District Police Kotli

31/10/2026

تھانہ پولیس کھوئیرٹہ کی جرائم پیشہ عناصر کیخلاف کاروائی

*شراب کے نشہ میں دھت شخص سے پستول 30 بور معہ 06 دانہ روند برآمد*
ملزم گرفتار

راجہ محمد افضال SHO تھانہ پولیس کھوئیرٹہ نے ہمراہ نفری پولیس کے کارروائی کرتے ہوئے ملزم ساجد ولد عطل قوم ڈومال ساکن بگھت پور لاہور حال کھوئیرٹہ کو شراب کے نشہ کی حالت میں غل غپاڑہ کر تے ہوئے گرفتار کرکے ملزم سے پستول 30 بور معہ 06 دانہ روند برآمد کرکے ملزم کے خلاف مقدمہ درج کرکے تفتیش کا آغاز کردیا گیا ہے ۔

31/10/2026

تھانہ پولیس چڑہوئی کی منشیات فروشوں کے خلاف کارروائی

*300 گرام چرس برآمد*
*ملزم گرفتار*

چوہدری خلیل احمد SHO تھانہ پولیس چڑہوئی نے ہمراہ نفری پولیس کے کارروائی کرتے ہوئے
ملزم محمد عثمان ولد محمد یسین ساکن ڈماس چڑہوئی کو گرفتار کرکے ملزم کے قبضے سے 300 گرام چرس برآمد کرتے ہوئے ملزم کے خلاف مقدمہ درج کرتے ہوئے تفتیش کا آغاز کر دیا گیا ہے۔

31/10/2026

ڈپٹی انسپکٹر جنرل پولیس ریجن میرپور کامران علی کی احکامات ایس ایس پی کوٹلی عدیل احمد لنگڑیال کی ہدایت پر ضلع بھر میں جنرل ہولڈ اپ کے دوران منشیات فروشوں اور جرائم پیشہ عناصر کیخلاف کاروائیاں

تھانہ پولیس سہنسہ اور چوکی پولیس ہولاڑ کی دوران جنرل ہولڈ اپ منشیات فروشوں کے خلاف کارروائی

*830گرام چرس برآمد*
*ملزمان شراب کے نشہ میں دھت گرفتار*

پہلی کارروائی میں محمد آزاد چوکی افسر ہولاڑ نے دوران چیکنگ پڑتال محمد الیاس ولد کمال قوم راجپوت ساکن خواص سہر منڈی سہنسہ سے چرس وزنی 580 گرام برآمد کی گئی ۔

دوسری کارروائی میں مہتاب اسلم انسپکٹر SHO سہنسہ نے دوران چیکنگ پڑتال سعید الطاف ولد الطاف حسین قوم راجپوت ساکن گلو ٹیاں سہنسہ اور ماجد خاقان ولد محمد خاقان ساکن بڈلی سہنسہ کو شراب پی کر غل غپاڑہ کرتے ہوئے گرفتار کیا گیا جبکہ ملزم سعید الطاف سے چرس وزنی 250 گرام برآمد کرتے ہوئے ملزمان کے خلاف منشیات ایکٹ میں مقدمات درج کرکے تفتیش شروع کردی گئی ہے۔

28/10/2026

تھانہ پولیس سٹی کوٹلی کی جرائم پیشہ عناصر کیخلاف کارروائیاں جاری!

حسب الحکم افسران بالا چوہدری مہدی خان انسپکٹر/SHO تھانہ پولیس سٹی کوٹلی نے ہمراہ سہیل اورنگزیب SI محمد سفیان DFC, محمد اخمل ملازمین کے دوران چیکنگ پڑتال کارروائی کرتے ہوئے ملزم عباس خان ولد محمد خان قوم اعوان ساکن ککنی بگاہ ضلع کوٹلی کے قبضہ سے منشیات چرس گردہ 280 گرام برآمد کرتے ہوئے ملزم کے خلاف CNSA کے تحت مقدمہ درج کرتے ہوئے تفتیش کا آغاز کر دیا۔

