Hazara Tribal Forest Division Battagram

Directions Contact the organization

Hazara Tribal Forest Division Battagram Save Forest, Save Human

آج مورخہ 30 ستمبر 2026 بوقت شام 7:00 بجے پاشتو فارسٹ رینج کے مقام بنہ بیٹ، کمپارٹمنٹ نمبر 9 میں اچانک آگ بھڑک اٹھی۔اطلاع...
30/09/2026

آج مورخہ 30 ستمبر 2026 بوقت شام 7:00 بجے پاشتو فارسٹ رینج کے مقام بنہ بیٹ، کمپارٹمنٹ نمبر 9 میں اچانک آگ بھڑک اٹھی۔
اطلاع موصول ہوتے ہی رینج فارسٹ آفیسر پاشتو جناب محمد ذاکر کی سربراہی میں فارسٹ گارڈ عبداللہ، متعلقہ فارسٹرز اور دیگر فاریسٹ سٹاف فوری طور پر جائے وقوعہ پر پہنچ گئے اور آگ بجھانے کی بھرپور کوشش کا آغاز کیا۔

فاریسٹ سٹاف مقامی لوگوں اور کی مسلسل محنت، پیشہ ورانہ مہارت اور مؤثر فائر فائٹنگ حکمت عملی کی بدولت کئی گھنٹوں کی انتھک جدوجہد کے بعد آگ پر مکمل قابو پا لیا گیا۔ بروقت اور فوری کارروائی کے باعث آگ کو مزید پھیلنے سے روک دیا گیا، جس سے قیمتی جنگلاتی رقبہ اور جنگلی حیات بڑے نقصان سے محفوظ رہے۔

آگ پر قابو پانے کے بعد فاریسٹ سٹاف نے جائے وقوعہ پر مکمل نگرانی رکھی ہوئی ہے تاکہ آگ کے دوبارہ بھڑک اٹھنے کے کسی بھی امکان کو ختم کیا جا سکے۔

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*

انسدادِ لکڑی اسمگلنگ مہمبٹگرام (18 ستمبر 2026) چیف سیکرٹری خیبر پختونخوا کی خصوصی ہدایات پر جاری انسدادِ لکڑی اسمگلنگ مہ...
18/09/2026

انسدادِ لکڑی اسمگلنگ مہم

بٹگرام (18 ستمبر 2026) چیف سیکرٹری خیبر پختونخوا کی خصوصی ہدایات پر جاری انسدادِ لکڑی اسمگلنگ مہم کے دوران، ڈویژنل فارسٹ آفیسر ہزارہ ٹرائبل فارسٹ ڈویژن بٹگرام جناب رفیق اللہ صاحب کی خصوصی ہدایات اور زیرو ٹالرنس پالیسی کے تحت آج ایس ڈی ایف او بٹگرام جناب جنید صاحب کی زیرِ نگرانی، بلند کوٹ کے علاقے میں دوران گشت غیر قانونی لکڑ از قسم کاہل، موجود پائی گئی۔
کارروائی کے دوران 13 عدد سکینٹس کاہل ضبط کیے گئے، جن کا مجموعی حجم تقریباً 40 کیوبک فٹ بنتا ہے۔
ضبط شدہ لکڑی کو قانونی تقاضے پورے کرتے ہوئے مزید کارروائی کے لیے ڈویژنل فارسٹ آفس بٹگرام منتقل کر دیا گیا ہے

محکمہ جنگلات بٹگرام جنگلات کے تحفظ اور قدرتی وسائل کی حفاظت کے لیے پرعزم ہے۔ غیر قانونی کٹائی اور لکڑی اسمگلنگ میں ملوث عناصر کے خلاف زیرو ٹالرنس پالیسی کے تحت کارروائیاں بلاامتیاز جاری رہیں گی۔

💚 جنگلات ہماری قومی دولت ہیں ان کا تحفظ ہم سب کی ذمہ داری ہے۔
🌲 محفوظ جنگل، محفوظ مستقبل 🌲

