Punjab Institute of Language, Art & Culture (PILAC) works for the promotion of Punjabi language, art and culture under patronage of Info. & Culture Deptt.
Punjab Institute of Language, Art & Culture (PILAC), Information & Culture Department, Government of the Punjab works for the promotion of Punjabi language, art and culture. These are components of PILAC:
Punjab Hall-1 & 2
Punjabi Library
Punjab Museum
Punjab Art Gallery
Radio Station FM-95, 'Punjab Rung'
Punjab Auditorium & Punjab Cafe
Punjab Jiangsu Cultural Centre (PJCC)
03/06/2026
نامور صحافی سعید علوی نے ڈائریکٹر جنرل پلاک اسلم شاہد نال ملاقات کیتی۔ اس موقع اُتے اُوہناں اسلم شاہد نوں ڈائریکٹر جنرل پلاک دی ذمہ داریاں سنبھالن اُتے مبارکباد دِتی، گلدستہ پیش کیتا تے نیک تمنّاؤں دا اظہار کیتا۔
ملاقات دوران پنجاب دی زبان، ادب، ثقافت تے لوک ورثے دے فروغ لئی مختلف اُمور اُتے تبادلۂ خیال ہویا۔ دونوں شخصیات نے ثقافتی سرگرمیاں دے فروغ تے باہمی تعاون نوں مزید مضبوط بناون اُتے زور دِتا۔
25/05/2026
محمد اسلم شاہد نویں ڈائریکٹر جنرل پِلاک، نے ادارے دے مختلف شعبیاں دا تفصیلی دورہ کیتا۔ اوہناں ایڈمن بلاک، پِلاک میوزیم، پِلاک لائبریری، پِلاک آڈیٹوریم تے ایف ایم 95 پنجاب رنگ سمیت مختلف شعبیاں دے امور دا جائزہ لیا۔ ایس موقعے تے متعلقہ عملے نوں ضروری ہدایات وی جاری کیتیاں۔
22/05/2026
پنجاب ادارہ برائے زبان، فن تے ثقافت (پلاک) دے نویں ڈائریکٹر جنرل محمد اسلم شاہد نے اپنے عہدے دا باقاعدہ چارج سنبھال لیا۔ ایس موقعے تے سینئر سٹاف ممبران ولوں اوہناں نوں گلدستہ پیش کرکے خوش آمدید آکھیا گیا تے نیک تمنّاواں دا اظہار کیتا گیا۔ نویں ڈائریکٹر جنرل نوں ادارے دے جاری منصوبیاں، انتظامی اُمور تے مختلف شعبیاں دی کارکردگی بارے تفصیلی بریفنگ وی دتی گئی۔
دوجے پاسے سابق ڈائریکٹر جنرل پلاک محبوب عالم چوہدری دے اعزاز وچ سٹاف ولوں الوداعی تقریب دا اہتمام کیتا گیا، جتھے اوہناں دی خدمات نوں خراجِ تحسین پیش کردیاں نیک خواہشات دے نال رخصت کیتا گیا۔
21/05/2026
بلھے شاہ دی فکر تے اج دا سماج
بلھے شاہ دی فکر، محبت، رواداری تے انسان دوستی دے پیغام اُتے مبنی خصوصی کانفرنس پنجاب ادارہ برائے زبان، فن تے ثقافت (پلاک) دے زیرِ اہتمام منعقد ہوئی۔ شاہد محمود ندیم، چوہدری منظور احمد، نین سکھ، شریف انجم تے ڈائریکٹر جنرل پلاک محبوب عالم چوہدری نے اپنے خیالات دا اظہار کردیاں آکھیا کہ بلھے شاہ دی تعلیمات آج دے دور وچ وی معاشرتی ہم آہنگی، برداشت تے انسانیت لئی مشعلِ راہ نیں۔
عمران جعفری نے بابا بلھے شاہ دا کلام تحت للفظ پیش کیتا جدوں کہ رمضان جانی نے بلھے شاہ دیاں کافیاں پیش کر کے خوب رنگ جمایا تے بھرویں داد وصول کیتی۔
18/05/2026
16/05/2026
محبوب عالم چوہدری (ڈائریکٹر جنرل پِلاک تے ایگزیکٹو ڈائریکٹر پنجاب آرٹس کونسل) دی سربراہی وچ “ہم مائیں، ہم بہنیں، ہم بیٹیاں قوموں کی عزت ہم سے ہے” دے عنوان ہِیٹھ تقریری مقابلہ پلاک وچ منعقد ہویا۔
منصفین وچ ڈاکٹر عمارہ رشید (اسسٹنٹ پروفیسر اُردو، ایجوکیشن یونیورسٹی بینک روڈ کیمپس لاہور)، ڈاکٹر عظمیٰ شوکت (اسسٹنٹ پروفیسر انگریزی، گورنمنٹ کالج برائے خواتین گلبرگ لاہور) تے ڈاکٹر نمرہ (اسسٹنٹ پروفیسر، یشفین کالج الائیڈ ہیلتھ سائنسز شاہدرہ ٹاؤن لاہور) شامل سن۔ اوہناں آکھیا کہ ایسے مقابلے خوداعتمادی، اظہارِ خیال تے نوجواناں دی بہتر تربیت وچ اہم کردار ادا کردے نیں۔
مقابلے وچ ماہبہ اعجاز پہلی، حمنہ صدیقی دوسری تے عروہ فاطمہ تیسری پوزیشن حاصل کر گئی۔ کامیاب طلبہ نوں نقد انعامات تے اسناد دتیاں گئیاں۔ محبوب عالم چوہدری نے آکھیا کہ ایسے پروگرام عورت دے احترام، سماجی شعور تے مثبت اقدار نوں فروغ دیندے نیں۔ تقریب دے آخر وچ شرکاء، منصفین تے نمایاں خدمات سرانجام دیون والیاں نوں تعریفی اسناد نال نوازیا گیا۔
15/05/2026
علموں بس کریں او یار، اِکو الف تیرے درکار!
پنجاب انسٹی ٹیوٹ آف لینگویج، آرٹ اینڈ کلچر (PILAC) ولوں اک خاص علمی تے فکری نشست دا اہتمام کیتا جا رہا اے تاں جے اسیں بابا بلھے شاہؒ دی تعلیمات دی روشنی وچ اپنے اج دے سماج دا جائزہ لے سکیئے۔
موضوع: "بلھے شاہ دی فکر تے اج دا سماج"
آؤ! اس کانفرنس دا حصہ بنو جتھے ساڈے معزز مہمان بلھے شاہؒ دی بصیرت تے اج دے سماجی رویے تےبھرویں گل بات کرن گے۔
پینلسٹ (Panelists):
* چوہدری منظور حسین
* ڈاکٹر نبیلہ رحمان
* شاہد محمود ندیم
* نین سکھ
* شریف انجم
نظامت : ممتاز ملک
تحت اللفظ بابابلھے شاہ: عمران جعفری
کلام بلھے شاہ: رمضان جانی
پروگرام دی تفصیل:
* تریخ: جمعرات، 21 مئی 2026
* ویلا: شام 4:00 وجے
* تھاں: پنجابی کمپلیکس، 1-قذافی سٹیڈیم، فیروز پور روڈ، لاہور
رابطہ : شفاعت بلوچ (ڈپٹی ڈائریکٹر، PILAC)03217965585
.png