Karakoram National Movement -KNM

🚩 اہم اعلان 🚩

قراقرم نیشنل موومنٹ کے نامزد امیدوار کامریڈ واجد علی اور ڈاکٹر علی محمد کے درمیان انتخابی اتحاد طے پا گیا ہے۔

یہ اتحاد نگر کے عوامی حقوق، نوجوانوں کے روشن مستقبل، انصاف پر مبنی سیاسی نظام اور حقیقی عوامی نمائندگی کے مشترکہ مقصد کے تحت قائم کیا گیا ہے۔

ہم یقین رکھتے ہیں کہ عوامی طاقت، سیاسی شعور اور اجتماعی جدوجہد کے ذریعے ہی اپنے خطے کو درپیش مسائل کا مستقل حل ممکن ہے۔

آئیں! ایک مضبوط، باوقار اور عوام دوست نگر کی تعمیر کے لیے اس مشترکہ جدوجہد کا حصہ بنیں۔

عوامی اتحاد، عوامی طاقت، عوامی کامیابی ✊🚩

آج صبح معزز عدالت نگر نے میرے خلاف پچھلے سال سرکار کی طرف سے کاٹے گئے ایک بے بنیاد اور جھوٹے ایف آئی آر میں مجھے باعزت بری کردیا لیکن جب گھر پہنچ کر سوشل میڈیا دیکھا تو پتہ چلا کہ میرے خلاف سرکار کی طرف سے ایک اور بے بنیاد اور جھوٹا ایف آئی آر درج کیا گیا ہے اور اس میں میرے خلاف دہشتگردی کے دفعات لگائے گئے ہیں۔ میں سوشل میڈیا کی وساطت سے گلگلت بلتستان کے اداروں ،معزز عدالتوں ، وکلاء ، علماء ، سیاسی شخصیات، نوجوانوں ، بزرگوں اور خواتین کے سامنے ایک سوال رکھنا چاہتا ہوں کہ کیا اینٹی دہشتگردی ایکٹ کا قانون پرامن احتجاج کرنے والے سیاسی کارکنوں کے لیے ہے یا یہ قانون بیچ راستوں میں مسافروں کو بسوں سے اتار کر قتل کرنے والوں ، پولیس اور جی بی سکاؤٹس کے نوجوانوں کو قتل کرنے والوں ، کمسن اور معصوم بچوں کو سٹریٹ فائرنگ کرکے شہید کرنے والوں یا پھر گلگلت بلتستان کا بجٹ کرپشن کرکے کھانے والوں ، عوامی زمینوں اور وسائل پر قبضہ کرنے والوں یا پھر سوست پورٹ پر زبردستی بھتہ لینے والوں کے خلاف بنایا گیا ہے ؟
تاریخ گواہ ہے گلگلت بلتستان میں آج تک معصوم اور بے گناہ سرکاری و غیر سرکاری لوگوں کو قتل کرنے والے کسی ایک بھی دہشتگرد اور کرپشن اور اقربا پروری کرنے والے کسی ایک بھی فرد کو گرفتار نہیں کیا گیا ہے البتہ ہر وقت دہشتگردی کے دفعات پرامن سیاسی کارکنوں پہ لگا کر بار بار گرفتار کرکے جیلوں میں ڈال دیا جاتا ہے۔
میں اس طرح کے جھوٹے اور بے بنیاد ایف آئی آرز کو اپنے جوتی کی نوک پہ رکھتے ہوئے اس ایف آئی آر کو اپنے عوام اور نوجوانوں کی عدالت میں پیش کرتا ہوں کہ اگر واقعی میں میں دہشتگرد ہوں یا پھر اینٹی سٹیٹ یا غدار ہوں تو پھر مجھے جو سزا آپ عوام دینگے دل و جان سے قبول کرونگا ! نہیں اگر یہ دفعات اور ایف آئی آرز اپنی دھرتی کی عزت و وقار ، شناخت ، نوجوانوں کے مسائل تعلیم صحت اور روزگار کے لیے آواز بلند کرنے کے پاداش میں کاٹے جارہے ہیں تو پھر میں یہ اعلان کرتا ہوں کہ میں یہ کام اپنے آخری دم تک جاری رکھونگا۔
وسلام
اللہ ہم سب کا حامی و ناصر ہو آمین یا رب العالمین

انجینئر سرفراز نگری
چیرمین قراقرم اسٹوڈنٹس آرگنائزیشن

ہنزہ عوامی ایکشن کمیٹی کے اسیر رہنماؤں کی رہائی کے لیے جاری دھرنے پر انتظامیہ کی جانب سے کریک ڈاؤن اور ماؤں، بہنوں کے تقدس کو پامال کرنے کی شدید مذمت کرتے ہیں۔

ہنزہ: عوامی ایکشن کمیٹی کے اسیر رہنماؤں کی رہائی کے لیے جاری دھرنے کی بھرپور حمایت کرتے ہیں ۔✊🚩

گلگت بلتستان یونائیٹڈ موومنٹ کے مرکزی رہنما اور عوامی ایکشن کمیٹی کے چیف آرگنائزر، کامریڈ شبیر مایار کو اس وقت گرفتار کیا گیا جب وہ اسکردو سے علاج کے لیے گلگت آئے تھے۔ دل کے مریض ہونے کے باوجود انہیں بلتستان اِن ہوٹل سے گرفتار کر کے (وِنگ) منتقل کر دیا گیا ہے، جہاں کسی کو بھی ان سے ملنے کی اجازت نہیں دی جا رہی۔
یہ اقدام سراسر ظلم، غیر قانونی اور بنیادی انسانی حقوق کی سنگین خلاف ورزی ہے۔ ایک بیمار شخص کو اس طرح حراست میں رکھ کر تنہا کرنا کھلی ناانصافی اور جبر کی بدترین مثال ہے۔ ایسے ہتھکنڈوں سے نہ سچ دبایا جا سکتا ہے اور نہ ہی عوامی آواز کو خاموش کیا جا سکتا ہے۔
حکام ہوش کے ناخن لیں اور فوری طور پر کامریڈ شبیر مایار کو رہا کیا جائے، انہیں مکمل طبی سہولیات فراہم کی جائیں اور ملاقاتوں پر عائد پابندی ختم کی جائے۔

بلتستان سٹوڈنٹس فیڈریشن پاکستان صوبہ پنجاب کے صدر و ٹریپل ای کے صدر طالب علم رہنماء عون بلتستانی کی پاکستانی اداروں کی جانب سے بلاجواز و غیر قانونی گرفتاری کی شدید الفاظ میی مزمت کرتے ہیی گلگت بلتستان کے طالب علموں کو تحفظ فراہم کیا جائے اور آئین و قانون کی بالادستی و انصاف کو یقینی بناتے ھوئے انسانی حقوق کی خلاف ورزیوں کو ختم بند کیا جائے ہمارا مطالبہ ہے کہ جلد از جلد عون بلتستانی کو رہا کیا جائے۔

شرم کرو حیا کرو۔
حسنین رمل کو رہا کر و
گلگت بلتستان کے معروف سیاسی ایکٹوسٹ حسنین رمل کی گرفتاری کی شدید الفاظ میں مزمت کرتے ہیں۔ انھیں فلفور رہا کیا جائے