05/10/2026
ڈھیری زردا میں بڑی کارنر میٹنگ، 9 اکتوبر کے جلسۂ عام کی تیاریوں پر مشاورت
یونین کونسل ڈھیری زردا میں سیف اللہ خان درانی کے حجرہ میں 9 اکتوبر کے چارسدہ چوک جلسۂ عام کے سلسلے میں ایک بڑی کارنر میٹنگ منعقد ہوئی، جس میں علاقے کے عوام اور کارکنان کی کثیر تعداد نے شرکت کی۔
اجلاس سے خطاب کرتے ہوئے سیف اللہ خان درانی نے کہا کہ ڈھیری زردا کے عوام 9 اکتوبر کے چارسدہ چوک جلسۂ عام میں بھرپور شرکت کا ارادہ رکھتے ہیں اور ان شاء اللہ علاقے سے ہزاروں افراد جلسے میں شریک ہوں گے۔
انہوں نے کہا کہ عوامی مسائل، مہنگائی اور حکمرانی سے متعلق تحفظات پر سیاسی و عوامی سطح پر آواز اٹھانا ضروری ہے۔ ان کے مطابق جلسۂ عام عوام کو ایک دوسرے سے رابطے، اپنے مسائل کے اظہار اور سیاسی جدوجہد کے آئندہ لائحۂ عمل پر بات چیت کا موقع فراہم کرے گا۔
سیف اللہ خان درانی نے مزید کہا کہ ڈھیری زردا میں جلسۂ عام کے حوالے سے عوامی رابطے اور تیاریوں کا سلسلہ جاری ہے اور مختلف علاقوں میں مشاورتی ملاقاتیں کی جا رہی ہیں۔ انہوں نے کہا کہ 9 اکتوبر کا اجتماع علاقے کے لوگوں کی شرکت اور ان کے سیاسی اظہار کا ایک اہم موقع ہوگا۔
اجلاس کے اختتام پر 9 اکتوبر کے چارسدہ چوک جلسۂ عام میں بھرپور شرکت کے حوالے سے شرکاء نے اپنے عزم کا اظہار کیا۔اجلاس پی کے 64کے جنرل سیکرٹری اکبر علی نے بھی خطاب کی
