08/10/2026
وزیراعلیٰ خیبرپختونخوا سہیل آفریدی کے سابقہ لانگ مارچ سے متعلق متنازع بیان پر
سابق وزیراعلیٰ خیبرپختونخوا سردار علی امین خان گنڈاپور کا دوٹوک اور بھرپور ردعمل!
سہیل آفریدی صاحب! اب وضاحت نہیں، جواب دینا ہوگا!
آج ’’فکس میچ‘‘ کا بیان دے کر آپ نے انتہائی غیر ذمہ دارانہ اور نامناسب بات کی ہے۔ اگر واقعی یہ ’’فکس میچ‘‘ تھا تو قوم کو بتائیں: کیا علی امین گنڈاپور کے ساتھ کنٹینر میں بیٹھ کر منصوبہ بندی کرنے والے آپ خود بھی اسی فکس میچ کا حصہ تھے؟ کیا بشریٰ بی بی بھی اس میں شامل تھیں؟ کیا وہ تمام پارلیمنٹیرینز بھی اس مبینہ فکس میچ کا حصہ تھے جو اس حکمتِ عملی کے ساتھ کھڑے رہے؟
اور سب سے اہم سوال یہ ہے کہ 26 نومبر کے بعد تقریباً 11 ماہ تک آپ خود سی اینڈ ڈبلیو کے صوبائی وزیر کے منصب پر فائز رہے۔ اگر آپ کے بقول سب کچھ ’’فکس میچ‘‘ تھا تو پھر آپ اتنے عرصے تک اسی کرسی پر کیوں بیٹھے رہے؟ کیا اُس وقت کرسی آپ کو زیادہ عزیز تھی؟ اگر سب کچھ غلط تھا تو آپ نے اسی وقت استعفیٰ کیوں نہیں دیا اور عوام کے سامنے حقیقت کیوں نہیں رکھی؟
صرف بیانات، الزامات اور سوشل میڈیا کی مقبولیت سے کوئی لیڈر نہیں بنتا۔ اپنی کارکردگی اور اپنے عمل سے خود کو ثابت کریں۔ دوسروں پر الزام تراشی، بغض اور ذاتی حملوں سے آپ اپنی ذمہ داری سے جان نہیں چھڑا سکتے۔
حقیقت یہ ہے کہ 27 ستمبر کا لانگ مارچ مؤخر کیا گیا اور آج اسلام آباد کے بجائے خیبرپختونخوا کی سڑکوں پر گھومنے کو سیاسی کامیابی بنا کر پیش کیا جا رہا ہے۔ اگر واقعی آپ خود کو ’’ٹیپو سلطان‘‘ سمجھتے ہیں تو پھر دعووں اور نعروں کے بجائے عملی جرات کا مظاہرہ کریں اور اپنے فیصلوں کی ذمہ داری قبول کریں۔
کبھی نااہلی کا بہانہ، کبھی گورنر راج کا خوف اور کبھی دوسروں پر الزام—یہ قیادت نہیں، سیاسی کنفیوژن ہے۔
آپ نے دوسروں پر ’’فکس میچ‘‘ کا الزام لگا دیا، اب ذرا اپنے کردار اور اپنے فیصلوں کا حساب بھی دیں۔ اگر واقعی آپ کے پاس کوئی ثبوت ہے تو قوم کے سامنے رکھیں، ورنہ غیر ذمہ دارانہ الزامات واپس لیں اور معذرت کریں۔
یاد رکھیں! لیڈر سوشل میڈیا کے نعروں سے نہیں، مشکل وقت میں اپنے فیصلوں، کردار، کارکردگی اور قربانی سے بنتا ہے۔
سہیل آفریدی صاحب! دوسروں پر انگلی اٹھانے سے پہلے اپنے گیارہ ماہ کے کردار کا حساب دیں۔ قوم سوال کر رہی ہے، اور اب آپ کو جواب دینا ہوگا۔
