09/04/2026
پاکستان زندہ باد عمران میر امیدوار حلقہ نمبر 2 گلگت بلتستان اسمبلی، آپ سب کے سامنے ایک پرعزم پیغام لے کر آیا ہوں۔ ہمارا عظیم وطن پاکستان، جسے بعض قوتوں نے کمزور کرنے کی کوشش کی، آج حکومتِ پاکستان اور پاک فوج کی مشترکہ قیادت کی بدولت ایک مضبوط، خودمختار اور ذمہ دار ریاست کے طور پر دنیا کے سامنے ابھرا ہے۔
حال ہی میں پاکستان نے ایک انتہائی نازک موقع پر دانشمندانہ اقدامات کیے، جب خطے میں کشیدگی عروج پر تھی۔ ایران اور دیگر برادر ممالک پر مبینہ امریکی اور اسرائیلی جارحیت کے بعد، پاکستان نے بروقت اور بصیرت افروز کردار ادا کیا، جس سے نہ صرف خطے میں بڑھتی ہوئی کشیدگی کو کم کیا گیا بلکہ عالمی سطح پر ایک ممکنہ تیسری عالمی جنگ کی تباہی سے دنیا کو بچایا گیا۔ حکومتِ پاکستان نے باہمی روابط مضبوط کیے، جبکہ پاک فوج نے ہر سطح پر قومی مفاد کا تحفظ یقینی بنایا۔
یہ تاریخی اقدام پاکستان کی عالمی ذمہ داریوں کا عکاس ہے اور یہ ثابت کرتا ہے کہ پاکستان نہ صرف اپنے عوام کی حفاظت کرتا ہے بلکہ عالمی امن کے لیے بھی ایک مضبوط ستون ہے۔ میں حکومتِ پاکستان، پاک فوج اور تمام قومی اداروں کا دل کی گہرائیوں سے شکریہ ادا کرتا ہوں جنہوں نے یہ کارنامہ سر انجام دیا۔ دعا ہے کہ اللہ پاکستان کو ہر سازش اور شر سے محفوظ رکھے اور فلسطین، لبنان، افغانستان اور دیگر خطوں کو پائیدار امن نصیب ہو۔ آمین۔ پاکستان زندہ باد
09/04/2026