GOJAL The Beautiful Valley Of Hunza

ہنزہ (رشید برچہ) ہنزہ کا ایک گمنام قلہ پہلی بار عوام کی پہنچ میں۔یہاں سوال یہ ہے اتنے عرصے تک اس نایاب چیز کو بند رکھ کے ہنزہ کے ٹورزم کو کیوں تباہ کیا گیا۔
قلندرچی فورٹ کی تاریخ
ہنزہ کے دور افتادہ گاٸوں مسگر تاریخی لحاظ سے بہت ہی اہمیت کا حامل رہا ہے۔ اس کی سرحدیں چین اور پاکستان کیساتھ لگنے کی وجہ سے قدیم زمانے میں ہنزہ سٹیٹ کی سرحدوں کو محفوظ رکھنا اشد ضروری اور انتہاٸی مشکل کام ہوتا تھا۔ ان سرحدوں کی دفاع کی خاطر مسگر کو 1844ء میں آباد کرایا گیا۔ اس سلسلے میں میرآف ہنزہ نے سنٹرل ہنزہ کے چاروں قباٸل سے چن چن کر لوگوں کو یہاں لاکر بسایا تاکہ سرحدپار سے ہونے والے حملوں کو روکا جاسکے۔
تاریخ کے مطابق برٹش نے ہنزہ کو 1892ء میں اپنے زیرتسلط لایا اور وخان کوریڈور کو کنٹرول کرنے کی خاطر 1930ء میں تاریخی قلندرچی قلعہ تعمیر کیا۔ مذکورہ قلعے کی سٹریٹیجیک لحاظ سے بھی ایک منفرد تاریخ ہے۔ یہ قلعہ روسو-برٹش وار کی تاریخ بھی اپنے اندر سمویا ہوا ہے۔ ٹوریزم کے لٸے قلعہ کھلنے سے ایک طرف اس کی تاریخ دنیا کے کونے کونے تک پہنچنے میں مدد ملے گی تو دوسری طرف ہنزہ کے دورافتادہ گاٸوں کے باسیوں کے لٸے کاروبار کا ایک نیا موقع ہاتھ آٸے گا۔
گاٸوں مسگر کی اہمیت حالیہ دنوں میں بڑھ گٸی ہے۔ اس کی وجہ کلک اور منتکا باس ہیں۔ دونوں قدیم سلک روٹ پاسز تاریم بیسن چاٸینہ جاکے مل جاتے ہیں۔ اس لٸے دونوں پاسز ٹریکنگ کے شوقین افراد کے لٸے بہت ہی اہمیت کے حامل ہیں۔ ان کو مزید پروموٹ کرنے کی بھی ضرورت ہے۔