29/09/2026
بانی چیئرمین عمران خان کے وژن، وزیراعلیٰ خیبرپختونخوا کے مشیر برائے زکوٰۃ، عشر، سوشل ویلفیئر ملک لیاقت علی خان کی خصوصی پالیسیوں اور صوبائی زکوٰۃ چیئرمین امتیاز خان کی ہدایات کی روشنی میں۔
تیمرگرہ: ڈسٹرکٹ زکوٰۃ چیئرمین دیر لوئر جناب عمران جان نے آج ایک اہم دورے کے سلسلے میں معروف دینی درسگاہ جامعہ عالیہ احیاء العلوم بلامبٹ کا تفصیلی دورہ کیا۔
اس موقع پر ان کے ہمراہ ڈسٹرکٹ زکوٰۃ آفیسر جناب شاہی روم خان، پاکستان تحریک انصاف کے سینئر رہنما ملک ضیاء الحق، اور ضلعی زکوٰۃ آفس کا عملہ بھی ان کے ہمراہ تھا۔
جامعہ انتظامیہ نے معزز مہمانوں کا پرتپاک استقبال کیا۔ انتظامیہ نے چیئرمین صاحب کو بریفنگ دیتے ہوئے بتایا کہ الحمدللہ جامعہ عالیہ احیاء العلوم بلامبٹ اب باقاعدہ طور پر محکمہ زکوٰۃ خیبر پختونخواہ اور ضلعی زکوٰۃ آفس دیر لوئر کے ساتھ رجسٹرڈ ہو چکا ہے، جو کہ ادارے کے لیے ایک بڑی کامیابی ہے۔
ڈسٹرکٹ چیئرمین جناب عمران جان نے جامعہ کے مختلف شعبہ جات کا بغور معائنہ کیا، جس میں جامعہ کا لنگر خانہ جہاں روزانہ سینکڑوں طلباء کے لیے کھانے کا انتظام کیا جاتا ہے، جدید لائبریری، طلباء و طالبات کے درسگاہیں، رہائشی ہاسٹلز اور سٹاف کے امور کا جائزہ لیا گیا۔
اس موقع پر چیئرمین صاحب نے اعلان کیا کہ ان شاء اللہ بہت جلد جامعہ کے مستحق اور نادار طلباء و طالبات کے لیے محکمہ زکوٰۃ کی جانب سے خصوصی وظائف (سکالرشپ) کا اجراء کیا جائے گا تاکہ کوئی بھی طالب علم مالی مشکلات کی وجہ سے دینی تعلیم سے محروم نہ رہے۔
آخر میں جامعہ کے مہتمم اور انتظامیہ نے ڈسٹرکٹ زکوٰۃ چیئرمین جناب عمران جان، ڈسٹرکٹ آفیسر شاہی روم خان اور ان کی پوری ٹیم کا دلی شکریہ ادا کیا اور ان کے لیے نیک خواہشات کا اظہار کیا۔
Malak Liaqat Ali Khan
Social Welfare, Special Education & Women Empowerment Department, Khyber Pakhtunkhwa
District Zakat Chairman Lower Dir
