Udas Shayri - اُداس شاعری

اگر میں مر گیا تو کیا کرو گی؟
کچھ ایسا کر گیا تو کیا کرو گی؟

یہ دل تم بن جو اب لگتا نہیں ھے
تمہیں سے بھر گیا تو کیا کرو گی؟

ابھی تو جا رہے ہیں رشتے ناتے
جو مال و زر گیا تو کیا کرو گی؟

مقدر جو تمہارے گھر ھے رہتا
وہ ہو بے گھر گیا تو کیا کرو گی؟

دیا امید کا جو جل رہا ہے
ہوا سے ڈر گیا تو کیا کرو گی؟

چلو اتنا بتاؤ سوچ کر تم
میں سچ میں مر گیا تو کیا کرو گی؟

ہماری موت کا الزام آخر
تمہارے سر گیا تو کیا کرو گی؟
ع ر

زندگی کا گیت ہے سارے کا سارا غمزدہ
دھن ہماری غمزدہ لہجہ ہمارا غمزدہ

اُس کے جانے کی خبر کچھ اسطرح سے تھی ملی
ہو گیا اِک بار پھر سے غم کا مارا غمزدہ

ایک لمحے کو گیا وہ لوٹ کر آیا نہیں
میں کھڑا ہوں راستے میں بے سہارا غمزدہ

لکھ دیا ہے کاتبِ تقدیر کیا تقدیر میں
پڑھ کے جس کو ہو گیا قسمت کا تارہ غمزدہ

کون اپنی تشنگی میں ڈوب کر جاں سے گیا
دکھ میں ڈوبا ہے سمندر ہے کنارہ غمزدہ

مدتوں کے بعد تھی امید خوشیوں کی بندھی
کر دیا اک شخص نے عامر دوبارہ غمزدہ

عامر رضا

موت کھڑی چنگھاڑ رہی ہے
اپنے پنجے گاڑ رہی ہے
شیرنی جیسے ہرن کے پیچھے
بھاگ رہی ہے دھاڑ رہی ہے
ع ر

یہ زحمت چھوڑ دی ہم نے
محبت چھوڑ دی ہم نے

کہ خواہش زیست کی رکھنا
حماقت چھوڑ دی ہم نے

سماعت پر توجہ ہے
بصارت چھوڑ دی ہم نے

کئی بے نام رشتوں کی
رفاقت چھوڑ دی ہم نے

علاوہ اپنے، اوروں سے
عداوت چھوڑ دی ہم نے

تعلق رکھ لیا دکھ سے
کہ راحت چھوڑ دی ہم نے

کسی سے بحث کرنے کی
جسارت چھوڑ دی ہم نے

کہ اب بس ظلم سہنا ہے
بغاوت چھوڑ دی ہم نے

سنیں گے جھوٹ چپ کرکے
صداقت چھوڑ دی ہم نے

برا کس کو کہیں عامر
یہ عادت چھوڑ دی ہم نے

عامر رضا

جیون تھوہر پھُلاں دی ڈَل اے
جینا اج تے مرنا کل اے

پھُلاں تے کلیاں دا ہاسا
جسراں جوبن پل دی پل اے

سِر دی پَنڈ اسمانوں بھاری
عشق دا پینڈا مارُوتھل اے

تیہ آکھے بس پانی! پانی!
کیہ زمزم کیہ گنگا جَل اے

پَیراں نیں نئیں مٹی چھڈی
سِر توں بھانویں اُچی چھَل اے

جھوٹھ اندر دا جین نہ دیوے
سچ آکھاں تے لہندی کھَل اے

اوہناں نوں مُڑ بھر بھر دیوو
جھوک تہاڈی جنہاں وَل اے

(حضرت شام)

محبت روٹھ جاتی ہے تو دکھ محسوس ہوتا ہے
جب اس کی یاد آتی ہے تو دکھ محسوس ہوتا ہے

ہر اک کھٹکا مجھے اس شخص کی دستک سا لگتا ہے
ہوا کھڑکی بجاتی ہے تو دکھ محسوس ہوتا ہے

عامر رضا