MotivateMe

اور میں نے سیکھا ہے؛
کہ زندگی کے نام آخری خط کبھی نہیں لکھنا چاہیے!
جن لوگوں کے سامنے آپ جیتے جی مر رہے ہوں،
اور اُنہیں خبر نہ ہونے پائے
وہ موت کے بعد بھی اس قابل نہیں ہوتے کہ؛
اُن کو دُکھ بتائے جائیں۔
اپنے درد کی حفاظت ایک امانت کی طرح کریں!
اُنہیں مت بتائیں،
اپنے ساتھ لے جائیں ، بس۔۔۔۔۔ "

کسی سے اُمید مت رکھیے
کسی سے مت کہیئے میں اُداس ہوں
کسی سے مت کہو مجھے تمہاری ضرورت ہے
کسی سے مت کہو میری بات سنو
کسی سے مت کہو مجھے تمہارا سہارا چاہیے
تنہا رہنا سیکھیں لوگوں سے دنیا سے اُمیدیں لگانا چھوڑ دیں کیوں کہ لوگ نا اپنے قابل سمجھتے ہیں اور نا ہی ہمیں ہمارے قابل رہنے دیتے ہیں💯🥀

ہم نے سسرال والوں کے برا ہونے کی تو بہت باتیں کر لیں لیکن ان لڑکیوں کا کیا جن کا میکہ سسرال سے بھی بدتر نکلتا ہے؟
جنہیں رخصتی کے وقت یہ کہہ کر گلے سے الگ کیا جاتا ہے کہ اب تمہارا جینا مرنا تمہارے سسرال میں ہے۔ وہ تمہیں جلتے انگاروں پر کھڑا کردیں تو کھڑی رہنا، پلٹ کر میکے کی طرف نہ آنا کہ اب سے تم ہماری نہیں رہیں۔

میں نے ایسے بڑے کیسز دیکھے ہیں جن میں کئی بیٹیاں اپنی زندگی کی جنگ اکیلی لڑ رہی ہوتی ہیں کہ انہیں اپنے میکے کی طرف سے کوئی اسپورٹ نہیں ہوتی۔ جو کئی کئی مہینوں تک اپنے ماں باپ سے ملنے نہیں جاتیں کیونکہ وہ جانتی ہیں کہ "میکے لوٹ آنے پر استقبال کے جو گیت گائے جاتے تھے، وہ سارے جھوٹے ہیں۔"

ایک لڑکی بڑی مشکل میں تھی، ماں سے دل کا حال کہنے لگی۔ جنم دینے والی ماں نے کہا کہ "یہ تو ہمیں پہلے ہی پتا تھا کہ تم گھر نہیں بسا پاؤ گی۔"
سوچو! لڑکی کے دل پر کیا گزری ہوگی۔

ایک بیٹی باپ کے گلے سے لگ کر بس رونا چاہتی ہے لیکن باپ کہہ دیتا ہے کہ "تمہاری میت ہی سسرال سے اٹھے گی تبھی میں سرخرو رہوں گا"
سوچو! زندہ درگور ہونا اور کیا ہوتا ہے۔

بھائی بڑا سہارا ہوتے ہیں لیکن جن کا یہ سہارا ہی انہیں بے آسرا کر دے اور کہے کہ "روز روز منہ اٹھا کر کیوں آجاتی ہو یہاں۔"
سوچو! دکھیاری اپنا زخمی دل لے کر اب کس کے پاس جائے؟

وہ جو پہلے سے ستائی ہوئی اپنے لیے ایک پناہ ڈھونڈتے ڈھونڈتے میکے تک لہولہان پیروں سے آتی ہے، اس پر دروازہ نہ کھولا جائے تو میکہ موت کا ذمہ دار کہلائے یا نہ کہلائے؟

بیاہ دینے کا ہرگز یہ مطلب نہیں ہوتا کہ اب تم اگلوں کے حوالے، وہ جیسا مرضی سلوک کریں تم اف تک نہیں کہو گی اور واپس آنے کا تو سوچو گی بھی نہیں۔
بیاہ دینے کا مطلب تو یہ ہونا چاہیے کہ دیکھو بیٹا! تمہیں اس گھر سے صرف رخصت کیا جارہا ہے، یوں نہیں کہ تم پر یہ دروازے ہمیشہ کے لیے بند کر دیے گئے ہیں۔ تمہیں زمانے کی گرم ہوا چھوئے تو ماں کا آنچل تمہارے لیے ہمیشہ ٹھنڈا رہے گا۔ تمہارا باپ تمہاری ڈھال بنے گا اور تمہارا بھائی تمہیں گرنے سے بچائے گا۔ تم بس دستک دینے میں جھجک نہ کرنا۔