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*



10/09/2026

وضاحت:
ڈی ایف او ہزارہ ٹرائبل فارسٹ ڈویژن بٹگرام نےنوگرام گنٹر ٹمبر ڈپو میں پیش آنے والے آتشزدگی کے واقعے کا فوری نوٹس لیتے ہوئے قانونی و محکمانہ کارروائی کا آغاز کر دیا ہے۔ آتشزدگی کے واقعے کے حوالے سے چیئرمین JFMC-Remadi کمپارٹمنٹ نمبر 08-Ganter کو شوکاز نوٹس جاری اور باقاعدہ طور پر تعمیل کرایا جا چکا ہے۔
انکوائری رپورٹ کو تاحال حتمی شکل نہ دیے جانے کی بنیادی وجہ یہ ہے کہ مقامی پولیس نے جائے وقوعہ کو کسی بھی قسم کے نقصان یا تبدیلی سے محفوظ رکھنے کی ہدایت کی ہے،کیونکہ پولیس دفعہ 156 ضابطۂ فوجداری کے تحت واقعے کی باقاعدہ تفتیش کر رہی ہے. پولیس کی جانب سے انکوائری کمیٹی کو اس حوالے سے تحریری طور پر بھی آگاہ کیا جا چکا ہے.
قانون کے مطابق پولیس کو اپنی تفتیش مکمل کرنے کے لیے 14 دن کی مدت درکار ہے۔ مذکورہ مدت مکمل ہونے کے بعد ڈی ایف او تورغر کی جانب سے محکمانہ انکوائری کا عمل شروع کیا جائے گا. واقعے کے تمام پہلوؤں کا جائزہ قانونی تقاضوں کے مطابق لیا جائے گا اور انکوائری مکمل ہونے پر ذمہ دار عناصر کا تعین کرتے ہوئے قانون کے مطابق کارروائی عمل میں لائی جائے گی.

شفاف انکوائری، قانون کی بالادستی اور ذمہ داروں کا تعین محکمہ جنگلات کی اولین ترجیح ہے۔
*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*

یومِ دفاع پاکستان 6 ستمبر 2026 *آلائی سب ڈویژن، ھزارہ ٹرائیبل فاریسٹ ڈویژن**6 ستمبر 2026 سرسبز آلائی کی جانب ایک خوبصو...
06/09/2026

یومِ دفاع پاکستان 6 ستمبر 2026
*آلائی سب ڈویژن، ھزارہ ٹرائیبل فاریسٹ ڈویژن*

*6 ستمبر 2026 سرسبز آلائی کی جانب ایک خوبصورت قدم* 🇵🇰🌲
یومِ دفاع پاکستان کے موقع پر محکمۂ جنگلات کے ضلعی افسر کی خصوصی ہدایات اور سب ڈویژنل فاریسٹ آفیسر جناب سید زبیر شاہ* کی نگرانی میں آلائی نالہ راشنگ میں 3 ہیکٹر رقبے پر شجرکاری کی شاندار مہم کا انعقاد کیا گیا۔

تقریب کا مقصد *شہدائے پاکستان کو خراجِ عقیدت* پیش کرنے کے ساتھ *ماحولیاتی تحفظ، قدرتی وسائل کی بحالی اور سرسبز آلائی* کے عزم کو اجاگر کرنا تھا۔

اس موقع پر VDC ممبران، علاقے کے معززین، سکولوں کے اساتذہ اور طلبہ* کی کثیر تعداد نے شرکت کی اور پودے لگائے۔ اس مہم کے دوران کل 5040 پودے زمین میں لگائے گئے۔

مقررین نے خطاب کرتے ہوئے کہا کہ *دفاعِ وطن کے ساتھ دفاعِ ماحول بھی ہماری قومی ذمہ داری ہے۔ درخت لگانا نہ صرف موسمیاتی تبدیلیوں کے خلاف جنگ ہے بلکہ یہ آنے والی نسلوں کے لیے صاف پانی، صاف ہوا اور بہتر مستقبل کی ضمانت ہے۔VDC ممبران اور مقامی معززین نے محکمۂ جنگلات کے اس اقدام کو سراہا اور عزم کیا کہ وہ *شجرکاری کی حفاظت* میں محکمہ کا ساتھ دیں گے۔

