Discover Khokhar Zer

الوداع چاچا اچھو 💌
ایک ہی صحن میں ہم پل کر جوان ہوئے، اکٹھے پڑھا تو نہیں لیکن مل کر خوب کھیلے ، آج سے تیس پینتیس سال پہلے جب کرکٹ ایک جنون تھا، بلکہ ہمارے خون میں شامل تھا، گرائونڈ کا کچھ فرق نہیں پڑتا تھا بس چند لڑکے اکٹھے ہوئے نہیں کہ کرکٹ شروع، یہ شوق بڑھتا ہی چلا گیا ، محلے میں حلوے گوشت کے میچوں سے نکل کر ہم دوسری ٹیموں سے میچ بھی کھیلے لیکن جو میچ چاچا اچھو سے محلے میں ہوتا تھا اس کا الگ ہی جوش تھا، الگ ہی چارم تھا، چاچا اچھو کرکٹ کھیلے اور بغیر حلوے کے میچ ہو یہ کم ہی ہوتا تھا، یہاں تک کہ مزاج کے خلاف ٹرافیوں کا سلسلہ بھی چلا۔ چاچا اچھو نے کرکٹ کھیلی تو خوب کھیلی، دوستوں کا دوست، اپنی تفریح طبع اور خوبیوں سے خوب محبت سمیٹی۔ ہماری عمروں میں دس بارہ سال سے زیادہ کا فرق نہیں تھا، پتہ ہی نہیں چلتا تھا کہ اصل میں ہمارا رشتہ ہے کیا؟ دوست بھی اور چاچا بھتیجا بھی۔ چاچا اچھو نے خوشیاں بھی بکھیریں لیکن زندگی نے تکلیفیں بھی دیں اور چاچا اچھو نے بظاہر جواں مردی سے ان سب کا مقابلہ کیا ۔ چاچا اچھو نے ٹانگ کی تکلیف بہت عرصہ جھیلی اور بالآخر اپنی ٹانگ سے محروم ہونا پڑا لیکن پھر بھی بیماریوں نے چاچا اچھو کی جان نہ چھوڑی اور یرقان جیسا موذی مرض چاچا اچھو کی ابدی جدائی کا سبب بنا، بے شک سب نے اس دنیا سے جانا ہے اور ہر کسی کا ایک وقت مقرر ہے ۔ چاچا اچھو اپنی اچھی یادوں کے ساتھ ہم سے رخصت ہوچکا ہے ، ہم چاچا اچھو کی مغفرت و بخشش کے لیے دعا گو ہیں، مجھے یقین ہے کہ آپ بھی چاچا اچھو کے لیے دعا کریں گے اور بھولیں گے نہیں۔ الوداع چاچا اچھو 😓
از، فیصل شہزاد ملک

گھر سے میں کھینچ کے لاتا ہوں سڑک تک خود کو
پھر جدھر لے کے چلی جائے سڑک، جاتا ہوں!!
عمیر نجمی
فوٹو:: عاقب شہزاد

کھوکھرزیر ڈیم کی لاجواب لوکیشن
📸
فوٹو: استاد جمیل اختر کریالہ، چکوال

آج نمل یونیورسٹی اسلام آباد میں کھوکھرزیر سے تعلق رکھنے والے ملک کاشف اعوان کو کتاب چین شناسی میں "چینی شاہراہیں اور جنوبی ایشیاء" کے موضوع پر تفصیلی آرٹیکل لکھنے پر تعریفی سند پیش کی گئی۔ پروفیسر فتح محمد ملک اس تقریب کے مہمان خصوصی تھے۔

ڈسکور کھوکھرزیر کی پوری ٹیم کی جانب سے تمام دوست احباب اور اہل پاکستان کو عید الضحیٰ بہت بہت مبارک ہو، اللہ پاک ہمارے پیارے پاکستان کی خیر فرمائے آمین 💕

لوگ صرف خود کے سگے ہوتے ہیں، ذرا سی غلطی یا غلط فہمی کی دیر ہے آپ کی بھلائی کو خلوص سمیت آپ کے منہ پر مار دیا جائے گا ۔