عوامی اتحاد 59/ ای بی عارف والا

اسرائیل تیرے وجود پر لعنت اور تیرے حمایت کرنے والوں پر بھی لعنت، ان شاء اللہ تیرا عبرت ناک انجام قریب ہے۔

عیدالفطر: ایمان، یکجہتی اور مظلوموں کی حمایت کا پیغام!
عیدالفطر اللہ تعالیٰ کی رحمت اور کرم کا دن ہے، جب ہمیں رمضان المبارک کے روزوں اور عبادات کا انعام عطا کیا جاتا ہے۔ یہ دن تقویٰ، شکرگزاری اور امت کے اتحاد کی اہمیت کو اجاگر کرتا ہے۔
عوامی اتحاد پارٹی اس بابرکت موقع پر تمام مظلوم مسلمانوں، بالخصوص فلسطین میں، اپنی مکمل یکجہتی کا اعلان کرتی ہے۔ قرآن مجید ہمیں سکھاتا ہے کہ
وَتَعَاوَنُوا عَلَى الْبِرِّ وَالتَّقْوَىٰ وَلَا تَعَاوَنُوا عَلَى الْإِثْمِ وَالْعُدْوَانِ ۚ سورة المائدة:2
(اور نیکی اور تقویٰ میں ایک دوسرے کا ساتھ دو اور گناہ اور زیادتی میں تعاون نہ کرو۔)
یہ ہماری ذمہ داری ہے کہ ہم ہر مظلوم کا ساتھ دیں اور ان کے حق میں آواز بلند کریں۔ عید الفطر کا یہ دن ہمیں یاد دلاتا ہے کہ خوشیوں میں دوسروں کو شریک کرنا اور دکھوں کا مداوا کرنا اسلام کی اصل تعلیمات میں شامل ہے۔
ہم دعا گو ہیں کہ اللہ تعالیٰ فلسطین، کشمیر، روہنگیا اور دنیا بھر کے مظلوم مسلمانوں کے دکھوں کو کم کرے اور انہیں انصاف عطا کرے۔ ہم اللہ سے دعا کرتے ہیں کہ وہ ہمیں ایک ایسی امت بنائے جو متحد ہو اور ظلم کے خلاف کھڑی ہو۔
عوامی اتحاد پارٹی عہد کرتی ہے کہ ہم ہر مظلوم کی حمایت جاری رکھیں گے، چاہے وہ دنیا کے کسی بھی خطے میں ہوں۔ ہم قرآن و سنت کی تعلیمات کی روشنی میں انصاف، امن اور بھائی چارے کے قیام کے لیے اپنی جدوجہد جاری رکھیں گے۔
آئیے اس عید پر دعا کریں کہ اللہ تعالیٰ ہمیں ایمان کے راستے پر مضبوطی سے چلنے کی توفیق دے اور ہمیں اتحاد و یکجہتی کا پیغام عام کرنے کا ذریعہ بنائے۔
تمام مسلمانوں کوعوامی اتحادپارٹی کی طرف سے عیدمبارک

قاتلانہ حملہ
چک نمبر59/ای بی عارف والا کی معروف و مشہورسیاسی وسماجی شخصیت رانا حیدر سلطان پر رات 10:16بجے نزد جاز ٹاورکے قریب چار اشخاص نے رات کو قتل کرنے کی کوشش کی لیکن اللہ تعالی کہ فضل و کرم سے وہ اس حملہ میں محفوظ رہے اور ایک ملزم ہتھیار سمیت گرفتارکرلیاگیاہے۔

الحمدللہ !
عوامی اتحاد پارٹی 59 ای بی عارف والا کا ایک اور مثالی قدم گاؤں کی چند بند پلیاں کھلوا دی گئیں جو کہ کافی عرصہ سے بندپڑی تھیں جس سے لوگوں کو گزرنے میں بہت مشکلات پیش آ رہی تھیں۔عوام کے اس درینہ مسئلہ کو اللہ کے فضل و کرم سے حل کروادیا گیا ہے ہم اللہ تعالی کا شکر ادا کرتے ہیں ۔
ہم گاؤں والوں سے گزارش کرتے ہیں کہ اپنے حقوق کے لیے خود جدوجھد کریں آخر کب تک ہم دوسروں کے سہارے بے حس پڑے رہیں گے.
ہم تمام گاؤں والوں سے یہ التماس کرتے ہیں کہ عوامی اتحاد پارٹی 59ای بی کے ساتھ تعاون کریں تاکہ ہم سب مل کر گاؤں کو ایک مثالی گاؤں بناسکیں.
جب ہم کسی دوسرے ملک میں جاتے ہیں تو صفائی ستھرائی کا کافی خیال رکھتے ہیں ہم اگر دوسرے ممالک میں جاکر صفائی کا خیال رکھ سکتے ہیں تو اپنے ملک میں کیوں نہیں؟