آخر میں ملک کی سلامتی، ترقی اور خوشحالی کے لیے خصوصی دعا کی گئی۔

*ایک پودا، ایک عزم 5040 پودے، 5040 امیدیں*
*سرسبز آلائی نالہ راشنگ، روشن پاکستان*
*پاکستان زندہ باد 🇵🇰*
*شہدائے پاکستان کو سلام*

*🌳🇵🇰 دفاع کے ساتھ شجرکاری یہی ہے اصل حب الوطنی* 🌳🇵🇰

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*

یومِ دفاع پاکستان 6 ستمبر 2026 *پشتو رینج، ھزارہ ٹرائیبل فاریسٹ ڈویژن بٹگرام**6 ستمبر 2026 پشتو کا سبز قدم، دفاع کے ساتھ...
06/09/2026

یومِ دفاع پاکستان 6 ستمبر 2026
*پشتو رینج، ھزارہ ٹرائیبل فاریسٹ ڈویژن بٹگرام*

*6 ستمبر 2026 پشتو کا سبز قدم، دفاع کے ساتھ شجرکاری کا عزم*🇵🇰🌲

یومِ دفاع پاکستان کے موقع پر محکمۂ جنگلات کے ضلعی آفیسرجناب رفیق اللہ صاحب کی خصوصی ہدایات اور رینج فاریسٹ آفیسر کی نگرانی میں پشتو رینج میں شجرکاری تقریب اور مفت پودے تقسیم کی شاندار مہم کا انعقاد کیا گیا۔

تقریب کا مقصد وطن سے محبت، قومی یکجہتی اور شہداء کی عظیم قربانیوں کو خراجِ عقیدت پیش کرنے کے ساتھ ماحولیاتی تحفظ اور سرسبز پاکستان کے پیغام کو عام کرنا تھا۔

اس موقع پر مہمانِ خصوصی مہتمم جامعتہ الاسلامیہ بنہ مولانا سراج الحق صاحب نےbپشتو رینج میں TMO ریسٹ ہاؤس کے احاطے میں پودا لگا کر مہم کا افتتاح کیا۔
اس کے ساتھ 5000 پودے مقامی عمائدین علاقہ اور عام عوام میں مفت تقسیم کیے گئے۔

تقریب میں محکمۂ جنگلات کے رینج فاریسٹ آفیسر پشتو رینج اور دیگر اہلکار بھی موجود تھے۔

مقررین نے کہا کہ جس طرح ہمارے شہداء نے وطن کا دفاع کیا، اسی طرح ہمیں اپنے جنگلات اور ماحول کا دفاع کرنا ہے۔ درخت لگانا موسمیاتی تبدیلیوں کے خلاف سب سے بڑا ہتھیار اور آنے والی نسلوں کے لیے بہترین تحفہ ہے۔

آخر میں ملک و قوم کی سلامتی، ترقی اور خوشحالی کے لیے خصوصی دعا کی گئی۔

*ایک پودا، ایک سلام سرسبز پشتو، محفوظ پاکستان*
*5000 پودے، 5000 امیدیں*
*پاکستان زندہ باد 🇵🇰*
شہدائے پاکستان کو سلام
دفاعِ وطن کے ساتھ دفاعِ ماحول بھی لازم ہے 🌳

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*

🇵🇰🌲September A Beautiful Step Towards a Greener Allai 🇵🇰🌲On the occasion of Defence Day of Pakistan, a plantation ceremo...
06/09/2026

🇵🇰🌲September A Beautiful Step Towards a Greener Allai 🇵🇰🌲

On the occasion of Defence Day of Pakistan, a plantation ceremony was organized in Allai Sub Division under the special directives of the District Forest Officer and under the supervision of SDFO Allai.

The purpose of the event was to highlight the spirit of national unity and to create awareness about environmental protection, afforestation, and conservation of natural resources.