26/10/2026

تھانہ پولیس ناڑ کی جرائم پیشہ عناصر کے خلاف کارروائی

*01عدد رپیٹر 12 بور معہ 02 عدد میگزین 5 کارتوس*
*01 عدد پستول 30 بور معہ ایک میگزین و 15 دانہ روند*
*ایک عدد رائفل 303 بلٹ ایکشن دیسی ساخت و 14 دانہ گولی 303 برآمد*

ملک محمد آصف انسپکٹر SHO تھانہ پولیس ناڑ م نے ہمراہ نفری پولیس کے معتبر ذرائع کی اطلاع پر ملزم ضمیر حسین ولد محمد یوسف قوم جاٹ ساکن راجدھانی کے گھر ریڈ کرکے ملزم کو گرفتار کرتے ہوئے ملزم کے قبضے سے ایک عدد رپیٹر 12 بور معہ 02 عدد میگزین 5 عدد کارتوس، ایک عدد پستول 30 بور معہ ایک عدد میگزین و 15 دانہ روند ، ایک عدد رائفل 303 بلٹ ایکشن دیسی ساخت و 14 دانہ گولی برآمد کرتے ہوئے ملزم کے خلاف مقدمہ درج کرکے تفتیش شروع کردی ہے ۔

26/10/2026

تھانہ پولیس سٹی کوٹلی کی جرائم پیشہ عناصر کیخلاف کارروائیاں جاری!

حسب الحکم افسران بالا زیر نگرانی چوہدری مہدی خان انسپکٹر/SHO تھانہ پولیس سٹی کوٹلی سہیل اورنگزیب SI نے ہمراہ نفری دوران گشت چیکنگ پڑتال کارروائی کرتے ہوئے ملزم احتشام غلام ولد غلام نبی قوم ملک ساکن پناگ ضلع کوٹلی سے ایک عدد پستول 9MM معہ 15دانے روند اور ایک عدد تیز دھار خنجر برآمد کرتے ہوئے ملزم کے خلاف Arms Act کے تحت مقدمہ درج کرتے ہوئے تفتیش کا آغاز کر دیا۔

24/10/2026

24/10/2026

کوٹلی میں آزاد حکومت ریاست جموں و کشمیر کا 79واں یومِ تاسیس قومی جوش و جذبے سے منایا گیا، پرچم کشائی اور پولیس کے چاک وچوبند دستے نے سلامی پیش کی

