15/09/2025
پریس ریلیز
رائٹ ٹو پبلک سروسز کمیشن
حکومت خیبر پختونخوا
15/09/2025
ایس ایس پی آپریشنز پشاور، ڈی پی او صوابی کو 15 دنوں کے اندر جوابات جمع کروانے کے احکامات
آر ٹی ایس کمیشن میں دس عوامی شکایات کی شنوائی، خدمات تک بروقت رسائی عوام کا حق ہے، کمیشن
رائٹ ٹو پبلک سروسز کمیشن میں دس عوامی شکایات کی شنوائی ہوئی۔ چیف کمشنر محمد علی شہزادہ اور کمشنر ذاکر حسین آفریدی نے شہریوں کے درخواستوں پر سماعت کی۔ پشاور سے یحییٰ خان اور محمد جنید نے ایف آئی آر کے اندراج کے لیے کمیشن کو درخواست دی تھی۔ کمیشن نے ایس ایس پی آپریشنز کو شہریوں کو بذاتِ خود سن کر شکایت نمٹانے کے احکامات جاری کئے تھے۔ مقررہ وقت میں تحریری جواب موصول نہ ہونے پر کمیشن نے ایس ایس پی آپریشنز کو آخری یاد دہانی نوٹس جاری کرتے ہوئے کہا کہ 15 دنوں کے اندر جواب موصول نہ ہونے کے صورت میں کمیشن قانونی کاروائی کرنے کا مجاز ہو گا۔ صوابی سے محمد عارف کے کیس میں بھی ڈی پی او صوابی کو آخری یاد دہانی نوٹس جاری کیا گیا۔ مختلف اضلاع سے 20 سے زیادہ شہریوں نے اسلحہ لائسنس کی اجراء میں تاخیر پر کمیشن کو درخواست دی ہے۔ کمیشن نے ہوم ڈیپارٹمنٹ سے تمام شکایت کنندہ گان کا ریکارڈ طلب کر لیا۔ ایبٹ آباد سے پرویز نامی شہری نے زمین کی حد براری کے لیے کمیشن سے رجوع کیا ہے۔ کمیشن نے ڈی سی ایبٹ آباد سے اج تک عمل میں لائی گئی تمام کاروائی کا ریکارڈ طلب کر لیا۔ چارسدہ سے کمال خان نامی شہری نے ایف آئی آر کے اندراج کے لیے درخواست دی تھی۔ ڈی پی او نے کمیشن کو لکھا کہ شہری کی ایف آئی آر درج ہو چکی ہے۔ کمیشن نے کیس بند کرنے کا فیصلہ کیا۔ اقرار نے خیبر سے ایف آئی آر کے اندراج کے لیے کمیشن سے رجوع کیا۔ شہری نے کمیشن کو لکھ کر دیا کہ اسکا مسئلہ حل ہو گیا ہے۔ حمید الرحمان نے نونیر سے کوڑا کرکٹ ہٹھانے کے لیے کمیشن کو درخواست دی ہے۔ کمیشن نے اسسٹنٹ ڈائریکٹر لوکل گورنمنٹ کو شہری کی شکایت دور کرنے کے احکامات جاری کیے۔ مانسہرہ سے راجہ وقاص نے زمین کی حد براری کے لیے کمیشن کو درخواست دی ہے۔ کمیشن نے شہری کو دبئی سے آنلائن وڈیو کال کے ذریعے سنا اور ہدایت دی کہ تمام ریونیو ریکارڈ کمیشن کو بھجوائے۔ کمیشن نے سرکاری افسران کو عوام کی ضروریات کو مؤثر طریقے سے پورا کرنے اور خدمات کی فراہمی کے عمل کو بہتر بنانے پر زور دیا۔ بنیادی خدمات کا حصول عوام کا حق ہے نا کہ ان پر حکومت کا احسان۔
16/10/2025