On this occasion, Member National Assembly Prince Nawaz Khan, Member Provincial Assembly Engineer Zubair Khan and Engineer Waseem Khan participated as chief guests and planted saplings to support this noble cause.

The speakers said that just as we defend our homeland, it is equally our national responsibility to defend our environment. Planting trees is the most effective tool to make Pakistan greener and to combat climate change.

This beautiful initiative reflects our commitment to make Allai greener and more beautiful, preserve its natural beauty, and provide a clean and healthy environment for future generations.

The ceremony concluded with prayers for the security, prosperity and development of the country.

One Plant, One Commitment Greener Allai, Brighter Future
Pakistan Zindabad 🇵🇰
Salute to the Martyrs of Pakistan
🌳Defending the Nation means Defending the Environment too 🌳

🌳Divisional Forest Officer Hazara Tribal Forest Division Battagram 🌳

یومِ دفاع پاکستان 6 ستمبر 2026 *ھزارہ ٹرائیبل فاریسٹ ڈویژن بٹگرام**بٹگرام یومِ دفاع پاکستان کے موقع پر ھزارہ ٹرائیبل فار...
06/09/2026

یومِ دفاع پاکستان 6 ستمبر 2026
*ھزارہ ٹرائیبل فاریسٹ ڈویژن بٹگرام*

*بٹگرام یومِ دفاع پاکستان کے موقع پر ھزارہ ٹرائیبل فاریسٹ ڈویژن بٹگرام* کے زیرِ اہتمام، *وزیرِ اعلیٰ خیبر پختونخوا اور سیکریٹری فاریسٹ جنید خان* کے احکامات کی روشنی میں *بٹگرام فاریسٹ سب ڈویژن* میں خصوصی تقریب کا انعقاد کیا گیا۔

تقریب کا مقصد وطنِ عزیز سے محبت، قومی یکجہتی اور ہمارے بہادر شہداء و غازیوں کی عظیم قربانیوں کو خراجِ عقیدت پیش کرنے کے ساتھ ساتھ ماحولیاتی تحفظ اور شجرکاری کی اہمیت کو اجاگر کرنا تھا۔

اس موقع پر مہمانِ خصوصی جناب نیاز محمد خان ترند، جناب ڈی ایف او بٹگرام رفیق اللہ، مہتمم مدرسہ کوثر العلوم القرآن جناب مولانا شاہ فیصل صاحب سمیت کثیر تعداد میں طلبہ، اساتذہ اور محکمہ جنگلات کے اہلکاروں نے شرکت کی۔

شرکاء سے خطاب کرتے ہوئے کہا گیا کہ پاکستان کی مضبوطی اور ترقی کے لیے قومی دفاع کے ساتھ ساتھ *قدرتی وسائل، جنگلات اور ماحول کا تحفظ* بھی ہماری مشترکہ ذمہ داری ہے۔

خطاب میں مزید کہا گیا کہ *درخت لگانا اور جنگلات کا تحفظ دراصل آنے والی نسلوں کے محفوظ اور روشن مستقبل کی ضمانت ہے*۔ ہمارا عزم ہے کہ پاکستان کو مزید سرسبز، صاف، شاداب اور ماحولیاتی طور پر محفوظ* ملک بنانے میں اپنا کردار ادا کریں گے۔

آخر میں ملک و قوم کی سلامتی، ترقی اور خوشحالی کے لیے خصوصی دعا کی گئی۔

*پاکستان زندہ باد 🇵🇰*
*پاک فوج پائندہ باد*
شہدائے پاکستان کو سلام

*🇵🇰🌲دفاع وطن کے ساتھ دفاعِ ماحول بھی ہماری ذمہ داری ہے* 🇵🇰🌲

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*


انسدادِ لکڑی اسمگلنگ مہمبٹگرام (5 ستمبر 2026) چیف سیکرٹری خیبر پختونخوا کی خصوصی ہدایات پر جاری انسدادِ لکڑی اسمگلنگ مہم...
05/09/2026

