07/10/2026
ڈپٹی کمشنر آفس دادو
7 اکتوبر 2026
پی آر نمبر: 232/2K26DC/MC
پریس رلیز
تعلیم فاؤنڈیشن اور یو این ڈی پی کے تعاون سے گورنمنٹ بوائز پائلٹ ہائی اسکول دادو میں تعلیمی میلہ، طلبہ کی تخلیقی و علمی صلاحیتوں کو اجاگر کرنے پر زور
دادو: گورنمنٹ بوائز پائلٹ ہائی اسکول دادو میں تعلیم فاؤنڈیشن اور اقوام متحدہ کے ترقیاتی پروگرام (UNDP) کے تعاون سے تعلیمی میلہ منعقد کیا گیا، جس کا مقصد طلبہ کو نصابی تعلیم کے ساتھ ساتھ تخلیقی، سائنسی، فنی اور عملی سرگرمیوں کے ذریعے اپنی صلاحیتوں کے اظہار کے مواقع فراہم کرنا اور ان میں تحقیق و تخلیقی سوچ کو فروغ دینا تھا۔
تعلیمی میلے میں ڈپٹی کمشنر دادو سید مرتضیٰ علی شاہ نے مہمانِ خصوصی کی حیثیت سے شرکت کی۔ اس موقع پر اسکول انتظامیہ، اساتذہ، طلبہ، تعلیم فاؤنڈیشن، یو این ڈی پی اور دیگر متعلقہ اداروں کے نمائندگان بھی موجود تھے۔
میلے کے دوران طلبہ کی جانب سے مختلف سائنسی، تعلیمی، تخلیقی اور معلوماتی اسٹالز قائم کیے گئے، جہاں انہوں نے مختلف موضوعات پر تیار کردہ ماڈلز، پروجیکٹس اور تخلیقی کام پیش کیے۔ ڈپٹی کمشنر دادو نے مختلف اسٹالز کا دورہ کیا اور طلبہ سے ان کے تیار کردہ ماڈلز اور پروجیکٹس کے حوالے سے معلومات حاصل کیں۔ انہوں نے طلبہ کی محنت، علمی قابلیت، تخلیقی سوچ اور اعتماد کو سراہتے ہوئے ان کی بھرپور حوصلہ افزائی کی۔
اس موقع پر ڈپٹی کمشنر سید مرتضیٰ علی شاہ نے کہا کہ جدید دور میں تعلیم محض کتابی علم تک محدود نہیں، بلکہ طلبہ میں تخلیقی سوچ، تحقیق، مسئلہ حل کرنے کی صلاحیت، عملی مہارت اور خود اعتمادی پیدا کرنا بھی تعلیمی نظام کا اہم مقصد ہے۔ انہوں نے کہا کہ تعلیمی میلوں اور اس نوعیت کی سرگرمیوں کے ذریعے طلبہ کو اپنی صلاحیتیں عملی طور پر پیش کرنے اور نئی چیزیں سیکھنے کا موقع ملتا ہے۔
انہوں نے کہا کہ سرکاری اسکولوں میں تعلیمی معیار کو مزید بہتر بنانے، طلبہ کی حاضری اور تعلیمی سرگرمیوں میں دلچسپی بڑھانے کے ساتھ ساتھ انہیں سازگار اور معیاری تدریسی ماحول فراہم کرنے کے لیے اسکول انتظامیہ، اساتذہ، والدین، متعلقہ سرکاری اداروں اور ترقیاتی شراکت داروں کا باہمی تعاون نہایت ضروری ہے۔
ڈپٹی کمشنر نے تعلیم فاؤنڈیشن اور یو این ڈی پی کی جانب سے تعلیمی سرگرمیوں کے فروغ اور طلبہ کو اپنی صلاحیتوں کے اظہار کے مواقع فراہم کرنے کے اقدام کو سراہتے ہوئے کہا کہ ایسے اقدامات سرکاری تعلیمی اداروں میں مثبت اور تخلیقی ماحول کے فروغ میں اہم کردار ادا کرتے ہیں۔ انہوں نے امید ظاہر کی کہ مستقبل میں بھی اس نوعیت کی سرگرمیوں کا سلسلہ جاری رکھا جائے گا تاکہ طلبہ کی علمی، سائنسی اور تخلیقی صلاحیتوں کو مزید نکھارا جا سکے۔
اس موقع پر قاضی کبیر، علی اکبر پنہور، میڈم خدیجہ پنہور، ڈسٹرکٹ کوآرڈینیٹر میڈم روزینہ پیرزادہ اور پروجیکٹ مینیجر مجید تھہیم نے بھی خطاب کرتے ہوئے تعلیمی سرگرمیوں کی اہمیت پر روشنی ڈالی۔ انہوں نے طلبہ کی جانب سے پیش کیے گئے مختلف ماڈلز، پروجیکٹس اور تخلیقی کام کو سراہتے ہوئے کہا کہ ایسی سرگرمیاں طلبہ کی صلاحیتوں کو اجاگر کرنے اور ان میں سیکھنے کا جذبہ پیدا کرنے میں معاون ثابت ہوتی ہیں۔
آخر میں ڈپٹی کمشنر دادو اور دیگر مہمانوں نے طلبہ کی حوصلہ افزائی کرتے ہوئے کہا کہ محنت، علم، تحقیق اور تخلیقی سوچ ہی روشن اور کامیاب مستقبل کی بنیاد ہیں۔ اس موقع پر اسکول انتظامیہ اور اساتذہ کی جانب سے تعلیمی میلے کے انعقاد اور طلبہ کی صلاحیتوں کو اجاگر کرنے کے لیے کی جانے والی کاوشوں کو بھی سراہا گیا۔
ترجمان
ڈپٹی کمشنر دادو
