Parks and Horticulture Authority Faisalabad

City illuminated by
Horticulture Agency Faisalabad
During Eid-ul-Azha

اسسٹنٹ کمشنر جنرل محترمہ عطیہ عنایت نے معزز کمشنر فیصل آباد ڈویژن کی ہدایات پر آج گلستان ٹاؤن میں واقع محمدی پارک کا دورہ کیا۔ اس موقع پر پارک کی مجموعی صورتحال، باغبانی اور سول ورک کا جائزہ لیا گیا۔ انہوں نے پارک کی بہتری، خوبصورتی اور عوام کو بہتر تفریحی سہولیات کی فراہمی کے لیے ضروری ہدایات جاری کیں۔

پاک چین مثالی اور لازوال دوستی کے 75 سال مکمل ہونے کے تاریخی موقع پر ہارٹیکلچر ایجنسی فیصل آباد (HAF) کے زیر اہتمام ایک پروقار تقریب کا انعقاد کیا گیا۔ اس خاص تقریب میں ڈویژنل کمشنر فیصل آباد محترمہ مسرت جبیں اور ڈپٹی کمشنر فیصل آباد کیپٹن (ریٹائرڈ) ندیم ناصر نے بطور مہمانِ خصوصی شرکت کی۔ تقریب کے دوران دونوں معزز مہمانوں نے پاکستان اور چین کے قومی پرچم لہرائے اور اس موقع پر دونوں ممالک کے قومی ترانے بھی بجائے گئے، جس کے احترام اور آداب میں تمام شرکاء نے کھڑے ہو کر یکجہتی کا اظہار کیا۔ بعد ازاں، پاک چین دوستی کی 75 ویں سالگرہ کی مناسبت سے مہمانانِ خصوصی اور ہارٹیکلچر ایجنسی فیصل آباد کے افسران نے مل کر کیک بھی کاٹا۔

ایڈیشنل کمشنر جنرل محترمہ عطیہ عنایت نے ڈپٹی ڈائریکٹر پی ایچ اے کے ہمراہ گلستان کالونی کے پارکس کا دورہ کیا۔ اس موقع پر انہوں نے پارکس کی مجموعی صورتحال کا جائزہ لیا اور صفائی، خوبصورتی، شجرکاری اور عوام کو بہتر تفریحی سہولیات کی فراہمی کے لیے ضروری اقدامات کرنے کی ہدایات جاری کیں۔

Rehabilitation of Malik pur parks
Gulistan Town
Horticulture Agency Faisalabad

فیصل آباد: شدید آندھی اور طوفان کے بعد ایم ڈی ہارٹیکلچر ایجنسی فیصل آباد کا فیلڈ میں ہنگامی دورہ

شدید آندھی اور طوفان کے بعد منیجنگ ڈائریکٹر ہارٹیکلچر ایجنسی فیصل آباد (HAF) خود فیلڈ میں موجود رہے اور شہر کے مختلف علاقوں کا ہنگامی دورہ کیا۔

ایم ڈی صاحب نے متعلقہ افسران اور فیلڈ سٹاف کو فوری ہدایات جاری کرتے ہوئے شہر بھر سے گرے ہوئے درختوں، ٹوٹی شاخوں اور دیگر رکاوٹوں کو فوری طور پر ہٹانے کا حکم دیا تاکہ ٹریفک کی روانی اور شہریوں کی سہولت کو یقینی بنایا جا سکے۔

ہارٹیکلچر ایجنسی فیصل آباد کی ٹیمیں رات گئے تک مختلف شاہراہوں، پارکس اور گرین بیلٹس میں آپریشن میں مصروف رہیں۔ ایم ڈی نے واضح کیا کہ شہریوں کو درپیش مشکلات کے فوری ازالے کے لیے تمام دستیاب وسائل بروئے کار لائے جا رہے ہیں۔

انہوں نے شہریوں سے بھی تعاون کی اپیل کرتے ہوئے کہا کہ کسی بھی ہنگامی صورتحال یا گرے ہوئے درخت کی اطلاع متعلقہ حکام کو فوری دیں تاکہ بروقت کارروائی عمل میں لائی جا سکے۔