انسدادِ لکڑی اسمگلنگ مہم

بٹگرام (5 ستمبر 2026) چیف سیکرٹری خیبر پختونخوا کی خصوصی ہدایات پر جاری انسدادِ لکڑی اسمگلنگ مہم کے دوران، ڈویژنل فارسٹ آفیسر ہزارہ ٹرائبل فارسٹ ڈویژن بٹگرام جناب رفیق اللہ صاحب کی خصوصی ہدایات اور زیرو ٹالرنس پالیسی کے تحت آج
ایس ڈی ایف او ہلاں جناب افتخار خان صاحب کی زیرِ نگرانی، کھتوڑہ کے علاقے میں مصدقہ اطلاع پر کارروائی کرتے ہوئے فارسٹر عطاءاللہ غوری اور فاریسٹ اسٹاف نے 15 عدد نگ از قسم بیاڑ، مجموعی طور پر 37 مکسر فٹ غیر قانونی لکڑی قبضے میں لے لی۔
🌳 محکمہ جنگلات بٹگرام جنگلات کے تحفظ اور قدرتی وسائل کی حفاظت کے لیے پرعزم ہے۔ غیر قانونی کٹائی اور لکڑی اسمگلنگ میں ملوث عناصر کے خلاف زیرو ٹالرنس پالیسی کے تحت کارروائیاں بلاامتیاز جاری رہیں گی۔

💚 جنگلات ہماری قومی دولت ہیں ان کا تحفظ ہم سب کی ذمہ داری ہے۔
🌲 محفوظ جنگل، محفوظ مستقبل 🌲
*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*


مورخہ: 29-08-2026وزیراعلیٰ خیبر پختونخوا جناب محمد سہیل آفریدی کا ضلع بٹگرام کا دورہ اور مون سون شجرکاری مہمآج مورخہ 29 ...
29/08/2026

مورخہ: 29-08-2026
وزیراعلیٰ خیبر پختونخوا جناب محمد سہیل آفریدی کا ضلع بٹگرام کا دورہ اور مون سون شجرکاری مہم
آج مورخہ 29 اگست 2026 کو وزیراعلیٰ خیبر پختونخوا جناب محمد سہیل آفریدی نے ضلع بٹگرام کا اہم دورہ کیا۔ وزیراعلیٰ صاحب کے ہمراہ جناب جنید اکبر صاحب، ممبر قومی اسمبلی و چیئرمین پبلک اکاؤنٹس کمیٹی، جناب تاج محمد خان ٹرند، ایڈوائزر ٹو وزیراعلیٰ خیبر پختونخوا برائے یوتھ افیئرز اینڈ سپورٹس، پرنس محمد نواز خان، ممبر قومی اسمبلی حلقہ الائی اور دیگر معزز شخصیات بھی موجود تھیں۔
وزیراعلیٰ خیبر پختونخوا اور معزز مہمانوں کی آمد کے موقع پر بوائز ڈگری کالج بٹگرام میں ایک خصوصی پروگرام کا انعقاد کیا گیا، جس میں ضلعی انتظامیہ، محکمہ جنگلات، پولیس اور دیگر متعلقہ محکموں کے افسران و اہلکاروں نے شرکت کی۔
اس موقع پر ڈپٹی کمشنر بٹگرام، کنزرویٹر اپر ہزارہ سرکل مانسہرہ جناب مسٹر سلیم مروت صاحب، اسسٹنٹ کمشنر صاحب، ڈسٹرکٹ پولیس آفیسر صاحب، ، سب ڈویژنل فاریسٹ آفیسر بٹگرام جناب جنید نذیر صاحب اور محکمہ جنگلات کے دیگر افسران و اہلکار بھی موجود تھے۔
پروگرام کے دوران وزیراعلیٰ خیبر پختونخوا جناب محمد سہیل آفریدی اور جناب جنید اکبر صاحب نے مون سون شجرکاری مہم کے تحت پودے لگا کر باقاعدہ شجرکاری کا آغاز کیا۔ اس موقع پر محکمہ جنگلات کی جانب سے شجرکاری مہم کے حوالے سے جاری سرگرمیوں، پودوں کی نگہداشت اور جنگلات کے تحفظ کے سلسلے میں کیے جانے والے اقدامات کے بارے میں بھی آگاہ کیا گیا۔
وزیراعلیٰ صاحب نے شجرکاری کی اہمیت پر زور دیتے ہوئے کہا کہ درخت ماحولیاتی آلودگی کے خاتمے، موسمیاتی تبدیلی کے اثرات کو کم کرنے، قدرتی ماحول کے تحفظ اور آنے والی نسلوں کے لیے صاف و سرسبز ماحول کی فراہمی میں بنیادی کردار ادا کرتے ہیں۔
اس موقع پر محکمہ جنگلات کے افسران نے اس عزم کا اظہار کیا کہ ضلع بٹگرام میں مون سون شجرکاری مہم کو بھرپور انداز میں جاری رکھا جائے گا اور زیادہ سے زیادہ علاقوں میں شجرکاری کے ساتھ ساتھ لگائے گئے پودوں کی مؤثر نگہداشت اور حفاظت کو بھی یقینی بنایا جائے گا۔
وزیراعلیٰ خیبر پختونخوا کے دورہ بٹگرام اور ان کی جانب سے شجرکاری میں شرکت سے ماحول دوست سرگرمیوں، جنگلات کے تحفظ اور شجرکاری مہم کو مزید فروغ دینے کے لیے ایک مثبت پیغام گیا۔ پروگرام کے اختتام پر معزز مہمانوں اور ضلعی انتظامیہ و محکمہ جنگلات کے افسران نے شجرکاری کے فروغ اور جنگلات کے تحفظ کے لیے باہمی تعاون جاری رکھنے کے عزم کا اظہار کیا۔

