1427 مورخہ 22.08.2026 جرم 392 ت پ
مقدمہ نمبر 1441 مورخہ 27.08.2026 جرم 392 ت پ
مقدمہ نمبر 1446 مورخہ 30.08.2026 جرم 392 ت پ
واقعہ کے حوالے سے تھانہ اکوڑہ میں مقدمہ درج کرکے مزید تفتیش کا آغاز کر دیا گیا ہے۔
ترجمان ضلعی پولیس نوشہرہ

01/09/2026

سرکل اکوڑہ پولیس اور انتہائی مطلوب مجرمان اشتہاری و راہزن گروہ کے درمیان مقابلہ جاری۔ تفصیل کچھ دیر بعد۔