Fc Gilgit Baltistan

15/09/2026

ونگ کمانڈر گلگت بلتستان حامد امتیاز، پی ایس پی کا ایف سی ہیڈکوارٹر گلگت میں گاڑیوں کا معائنہ

گلگت: ونگ کمانڈر گلگت بلتستان حامد امتیاز، پی ایس پی نے ایف سی ہیڈکوارٹر گلگت میں سرکاری گاڑیوں کا تفصیلی معائنہ کیا۔ اس موقع پر انہوں نے گاڑیوں کی فٹنس، صفائی اور آپریشنل تیاریوں کا جائزہ لیا اور متعلقہ عملے کو ہدایات جاری کیں۔ # # #

15/09/2026

فیڈرل کانسٹیبلری گلگت بلتستان
ونگ کمانڈر گلگت بلتستان حامد امتیاز، پی ایس پی 40 سالہ شاندار اور باوقار سروس مکمل کرنے پر گلنامر خان کو باعزت ریٹائرمنٹ کے موقع پر اعزازی شیلڈ پیش کر رہے ہیں۔
فیڈرل کانسٹیبلری آپ کی طویل، مخلصانہ اور قابل فخر خدمات کو سلام پیش کرتی ہے۔ # #

28/08/2026

وفاقی وزیر داخلہ محسن نقوی کا فیڈرل کانسٹیبلری ٹریننگ سینٹر شب قدر کا دورہ، اینٹی رائٹ ونگ کی خصوصی تربیتی مشقوں کا معائنہ کیا، اہلکاروں کی پیشہ وارانہ صلاحیتوں، جدید تربیت اور آپریشنل تیاری کو سراہا

اہلکاروں نے ہجوم کو کنٹرول کرنے، حساس مقامات کے تحفظ، پرتشدد صورتحال سے نمٹنے اور امن و امان برقرار رکھنے سے متعلق اپنی پیشہ وارانہ مہارت کا عملی مظاہرہ کیا

اینٹی رائٹ فورس کو جدید خطوط پر تربیت دی گئی ہے، امن و امان کی کسی بھی صورتحال سے نمٹنے کیلئے فورس مکمل طور پر تیار اور بھرپور صلاحیت رکھتی ہے۔ محسن نقوی

ملک کے امن و امان اور استحکام کو کسی صورت سبوتاژ کرنے کی اجازت نہیں دیں گے،قانون کے دائرے میں رہتے ہوئے پرامن احتجاج پر کسی کو اعتراض نہیں لیکن احتجاج کی آڑ میں تشدد، توڑ پھوڑ، سرکاری یا نجی املاک کو نقصان پہنچانے اور امن و امان خراب کرنے کی کسی کو اجازت نہیں دی جا سکتی