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*


انسدادِ لکڑی اسمگلنگ مہمبٹگرام (24 اگست 2026) چیف سیکرٹری خیبر پختونخوا کی خصوصی ہدایات پر جاری انسدادِ لکڑی اسمگلنگ مہم...
24/08/2026

انسدادِ لکڑی اسمگلنگ مہم

بٹگرام (24 اگست 2026) چیف سیکرٹری خیبر پختونخوا کی خصوصی ہدایات پر جاری انسدادِ لکڑی اسمگلنگ مہم کے دوران، ڈویژنل فارسٹ آفیسر ہزارہ ٹرائبل فارسٹ ڈویژن بٹگرام *جناب رفیق اللہ صاحب کی خصوصی ہدایات اور زیرو ٹالرنس پالیسی کے تحت آج ایک اہم مشترکہ کارروائی عمل میں لائی گئی۔
ایس ڈی ایف او بٹگرام جناب جنید صاحب کی نگرانی میں بٹگرام سب ڈویژن کے عملے نے *مقامی پولیس کے تعاون* سے *پیمال* کے مقام پر ناکہ لگا کر کارروائی کرتے ہوئے ایک عدد جیپ کو پکڑ لیا۔

ابتدائی چیکنگ کے دوران جیپ میں سےمختلف سائز کے 17 عدد "نگ" از قسم کاہل برآمد ہوئے۔ جس کا مجموعی حجم 19.94 CFT بنتا ہے۔
گاڑی اور برآمد شدہ لکڑی کو قبضے میں لے کر مزید قانونی کارروائی کے لیے *ڈویژنل فارسٹ آفس بٹگرام* منتقل کر دیا گیا ہے۔
ڈی ایف او صاحب نے کہا کہ اسمگلنگ کے اس نیٹ ورک سے وابستہ تمام افراد کی نشاندہی اور گرفتاری کے لیے تفتیش کا عمل جاری ہے تاکہ ملوث ہر فرد کو قانون کے مطابق انصاف کے کٹہرے میں لایا جا سکے۔

*ڈویژنل فارسٹ آفیسر*
*ہزارہ ٹرائبل فارسٹ ڈویژن، بٹگرام*

Address

Battagram

Website

Alerts

Be the first to know and let us send you an email when Hazara Tribal Forest Division Battagram posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Hazara Tribal Forest Division Battagram:

Shortcuts

Share

Category