23/10/2026
🦟 فوگنگ اسپرے، مچھر دانیوں کی تقسیم اور ڈینگی سے بچاؤ کے حوالے سے آگاہی سرگرمی
📅 23 اکتوبر 2026
ضلع ہیلتھ آفیسر چارسدہ ڈاکٹر حماد کی ہدایات پر آج ترناب روڈ، گلشن آباد اور سی ڈی چارسدہ خاص میں مچھروں کے خاتمے اور ڈینگی کے پھیلاؤ کو روکنے کے لیے فوگنگ اسپرے کی سرگرمیاں انجام دی گئیں۔
اس سرگرمی کے دوران ڈینگی کے مثبت مریضوں میں مچھر دانیاں تقسیم کی گئیں اور عوام کو ڈینگی سے بچاؤ اور ضروری احتیاطی تدابیر کے حوالے سے آگاہی فراہم کی گئی۔
عوام کو ہدایت کی گئی کہ کھڑے پانی کا خاتمہ کریں، صفائی ستھرائی کا خاص خیال رکھیں اور مچھروں کے کاٹنے سے بچاؤ کے لیے ضروری احتیاطی تدابیر اختیار کریں۔ اس کے علاوہ عوام کو تاکید کی گئی کہ بروقت تشخیص اور علاج کے لیے قریبی سرکاری مرکزِ صحت سے رجوع کریں، خصوصاً اگر بیماری کی علامات شدید ہو جائیں یا کوئی پیچیدگی پیدا ہو۔
📢 عوام کے لیے اہم پیغام
✅ سرکاری مراکزِ صحت میں ڈینگی اور ملیریا کی تشخیص اور علاج مفت فراہم کیا جاتا ہے۔
✅ مسلسل قے، خون بہنے، پیٹ میں شدید درد یا سانس لینے میں دشواری جیسی خطرناک علامات کو نظر انداز نہ کریں اور فوری طور پر طبی امداد حاصل کریں۔
ضلعی محکمہ صحت چارسدہ عوام کی صحت کے تحفظ کے لیے ڈینگی سے بچاؤ، مچھروں کے خاتمے اور عوامی آگاہی کی سرگرمیاں جاری رکھے ہوئے ہے۔