اور ایسے لوگوں سے بالکل کنارہ کش رہیں جنہوں نے اپنے دین کو کھیل تماشہ بنا رکھا ہے اور دنیاوی زندگی نے انھیں دھوکا میں ڈال رکھا ہے اور اس قرآن کے ذریعے سے نصیحت بھی کرتے رہیں تاکہ کوئی شخص اپنے کردار کے سبب ( اس طرح ) نہ پھنس جائے کہ کوئی غیر اللہ اس کا نہ مددگار ہو اور نہ سفارشی اور یہ کیفیت ہو کہ اگر دنیا بھر کا معاوضہ بھی دے ڈالے تب بھی اس سے نہ لیا جائے ایسے ہی ہیں کہ اپنے کردار کے سبب پھنس گئے ، اپنے کفر کے سبب ان کے لئے نہایت تیز گرم پانی پینے کے لئے ہوگا اور دردناک سزا ہوگی۔القرآن

بسم اللہ الرحمٰن الرحیم
الحمد للہ !
عوامی اتحاد پارٹی 59/ای بی عارفوالا کے چھوٹے چھوٹے کام جو کہ 59/ای بی کے فلاحی کام ہیں جیساکہ 59/ای بی کی داخلی مین شاہراہ سے کوڑا اٹھوانا ،گاؤں کے اندر مختلف جگہوں پر محلے کی رکاوٹ دورکرتے ہوئے پلییاں بنوائیں۔ عوامی اتحاد پارٹی 59/ای بی ، عوامی حمایت اور اپنی مدد آپ کے تحت مختلف فلاحی کام کروارہی ہے ،ان شاءاللہ ! آگے بھی کام جاری وساری رہےگا۔عوامی اتحاد پارٹی 59/ای بی خالصتاً 59/ای بی کی عوام کی پارٹی ہے ۔
ہمیں خوشی ہے کہ ہمارے کاموں کو دیکھتے ہوئے دوسری پارٹیوں کے مقامی سیاسی نمائندوں نے بھی مختلف جگہوں پر آپس میں بات چیت کی کہ ہم بھی عوامی اتحاد کی طرح گاؤں کے مختلف فلاحی کام کریں گے۔
ہمیں ! اس بات کی خوشی ہے کہ عوامی اتحاد پارٹی 59/ای بی کے اچھے اور نیک نیتی سے 59/ای بی کی باشعور عوام اور سیاسی نمائندوں کو یہ باور ہوچکا ہے کہ اگر ووٹ لینا ہے اور اپنی برسوں پرانی سیاست کو برقرار رکھناہے تو 59/ای بی کے فلاحی اور معاشرتی مسائل کو بے لوث حل کرنے پڑیں گے۔

Surat No. 5 Ayat NO. 8
اے ایمان والو ! ایسے بن جاؤ کہ اللہ ( کے احکام کی پابندی ) کے لیے ہر وقت تیار ہو ، ( اور ) انصاف کی گواہی دینے والے ہو ۔ اور کسی قوم کی دشمنی تمہیں اس بات پر آمادہ نہ کرے کہ تم ناانصافی کرو ۔ انصاف سے کام لو ، یہی طریقہ تقوی سے قریب تر ہے ۔ اور اللہ سے ڈرتے رہو ۔ اللہ یقینا تمہارے تمام کاموں سے پوری طرح باخبر ہے ۔

تمام اہل اسلام کو ماہ ربیع الاول مبارک ہو
آئیں عہد کریں کہ اس ماہ ربیع الاول میں آپ صلی اللہ علیہ وسلم کی تعلیمات کے مطابق زندگی گزارنے کی بھرپور کوشش کریں گے انشاءاللہ

الحمدللہ دوبارہ سے نوجوانوں کی محنت سے کافی بحث اور مباحثہ کے بعدبلدیہ عملے نے یقین دہانی کرائی ہے کہ ہم روز تھوڑا تھوڑا کچرہ اٹھا کر لے جائیں گے اور آپ کا 59 ای بی روڈ صاف کر دیں گے
انشاءاللہ