بیٹی کو زندہ قبول کرنا سیکھیں، کندھا تو ہم کسی غیر کے جنازے کو بھی دے دیتے ہیں 💔

مسکان احزم
#مسکانیات

‏یونہی بےفیض سی، بےکار سی دنیا میں ہمیں،
جِینا پڑتا ہے کہ ماؤں کے کلیجے نہ پھٹیں!🔥

اپنے اِظہار میں ، بے باک نہیں ھو سکتا
میں تیرے سامنے ، نَمناک نہیں ھو سکتا

ایک دِن اُس نے دکھائیں ، مجھے چالیں اپنی
میں سمجھتا تھا ، وہ چالاک نہیں ھو سکتا

مُقیل بخاری

تو مجھ کو چھوڑ تو پھر اس طرح سے چھوڑ کہ میں
گلی گلی میں پھروں کوستا محبت کو...

ہم ایسے لوگ ہی ذہنی مریض ہوتے ہیں...
جو مانتے ہیں بڑا آسرا محبت کو...

حسیب الحسن

بات نکلے گی تو پھر دور تلک جائے گی
لوگ بےوجہ اداسی کا سبب پوچھیں گے

یہ بھی پوچھیں گے کہ تم اتنی پریشاں کیوں ہو
جگمگاتے ہوئے لمحوں سے گریزاں کیوں ہو

انگلیاں اٹھیں گی سوکھے ہوئے بالوں کی طرف
اک نظر دیکھیں گے گزرے ہوئے سالوں کی طرف

چوڑیوں پر بھی کئی طنز کئے جائیں گے
کانپتے ہاتھوں پہ بھی فقرے کَسے جائیں گے

پھر کہیں گے کہ ہنسی میں بھی خفا ہوتی ہیں
اب تو روحی کی نمازیں بھی قضا ہوتی ہیں

لوگ ظالم ہیں ہر اک بات کا طعنہ دیں گے
باتوں باتوں میں مرا ذکر بھی لے آئیں گے

ان کی باتوں کا ذرا سا بھی اثر مت لینا
ورنہ چہرے کے تاثر سے سمجھ جائیں گے

چاہے کچھ بھی ہو سوالات نہ کرنا ان سے
میرے بارے میں کوئی بات نہ کرنا ان سے

بات نکلے گی تو پھر دور تلک جائے گی
لوگ بےوجہ اداسی کا سبب پوچھیں گے

شاعر : کفیل آزر امروہوی

تجھ سے کچھ اور تعلق بھی ضروری ہے میرا
یہ محبت تو کسی وقت بھی مَر سکتی ہے !!!

آپ پر منحصر ہے میرا وجود
آپ دیکھیں تو میں نظر آؤں🥀

"زبان کے کڑوے لوگ دل کے صاف ہوتے ہیں۔"
یہ بات شاید بد تہذیب لوگوں نے اپنی تعلیم و تربیت کی خامیاں چھپانے کے لیے گھڑی ہوگی۔۔۔ورنہ جس کا دل صاف ہو اس کی زبان بھلا کیونکر کڑوی ہو سکتی ہے؟؟؟

‏جس چہرے کے ساتھ ہم پیدا ہوتے ہیں
وہ ہمارا انتخاب نہیں ہوتا مگر جس کردار کے ساتھ ہم مرتے ہیں
اسے تراشنے کے ہم خود ذمہ دار ہوتے ہیں

قابلیتـــ اور ڪردار ہمیشـہ ساتھ ساتھ چلتــے ہیــں قابلیتــــ آپ ڪو اونچائی تڪ پہنچاتی ہـــے۔۔۔۔اور اچھا ڪردار آپ ڪو ہمیشـــہ بلند رڪھتا ہـــے۔

تعلقات رشتے دلوں کے ٹوٹنے اور بدگمانیاں پھیلنے کی بڑی وجہ یہ ہے کہ ہم آدھا سنتے ہیں تھوڑا سمجھتے اور دو گنا بتاتے ہیں.!