چارسدہ: وفاقی وزیر داخلہ محسن نقوی نے فیڈرل کانسٹیبلری ٹریننگ سینٹر شب قدر کا دورہ کیا اور اینٹی رائٹ ونگ کی خصوصی تربیتی مشقوں کا معائنہ کیا اور اہلکاروں کی پیشہ وارانہ صلاحیتوں، جدید تربیت اور آپریشنل تیاری کو سراہا۔وفاقی وزیر داخلہ نے اینٹی رائٹ ونگ کے اہلکاروں کی مختلف عملی مشقیں دیکھیں۔ اہلکاروں نے ہجوم کو کنٹرول کرنے، حساس مقامات کے تحفظ، پرتشدد صورتحال سے نمٹنے اور امن و امان برقرار رکھنے سے متعلق اپنی پیشہ وارانہ مہارت کا عملی مظاہرہ کیا۔وزیرداخلہ محسن نقوی نے اس موقع پر کہا کہ اینٹی رائٹ فورس کو جدید خطوط پر تربیت دی گئی ہے، امن و امان کی کسی بھی صورتحال سے نمٹنے کیلئے فورس مکمل طور پر تیار اور بھرپور صلاحیت رکھتی ہے۔ملک کے امن و امان اور استحکام کو کسی صورت سبوتاژ کرنے کی اجازت نہیں دیں گے۔انہوں نے کہا کہ پرامن احتجاج ہر شہری کا حق ہے، قانون نے احتجاج کا طریقہ کار واضح طور پر متعین کر رکھا ہے، قانون کے دائرے میں رہتے ہوئے پرامن احتجاج پر کسی کو اعتراض نہیں لیکن احتجاج کی آڑ میں تشدد، توڑ پھوڑ، سرکاری یا نجی املاک کو نقصان پہنچانے اور امن و امان خراب کرنے کی کسی کو اجازت نہیں دی جا سکتی۔وفاقی وزیر داخلہ نے کہا کہ ریاست امن و امان برقرار رکھنے کی اپنی ذمہ داری پوری کرے گی اور قانون ہاتھ میں لینے والے عناصر سے قانون کے مطابق نمٹا جائے گا۔انہوں نے کہا کہ
امن و امان کی موجودہ صورتحال میں فیڈرل کانسٹیبلری کا کردار پورے ملک میں انتہائی اہمیت کا حامل ہے۔ آپ کو ہر قسم کے چیلنجز کا مقابلہ کرنے کیلئے تیار ہونا ہے، اپنی تربیت بھرپور طریقے سے مکمل کریں اور مکمل پیشہ وارانہ تیاری کے ساتھ میدان میں اتریں۔
آپ کو بین الاقوامی معیار کا جدید پروٹیکشن گیئر فراہم کیا جا رہا ہے تاکہ فیلڈ میں آپ کی حفاظت اور آپریشنل استعداد کو یقینی بنایا جا سکے۔آپ کی تربیت پر خصوصی توجہ دی گئی ہے، ہر طرح کی ٹریننگ محنت، لگن اور مکمل پیشہ وارانہ جذبے کے ساتھ مکمل کریں۔ وفاقی وزیر داخلہ نے ایف سی ہیڈکوارٹر میں کھیلوں کی بہترین سہولتیں فراہم کرنے کا اعلان کرتے ہوئے کہا کہ عالمی معیار کا سوئمنگ پول بھی بنایا جائے گا۔ وزیر داخلہ محسن نقوی نے تمام جوانوں کو گیس ماسک فراہم کرنے کی ہدایت کی۔وفاقی وزیر داخلہ نے بیرکس کا دورہ کیا اور اہلکاروں سے ملاقات کی اور ان سے مسائل دریافت کیے۔
وفاقی وزیر داخلہ نے ایف سی ہیڈکوارٹر میں اہلکاروں کے تمام واش رومز ازسرنو تعمیر کرنے کی ہدایت کی۔وزیر داخلہ نے اہلکاروں سے گفتگو کرتے ہوئے کہا کہ آپ نے گزشتہ وزٹ میں لوڈشیڈنگ کا مسئلہ اٹھایا تھا، اب کیا صورتحال ہے؟
اہلکاروں نے بتایا کہ اب لوڈشیڈنگ نہیں ہوتی اور بلا تعطل بجلی فراہم کی جا رہی ہے۔ اہلکاروں نے مسئلہ حل کرانے پر وفاقی وزیر داخلہ محسن نقوی کا شکریہ ادا کیا۔وفاقی وزیر داخلہ نے ایک اہلکار کی والدہ کے کینسر کے علاج کیلئے فوری اقدامات کی ہدایت کی۔بریفنگ میں بتایا گیا کہ زیر تربیت اہلکاروں میں تمام صوبوں سمیت آزاد کشمیر اور گلگت بلتستان کو نمائندگی حاصل ہے جبکہ تربیتی پروگرام میں پہلی مرتبہ 35 خواتین اہلکار بھی شامل ہیں۔آئی جی فیڈرل کانسٹیبلری، ڈی آئی جی ٹریننگ، ڈی او ایف سی اور دیگر اعلیٰ افسران بھی اس موقع پر موجود تھے۔
Mohsin Naqvi

22/07/2026

گلگت: سیکرٹری جنگلات اور چیف کنزرویٹر آف فاریسٹ کی زخمی ایف سی اہلکار کی عیادت

گلگت: سیکرٹری جنگلات گلگت بلتستان اور چیف کنزرویٹر آف فاریسٹ (CCF) نے ایس ایس جی ہسپتال گلگت میں غیر قانونی لکڑی اسمگلنگ کے خلاف کارروائی کے دوران زخمی ہونے والے ایف سی اہلکار کی عیادت کی۔