24/10/2026

کوٹلی (پی آئی ڈی): آزاد جموں و کشمیر بھر کی طرح ضلع کوٹلی میں بھی آزاد حکومت ریاست جموں و کشمیر کا 79واں یومِ تاسیس قومی جوش و جذبے اور عقیدت و احترام کے ساتھ منایا گیا۔ اس سلسلے میں ڈپٹی کمشنر آفس کوٹلی کے سبزہ زار میں ایک پروقار تقریب منعقد ہوئی، جس میں وزراء حکومت، ضلعی انتظامیہ کے افسران، پولیس حکام، مختلف محکموں کے سربراہان اور مختلف مکاتبِ فکر سے تعلق رکھنے والی شخصیات نے شرکت کی۔تقریب کے مہمانانِ خصوصی وزیر حکومت برائے صنعت و حرفت، سیاحت، معدنی وسائل، کھیل، امور نوجوانان و ٹیوٹا چوہدری عبدالرحمن آرائیں اور وزیر حکومت برائے مال، بورڈ آف ریونیو و بحالیات راجہ محمد ریاست خان تھے، جبکہ تقریب کی صدارت ڈپٹی کمشنر کوٹلی محمد عثمان صارم نے کی۔تقریب کے آغاز پر صبح 8 بج کر 58 منٹ پر سائرن بجایا گیا، جس کے بعد وزراء حکومت چوہدری عبدالرحمن اور راجہ محمد ریاست خان نے ڈپٹی کمشنر محمد عثمان صارم اور ایس پی چوہدری عدیل احمد لنگڑیسل کے ہمراہ پرچم کشائی کی۔ اس موقع پر پولیس کے چاق و چوبند دستے نے قومی پرچم کو سلامی پیش کی، جبکہ پاکستان اور آزاد جموں و کشمیر کے قومی ترانے پیش کیے گئے۔ تقریب کا آغاز تلاوتِ کلامِ پاک سے ہوا، جس کی سعادت سید سبت الحسن نے حاصل کی، جبکہ احسان شفیع نے بارگاہِ رسالت مآب ﷺ میں ہدیۂ نعت پیش کیا۔ طالبہ افشین اور ان کے ساتھیوں نے یومِ تاسیس کے حوالے سے ترانہ پیش کیا۔تقریب سے خطاب کرتے ہوئے وزیر حکومت چوہدری عبدالرحمن آرائیں نے کہا کہ 24 اکتوبر ہماری قومی تاریخ کا ایک اہم دن ہے، جو ہمارے اسلاف کی بے مثال قربانیوں، لازوال جدوجہد اور عزم و استقلال کی یاد دلاتا ہے۔ آزاد خطہ ہمارے بزرگوں کی جدوجہد اور قربانیوں کا ثمر ہے، جہاں عوام آزادی کی نعمتوں سے مستفید ہو رہے ہیں انہوں نے کہا کہ آزاد کشمیر کے عوام پورے جوش و جذبے کے ساتھ یومِ تاسیس منا رہے ہیں، جبکہ دوسری جانب مقبوضہ جموں و کشمیر کے عوام بھارتی مظالم اور جبر و استبداد کا سامنا کر رہے ہیں۔ بھارت خود کو دنیا کی سب سے بڑی جمہوریت قرار دیتا ہے، لیکن مقبوضہ کشمیر کو فوجی چھاؤنی میں تبدیل کرکے اس کے جمہوری دعوؤں کی نفی کر رہا ہے۔ انہوں نے کہا کہ انہوں نے بیرونِ ملک، خصوصاً برطانیہ میں بھی بھارتی مظالم کو بے نقاب کرنے اور کشمیری عوام کے حق میں آواز بلند کرنے کی کوشش کی ہے۔ ضرورت اس امر کی ہے کہ عالمی سطح پر بھارت کے مظالم کو اجاگر کرنے اور کشمیریوں کے حقِ خودارادیت کے لیے جدوجہد جاری رکھی جائے۔ چوہدری عبدالرحمن نے کہا کہ مسلم لیگ (ن) قائد میاں محمد نواز شریف کے وژن کے مطابق آزاد کشمیر میں تعمیر و ترقی کے عمل کو آگے بڑھائے گی۔ ترقیاتی منصوبوں پر کام کی رفتار تیز کرتے ہوئے رکے ہوئے منصوبوں کو پایۂ تکمیل تک پہنچایا جائے گا اور عوام کو درپیش مسائل کے حل کے لیے بھرپور اقدامات کیے جائیں گے۔ انہوں نے اس عزم کا اظہار کیا کہ مسلم لیگ (ن) کی حکومت عوام کو مایوس نہیں کرے گی اور خطے کی ترقی و خوشحالی کے لیے اپنی ذمہ داریاں ادا کرتی رہے گی۔وزیر مال ،بحالیات و ریونیو بورڈ راجہ محمد ریاست خان نے تقریب کے انعقاد پر ضلعی انتظامیہ کو مبارک باد پیش کرتے ہوئے کہا کہ 24 اکتوبر ہماری تاریخ کا وہ روشن باب ہے جو ڈوگرہ سامراج کے خلاف ہمارے اسلاف کی جدوجہد، قربانیوں اور حصولِ آزادی کے غیرمتزلزل عزم کی یاد دلاتا ہے۔ انہوں نے کہا کہ آزاد کشمیر کا موجودہ خطہ ہمارے بزرگوں کی بے مثال قربانیوں کے نتیجے میں حاصل ہوا اور آج بھی بیس کیمپ کی حیثیت سے مقبوضہ جموں و کشمیر کی آزادی کے لیے جدوجہد جاری ہے۔ انہوں نے غازیٔ کشمیر سردار فتح محمد خان، راجہ سخی دلیر اور کرنل محمود خان سمیت تحریک آزادی کے جملہ شہدا کو ان کی جدوجہد پر خراجِ عقیدت پیش کرتے ہوئے کہا کہ ان عظیم شخصیات اور دیگر قومی ہیروز کی قربانیاں ہماری تاریخ کا قیمتی سرمایہ ہیں۔ یہ خطہ ایمان، عزم اور آزادی کے جذبے کے تحت حاصل کیا گیا۔ انہوں نے کہا کہ ہمیں اپنے کردار اور طرزِ عمل کا جائزہ لیتے ہوئے قومی اتحاد، باہمی احترام اور اجتماعی ذمہ داری کے جذبے کے ساتھ آگے بڑھنا ہوگا۔ انہوں نے پاکستان کی دفاعی صلاحیتوں کا ذکر کرتے ہوئے کہا کہ ملک کا مضبوط دفاع اور مسلح افواج کی قربانیاں قومی سلامتی اور استحکام کی ضمانت ہیں۔ سابق وزیر مال سردار فاروق سکندر خان نے اپنے خطاب میں کہا کہ ڈوگرہ سامراج سے آزادی حاصل کرنے کے لیے ہمارے اسلاف نے قید و بند کی صعوبتیں برداشت کیں اور بے شمار قربانیاں دیں۔ یومِ تاسیس ہمیں ان قربانیوں کی یاد تازہ کرنے کے ساتھ ساتھ قومی یکجہتی اور اتحاد کو مضبوط بنانے کا پیغام دیتا ہے۔ انہوں نے کہا کہ آزاد کشمیر میں باہمی تعاون اور افہام و تفہیم کے ذریعے اختلافات اور افراتفری کا خاتمہ کرکے خطے کو ترقی و خوشحالی کی راہ پر گامزن کرنا ہوگا۔حریت رہنما محمود قریشی ایڈووکیٹ نے خطاب کرتے ہوئے کہا کہ کشمیری عوام کی جدوجہد آزادی اپنے منطقی انجام تک پہنچے گی اور پاکستان کی حمایت و سرپرستی سے مقبوضہ جموں و کشمیر کے عوام کو حقِ خودارادیت حاصل ہوگا۔ انہوں نے کہا کہ پاکستان اور آزاد کشمیر کی ترقی و خوشحالی کو کوئی طاقت نہیں روک سکتی، جبکہ کشمیری عوام اپنے بنیادی حقوق اور آزادی کے حصول کے لیے پرعزم ہیں۔اس موقع پر ڈسٹرکٹ ایجوکیشن آفیسر جمشید بخاری نے تقریب میں شرکت کرنے والے مہمانوں اور شرکاء کا شکریہ ادا کیا۔ تقریب کے دوران وزراء حکومت، ضلعی انتظامیہ اور دیگر معزز مہمانوں نے یومِ تاسیس کا کیک بھی کاٹا۔تقریب میں سابق وزیر مال سردار فاروق سکندر خان، ریٹائرڈ جج چوہدری اسحاق، ایس پی عدیل احمد لنگڑیال، ایڈیشنل ڈپٹی کمشنر چوہدری نزاکت، ڈی ایس پیز چوہدری محمد شہزاد اور سردار سہیل یوسف، اسسٹنٹ کمشنر قیصر اسلم، ڈسٹرکٹ ایجوکیشن آفیسر جمشید بخاری، ایم ایس سردار نصراللہ، ایکسین مرزا رضوان شبیر، لیگل ممبر انوائرنمنٹل ٹربیونل نصیر راٹھور، آفیسر ریفیوجی ہارون راجہ، چیف آفیسر ملک نواز، چیف آفیسر تنویر میراں، ڈپٹی ڈی او یاسمین اختر، تحصیل دار چوہدری ایوب، نائب تحصیل دار سردار حاسد ریاض، ڈپٹی میئر بلدیہ راجہ ریاست، پی آر او ٹو منسٹر ملک عبدلقیوم ،اسٹیٹ آفیسر کے ڈی اے ملک ممتاز، ممبران ضلع کونسل ملک احتشام اور اعجاز مغل سمیت مختلف محکموں کے افسران اور مختلف مکاتبِ فکر سے تعلق رکھنے والی شخصیات نے شرکت کی۔تقریب کے اختتام پر پاکستان کی ترقی و خوشحالی، مقبوضہ جموں و کشمیر کی آزادی، شہدائے کشمیر کے درجات کی بلندی اور ملک و خطے کے امن و استحکام کے لیے خصوصی دعا کی گئی۔

24/10/2026

24 اکتوبر 1947 یوم تاسیس آزاد جموں و کشمیر