01/08/2026
آج گلی بالا یوتھ مومنٹ اور گلی بالا کی عوام کی جانب سے سیلاب متاثرہ خاندانوں میں امداد تقسیم کیا گیا۔
یہ ایک معمولی سی کوشش ہے تاکہ مشکل کی اس گھڑی میں اپنے متاثرہ بھائیوں کے ساتھ کھڑے ہونے کا فرض ادا کیا جا سکے۔ ہم دعا گو ہیں کہ اللہ تعالیٰ تمام متاثرین کی مشکلات آسان فرمائے، ان کے نقصانات کا بہترین نعم البدل عطا کرے اور انہیں جلد از جلد معمول کی زندگی کی طرف لوٹائے۔
ہم حکومتِ وقت، ضلعی انتظامیہ اور متعلقہ اداروں سے پُرزور اپیل کرتے ہیں کہ متاثرہ علاقوں میں پینے کے صاف پانی کی فوری فراہمی کو یقینی بنایا جائے، متاثرہ خاندانوں کی مالی معاونت کی جائے اور تباہ شدہ گھروں سمیت دیگر بنیادی سہولیات کی جلد از جلد بحالی کے لیے ہنگامی اقدامات کیے جائیں۔
اللہ تعالیٰ تمام متاثرین کی حفاظت فرمائے اور ہمیں ہمیشہ انسانیت کی خدمت کی توفیق عطا فرمائے۔ آمین۔
منجانب : گلی بالا یوتھ مومنٹ