دونوں اعلیٰ حکام نے زخمی اہلکار کی خیریت دریافت کی، اس کی بہادری اور پیشہ ورانہ خدمات کو سراہا اور حوصلہ افزائی کے طور پر نقد انعام بھی دیا۔

اس موقع پر انہوں نے ڈاکٹروں سے اہلکار کی صحت کے بارے میں آگاہی حاصل کی اور ہدایت کی کہ بہتر علاج کے لیے ایف سی ہسپتال پشاور منتقلی کے تمام انتظامات بروقت مکمل کیے جائیں۔

سیکرٹری جنگلات اور چیف کنزرویٹر آف فاریسٹ نے کہا کہ جنگلات کے تحفظ اور غیر قانونی لکڑی کی اسمگلنگ کے خلاف کارروائیوں میں حصہ لینے والے اہلکاروں کی قربانیوں اور خدمات کو قدر کی نگاہ سے دیکھا جاتا ہے، اور محکمہ ہر سطح پر ان کے ساتھ کھڑا ہے۔

#

14/06/2026

وفاقی وزیر داخلہ محسن نقوی نے شبقدر میں واقع فیڈرل کانسٹیبلری ٹریننگ سینٹر کا تفصیلی دورہ کیا، جہاں انہوں نے فورس کی آپریشنل تیاریوں اور پیشہ ورانہ تربیتی معیار کا جائزہ لیا۔

دورے کے دوران وزیر داخلہ نے اسپیشل پروٹیکشن ونگ اور اینٹی رائٹ ونگ کی تربیتی سرگرمیوں کا معائنہ کیا۔ پاکستان آنے والے غیر ملکی مہمانوں اور ریاستی شخصیات کی سکیورٹی کے لیے تیار کیے جا رہے ہیں۔ محسن نقوی نے اہلکاروں کو دی جانے والی جدید تربیت کے معیار کو سراہا۔

محسن نقوی نے کہا کہ اسپیشل پروٹیکشن ونگ کو ترقی یافتہ ممالک کی طرز پر ایک جدید اور منظم فورس بنایا جا رہا ہے، جو غیر ملکی مہمانوں کو عالمی معیار کی سکیورٹی فراہم کرے گی۔

محسن نقوی نے فورس کے لیے جدید اینٹی رائٹ آلات کی خریداری کی بھی ہدایت کی اور کہا کہ فیڈرل کانسٹیبلری ملک میں امن و امان کے قیام اور دہشت گردی کے خلاف جنگ میں اہم کردار ادا کر رہی ہے۔ انہوں نے کہا کہ مستقبل کے سکیورٹی چیلنجز سے نمٹنے کے لیے فورس کو ایک مؤثر اور باصلاحیت ادارے میں تبدیل کیا جا رہا ہے۔

وزیر داخلہ نے بیرکس کا بھی دورہ کیا اور زیرِ تربیت اہلکاروں سے ملاقات کے دوران خوراک، سہولیات اور دیگر مسائل کے بارے میں دریافت کیا۔ انہوں نے بیرکس میں بلا تعطل بجلی کی فراہمی یقینی بنانے کے فوری احکامات جاری کیے اور تمام ضروری سہولیات فراہم کرنے کی ہدایت کی۔ اس موقع پر انہوں نے ٹریننگ سینٹر میں جمنازیم اور سوئمنگ پول کے قیام کا بھی اعلان کیا۔

انسپکٹر جنرل فیڈرل کانسٹیبلری نذیر احمد گڑا نے وزیر داخلہ کو بریفنگ دیتے ہوئے بتایا کہ تربیتی پروگرام میں پاکستان کے تمام صوبوں، آزاد جموں و کشمیر اور گلگت بلتستان سے تعلق رکھنے والے اہلکار شریک ہیں، جبکہ پہلی مرتبہ 35 خواتین اہلکار بھی اس تربیتی پروگرام کا حصہ بنی ہیں۔

