02/06/2026
بٹگرام -: آر پی او ہزارہ ناصر محمود ستی کی ہدایت پر ڈی ایچ کیو ہسپتال بٹگرام میں عوام کو فوری اور بہتر پولیس سہولیات کی فراہمی کے لیے جدید پولیس سہولت کاؤنٹر کا باقاعدہ آغاز کر دیا گیا ۔
ڈی پی او بٹگرام قمر حیات خان (PSP) نے میڈیکل سپرنٹنڈنٹ ڈاکٹر گل شہزاد خان کے ہمراہ پولیس سہولت کاؤنٹر کا افتتاح کیا ۔
اس موقع پر ڈی پی او نے کہا کہ پولیس سہولت کاؤنٹر کے قیام کا مقصد شہریوں کو ایک ہی جگہ پر بروقت اور آسان پولیس خدمات فراہم کرنا ہے ۔ کاؤنٹر پر مختلف نوعیت کی رپورٹس اور متعلقہ امور کو آن لائن نظام کے ذریعے انجام دیا جائے گا ۔ جس سے عوام کا وقت اور وسائل دونوں بچیں گے ۔
کاؤنٹر پر پولیس جوان اور رضاکار تعینات رہیں گے جبکہ خواتین سائلین کی رہنمائی اور معاونت کے لیے لیڈی کنسٹیبل بھی موجود ہوگی ۔
افتتاح کے بعد میڈیکل سپرنٹنڈنٹ ڈاکٹر گل شہزاد خان نے ڈی پی او بٹگرام کو ہسپتال کے مختلف شعبوں کا دورہ کروایا اور مریضوں کو فراہم کی جانے والی طبی سہولیات کے بارے میں بریفنگ دی ۔
ڈی پی او بٹگرام نے ہسپتال انتظامیہ کے اقدامات کو سراہتے ہوئے پولیس اور محکمہ صحت کے درمیان باہمی تعاون کو عوامی خدمت کے لیے اہم قرار دیا ۔
ترجمان بٹگرام پولیس
30/05/2026
بٹگرام -: ڈی پی او قمر حیات خان (PSP) کی ہدایات پر ٹریفک وارڈن پولیس کی جانب سے عوامی آگاہی مہم کا انعقاد کیا گیا ۔
مہم کے دوران مسافروں میں شدید گرمی کے پیشِ نظر ٹھنڈا پانی تقسیم کیا گیا جبکہ بچوں کو تحائف بھی دیے گئے ۔ اس موقع پر شہریوں کو روڈ سیفٹی ، ہیلمٹ کے استعمال ، اوور سپیڈنگ سے گریز اور ٹریفک قوانین کی پابندی کے حوالے سے آگاہی فراہم کی گئی ۔
ترجمان بٹگرام پولیس
29/05/2026
بٹگرام -: اطلاع برائے عوام الناس
دریائے اباسین میں پانی کے بہاؤ میں مسلسل اضافہ ہو رہا ہے جبکہ دریا انتہائی خطرناک صورتِ حال اختیار کر چکا ہے ۔ عوام الناس خصوصاً والدین سے پرزور اپیل کی جاتی ہے کہ اپنے بچوں پر خصوصی نظر رکھیں اور انہیں دریا کے قریب جانے ، نہانے یا کھیل کود سے سختی سے منع کریں ۔ کیونکہ معمولی سی غفلت کسی بھی وقت بڑے حادثے یا جانی نقصان کا سبب بن سکتی ہے ۔
ڈی پی او بٹگرام قمر حیات خان (PSP) کی خصوصی ہدایات پر دریا کنارے پولیس گشت مزید بڑھا دیا گیا ہے جبکہ حساس مقامات پر خفیہ نگرانی بھی جاری ہے تاکہ کسی بھی ناخوشگوار واقعے کی بروقت روک تھام یقینی بنائی جا سکے ۔
بٹگرام پولیس تمام شہریوں سے اپیل کرتی ہے کہ احتیاطی تدابیر اختیار کریں ، انتظامیہ اور پولیس کے ساتھ تعاون کریں اور اپنے اہلِ خانہ خصوصاً بچوں کی حفاظت کو یقینی بنائیں ۔ کسی بھی قسم کی لاپرواہی یا خلاف ورزی کی صورت میں قانونی کارروائی عمل میں لائی جائے گی ۔
ترجمان بٹگرام پولیس
28/05/2026
بٹگرام -: عید الاضحیٰ کے دوسرے روز بھی ٹریفک پولیس مکمل طور پر مصروفِ عمل رہی ۔ مختلف شاہراہوں پر ٹریفک کی روانی برقرار رکھنے کے ساتھ ساتھ شہریوں میں روڈ سیفٹی سے متعلق آگاہی بھی فراہم کی گئی ۔
ٹریفک پولیس نے موٹر سائیکل سواروں کو ہیلمٹ کے لازمی استعمال ، اوور سپیڈنگ سے گریز کرنے اور کم عمر ڈرائیورز کو گاڑی یا موٹر سائیکل نہ چلانے کی ہدایات جاری کیں ۔
ڈی پی او بٹگرام قمر حیات خان (PSP) نے عوام سے اپیل کی ہے کہ اپنی اور دوسروں کی جانوں کے تحفظ کے لیے ٹریفک قوانین پر عملدرآمد یقینی بنائیں اور ذمہ دار شہری ہونے کا ثبوت دیں ۔
ترجمان بٹگرام پولیس
28/05/2026