Communication and Works Department

اہم سفری اطلاع
بابوسر ٹاپ روڈ 6 جون تک ہر قسم کی ٹریفک کے لیے بند رہے گی۔
بابوسر اور اس کے گرد و نواح میں مسلسل برف باری ہو رہی ہے اور موسم کی خرابی کے باعث، وہاں موجود مشینری پہلے سے جمع شدہ ملبہ اور برف ہٹانے میں مصروف ہے۔۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 6 جون تک ہر قسم کی ٹریفک کے لیے بند کر دیا گیا ہے ۔
عوام الناس سے گزارش ہے کہ متبادل راستہ داسو روڈ سے سفر کریں اور پولیس وضلعی انتظامیہ کے ساتھ تعاون کریں۔
مزید معلومات اور تازہ ترین صورتحال سے آگاہی کے لیے پولیس ہیلپ لائن 15 پر رابطہ کریں۔

(ترجمان گلگت بلتستان پولیس)

***ڈپٹی کمشنر/ڈسٹرکٹ مجسٹریٹ گلگت کیپٹن (ر) عارف احمد نے ضلع گلگت میں عیدِ غدیر کے موقع پر 4 جون 2026 بروز جمعرات عام تعطیل کا نوٹیفکیشن جاری کر دیا ہے*

"برف کا ملبہ ہٹانے اور سڑک کو دونوں اطراف سے ٹریفک کے لیے کھولنے کے کام کے باعث بابوسر روڈ 2 جون تک بند رہے گی،"
*ترجمان پولیس کے مطابق۔*

شدید گرمی اور گلیشیئر پگھلنے کی وجہ سے ممکنہ سیلاب (GLOF) کا الرٹ

آنے والے دنوں میں گلگت بلتستان اور خیبر پختونخوا میں درجہ حرارت میں نمایاں اضافے کا امکان ہے، جو 31 مئی 2026 تک برقرار رہ سکتا ہے۔ اس وجہ سے برفانی اور گلیشیئرز والے علاقوں میں برف پگھلنے کا عمل بہت تیز ہو سکتا ہے۔ اس دوران گلیشیئر سے بنی جھیلیں پھٹنے (مخصوص سیلابی صورتحال) کا خطرہ بڑھ جائے گا۔ خاص طور پر ہنزہ، نگر، غذر، شگر، اسکردو، گانچھے، گلگت، استور، کھرمنگ، سوات، چترال کے گلیشیائی علاقوں اور دیامر، مانسہرہ، کوہستان اور دیر کے برفانی علاقوں میں اچانک مقامی سیلاب آ سکتا ہے۔

2۔ ممکنہ اثرات:

مقامی ندی نالوں اور دریاؤں میں پانی کی سطح بلند رہنے کا امکان ہے اور اچانک اضافے سے طغیانی یا فلیش فلڈ (اچانک سیلاب) آ سکتا ہے۔
مٹی کے تودے گرنے، کیچڑ کے بہاؤ، لینڈ سلائیڈنگ اور برفانی تودے (avalanches) گرنے کا خطرہ ہے، جس سے سڑکیں بلاک ہو سکتی ہیں۔
ندی نالوں کے قریب واقع کمزور پلوں، سرکاری و نجی عمارتوں اور آبادیوں کو نقصان پہنچ سکتا ہے۔

3۔ شہریوں اور انتظامیہ کے لیے حفاظتی تدابیر:

ان علاقوں کے رہائشیوں کو سخت ہدایت کی جاتی ہے کہ وہ درج ذیل حفاظتی اقدامات پر عمل کریں:
گرمی کی اس لہر (ہیٹ ویو) کے دوران دریاؤں اور ندی نالوں کے کناروں کے قریب جانے سے پرہیز کریں۔

ندی نالوں میں پانی کے رنگ کی تبدیلی (جیسے مٹیالا ہونا) یا کسی غیر معمولی آواز (جیسے پتھروں کے رگڑنے کی آواز) پر کڑی نظر رکھیں۔

اپنے مال مویشی اور ضروری سامان کو پہلے سے ہی محفوظ اور اونچی جگہوں پر منتقل کر دیں۔

مقامی سطح پر آفات سے نمٹنے والی کمیٹیوں (CBDRMCs) کے ساتھ قریبی رابطہ رکھیں۔
ڈیزاسٹر مینجمنٹ کے ادارے 24 گھنٹے الرٹ رہیں اور کسی بھی ناخوشگوار صورتحال سے بچنے کے لیے ضروری اقدامات کریں۔


تمام متعلقہ اداروں اور افراد کو ہدایت کی جاتی ہے کہ وہ ہائی الرٹ رہیں اور کسی بھی ہنگامی صورتحال یا نقصان سے بچنے کے لیے تمام ضروری انتظامات فوراً مکمل کریں۔

🌙✨
صوبائی سیکریٹری برائے محمک مواصلات و تعمیرات عامہ ، گلگت بلتستان سجاد حیدر کی جانب سے تمام اہلِ اسلام کو عیدالاضحیٰ کی خوشیاں مبارک۔

*حکومت گلگت بلتستان کی جانب سے عید الاضحی کی تعطیلات کا نوٹیفکیشن جاری کردیا ہے ۔*

مذکورہ سڑک ٹریفک کی آمدورفت کے لئے کھول دی گئی ہے۔

وزارت پیٹرولیم پاکستان کے جاری کردہ نوٹیفیکیشن کے مطابق پاکستان میں پیٹرول کی قیمت میں 6 روپے فی لٹر جب کہ ڈیزل کی قیمت میں 6 روپے 80 پیسے فی لٹر کمی کی گئی ہے جس کے بعد پیٹرول کے نئے ریٹ 403.78 جب کہ ڈیزل کے 402.78روپے ہوں گے۔

وفاقی وزیر مواصلات عبدالعلیم خان کا این ایچ اے ہیڈکوارٹرز کا دورہ، اعلیٰ سطح کے اجلاس کی صدارت ، مختلف منصوبوں پر بریفنگ ۔
Abdul Aleem Khan

*سرکاری ذرائع کے مطابق شاہراہِ بلتستان متعدد مقامات پر لینڈ سلائیڈنگ اور خراب موسمی حالات کے باعث ٹریفک کے لیے بند ہے۔ بحالی کا کام بھاری مشینری کے ساتھ جاری ہے، تاہم آج سڑک مکمل طور پر بحال ہونے کا امکان نہیں بتایا جا رہا۔ مسافروں کو غیر ضروری سفر سے گریز اور مقامی انتظامیہ کی ہدایات پر عمل کرنے کی ہدایت کی گئی ہے۔*