اس موقع پر ڈی آئی جی فیڈرل کانسٹیبلری، ڈی او ایف سی، ڈپٹی کمشنر چارسدہ، ڈی پی او چارسدہ اور دیگر اعلیٰ حکام بھی موجود تھے۔

14/06/2026

وفاقی وزیرِ داخلہ محسن نقوی نے سی ایم ایچ پشاور کا دورہ کیا جہاں انہوں نے پاک فوج اور فیڈرل کانسٹیبلری (ایف سی) کے زخمی اہلکاروں کی عیادت کی۔

وزیرِ داخلہ فرداً فرداً زخمی جوانوں کے پاس گئے، ان کی خیریت دریافت کی اور ان کے بلند حوصلے کو سراہا۔ اس موقع پر محسن نقوی نے پاک فوج اور ایف سی کے اہلکاروں کی بہادری، فرض شناسی اور وطن کے لیے قربانیوں کو خراجِ تحسین پیش کیا۔

محسن نقوی کا کہنا تھا کہ "آپ نے جوانمردی اور بہادری کے ساتھ فتنہ الخوارج کے ناپاک عزائم کو ناکام بنایا۔ آپ قوم کے حقیقی ہیرو ہیں اور ہم سب کو آپ پر فخر ہے۔"

انہوں نے زخمی اہلکاروں کی جلد صحت یابی کے لیے نیک تمناؤں کا اظہار کرتے ہوئے کہا کہ قوم اپنی سکیورٹی فورسز کی قربانیوں کو قدر کی نگاہ سے دیکھتی ہے اور ان کی خدمات کو ہمیشہ یاد رکھا جائے گا

12/06/2026

ایف سی کے جوان ہر دم تیار، صبح ہو یا شام، ہر وقت چوکس تیار

12/06/2026

فورس کمانڈر گلگت بلتستان میجر جنرل سید امتیاز حسین گیلانی کا بلتستان ڈویژن کا دورہ جہاں انتخابات کے دوران بہترین ڈیوٹی پر ایف سی اور جی بی اسکاؤٹس کے جوانوں کو سراہا،اور حوصلہ افزائی کی، مورال بلند کیا اچھی ڈیوٹی کرنے پر کش انعامات دیے

10/06/2026

09/06/2026

پشاور کے علاقے حسن خیل میں خوارج کے خلاف بہادری سے مقابلہ کرتے ہوئے فیڈرل کانسٹیبلری کے 6 اہلکار وطن پر قربان ہوگئے۔

شہید اہلکاروں کی نمازِ جنازہ فیڈرل کانسٹیبلری ہیڈکوارٹر پشاور میں ادا کی گئی، جس میں وفاقی وزیر داخلہ محسن نقوی اور وزیر مملکت طلال چوہدری سمیت اعلیٰ سول و عسکری حکام نے شرکت کی۔

نمازِ جنازہ میں آئی جی فرنٹیئر کور نارتھ میجر جنرل راؤ عمران سرتاج ، آئی جی خیبرپختونخوا پولیس، آئی جی فیڈرل کانسٹیبلری، کمانڈنٹ نیشنل پولیس اکیڈمی، ڈی جی ایف آئی اے، ڈی جی نیشنل سائبر کرائم انویسٹی گیشن ایجنسی، کمشنر اور ڈپٹی کمشنر پشاور سمیت دیگر اعلیٰ افسران بھی شریک ہوئے۔

شہداء میں نائیک عامر، لانس نائیک محمد یوسف، لانس نائیک محمد ریاض، سپاہی اجمیر، احسان اور ریاض شامل ہیں۔

حکام نے شہداء کے اہل خانہ سے ملاقات کی، تعزیت کا اظہار کیا اور ان کے بلند حوصلے کو سراہا۔ انہوں نے کہا کہ شہداء کی قربانیاں رائیگاں نہیں جائیں گی اور پوری قوم اپنے بہادر سپوتوں کو ہمیشہ یاد رکھے گی۔

شہداء کو پورے سرکاری اعزاز کے ساتھ سپرد خاک کیا جائے گا جبکہ سیکیورٹی فورسز کی جانب سے علاقے میں سرچ اور کلیئرنس آپریشن جاری ہے۔