FIA Gujranwala Zone

09/10/2026

17-year jail term for each of two human traffickers in Gujranwala.
Dawn.com
https://ln.run/8YUp0

The case was lodged by the Federal Investigation Agency (FIA) Gujranwala circle after arrest of the two convicts.

08/10/2026

ایف آئی اے گوجرانوالہ کی بڑی کامیابی: انسانی اسمگلنگ اور غیر قانونی امیگریشن (missing person case) کیس میں دو ملزمان حمزہ ولد محمد اشرف اور محمد یاسین کو 17، 17 سال قید بامشقت کی سزا
ترکی سے یونان بھیجنے کے نام پر 38 لاکھ 48 ہزار روپے ہتھیانے والے دونوں ملزمان کو خصوصی عدالت (سینٹرل-I) گوجرانوالہ نے مجرم قرار دے دیا
ہر مجرم کو مجموعی طور پر 11 لاکھ روپے جرمانہ، جرمانہ ادا نہ کرنے کی صورت میں مزید 6 ماہ سادہ قید کی سزا
ایمیگریشن آرڈیننس 1979 کی دفعہ 17 کے تحت 3 سال قید بامشقت اور 3 لاکھ روپے جرمانہ، جبکہ دفعہ 22 کے تحت 7 سال قید بامشقت اور 5 لاکھ روپے جرمانہ
پریوینشن آف اسمگلنگ آف مائیگرنٹس ایکٹ 2018 کی دفعہ 6 کے تحت بھی 7 سال قید بامشقت اور 3 لاکھ روپے جرمانہ
ملزمان نے شکایت کنندہ کے برادرِ نسبتی کو ترکی میں safe house میں رکھ کر تشدد کا نشانہ بنایا، بعد ازاں وہ لاپتہ ہو گیا
مقدمہ نمبر 595/2025 میں نامزد دیگر دو ملزمان محمد سفیان اور محمد قاسم عرف کاشی تاحال مفرور
ایف آئی اے گوجرانوالہ زون کے ڈائریکٹر کی نگرانی میں تحقیقات, مقدمے کی پیروی اسسٹنٹ ڈائریکٹر لیگل اسفحان اکرم کانگ نے کی۔

ترجمان، ایف آئی اے گوجرانوالہ زون

07/10/2026

گجرات: ایف آئی اے گجرات سرکل نے بینکنگ فراڈ کے ایک بڑے مقدمے میں کاروائی کرتے ہوئے اشتہاری ملزم راجہ پرویز اختر ولد صابر حسین، سکنہ موضع استیلہ، تحصیل سرائے عالمگیر، ضلع گجرات کو گرفتار کر لیا، جو ایک نجی بینک پوراں برانچ میں آپریشن منیجر کے طور پر خدمات سرانجام دے رہا تھا۔ ملزم کے خلاف ایف آئی آر نمبر 536/2025 مورخہ 26 دسمبر 2025، تعزیرات پاکستان کی دفعہ 109، 409، 420، 468، 471 اور پریوینشن آف کرپشن ایکٹ کی دفعہ 5(2)47 کے تحت درج ہے۔

تفصیلات کے مطابق ملزم نے بینک کے آپریشن منیجر کی حیثیت میں اپنے عہدے کا ناجائز فائدہ اٹھاتے ہوئے جعلی دستخطوں کے ذریعے اور مطلوبہ کسٹمر تصدیقی عمل مکمل کیے بغیر چیکس کی مد میں مجموعی طور پر 70 لاکھ 72 ہزار روپے دھوکہ دہی سے وصول کیے۔

مقدمے کی مزید تفتیش جاری ہے۔

06/10/2026

ایف آئی اے گوجرانوالہ زون کی بڑی کاروائی
انسانی اسمگلنگ اور غیر قانونی ہجرت کے مقدمہ میں مجرم کو سزا
مجرم: محمد محسن ولد ریاضت علی
ملزم نے شکایت کنندہ سے اس کے بھائی محمد سفیان کو ملازمت کے لیے کینیڈا بھجوانے کے نام پر مجموعی طور پر 50 لاکھ روپے وصول کیے، تاہم وعدہ پورا نہ کیا۔
ایف آئی اے گوجرانوالہ نے مقدمہ درج کرکے ملزم کو گرفتار کیا اور تفتیش مکمل کرکے چالان عدالت میں پیش کیا۔
عدالت کا فیصلہ
معزز اسپیشل کورٹ (سنٹرل-I)، گوجرانوالہ نے 05 اکتوبر 2026 کو ملزم کو:
08 سال قیدِ بامشقت
08 لاکھ روپے جرمانہ
30 لاکھ روپے معاوضہ
کی سزا سنائی۔
دفعات: 17(ب) اور 22(ب)، امیگریشن آرڈیننس 1979
دونوں سزائیں بیک وقت چلیں گی۔

جرمانے کی عدم ادائیگی کی صورت میں عدالت نے قانون کے مطابق اضافی قید کی سزا بھی مقرر کی۔

05/10/2026

Passenger Feedback: Smooth Immigration Experience at Sialkot Airport.

02/10/2026

فیڈرل انوسٹی گیشن ایجنسی (ایف آئی اے) نے گوجرانوالہ میں کاروائی کرتے ہوئے انسانی اسمگلنگ کے بین الاقوامی نیٹ ورک کے سرغنہ کو گرفتار کرلیا۔

ترجمان ایف آئی اے کے مطابق ملزم آسام علی ترکیہ سے لاہور ایئرپورٹ پہنچا، اس کا نام اسٹاپ لسٹ میں شامل تھا۔

ڈائریکٹر ایف آئی اے گوجرانوالہ زون محمد بن اشرف کا کہنا ہے کہ آسام علی کی گرفتاری سے انسانی اسمگلنگ کا پورا نیٹ ورک بےنقاب ہوگیا۔

انہوں نے بتایا کہ 10 افراد پر مشتمل گروہ 7 ممالک میں منظم طریقے سے کام کر رہا تھا۔ استنبول میں آسام علی کی موبائل شاپ حوالہ ہنڈی کا مرکز تھی۔ گروہ پاکستان سے لوگوں کو ترکیہ اور پھر یورپ اسمگل کرتا تھا۔ تفتیش کے مطابق اصغر شاہ یونان، نادر چوہان اٹلی میں معاملات دیکھتا ہے۔

ڈائریکٹر ایف آئی اے نے بتایا کہ قاسم ترکیہ جبکہ علی حسن اور وسیم جرمنی اور یونان میں متحرک ہیں۔

ایف آئی اے حکام کے مطابق باسط علی پاکستان میں حوالہ ہنڈی اور ماسٹر ساجد نوجوانوں سے رابطے کرتا تھا۔

ڈائریکٹر ایف آئی اے کا کہنا ہے کہ شواہد سامنے آنے پر گروہ کے تمام ملزمان کیخلاف مقدمہ درج کرلیا گیا ہے۔ مقدمے میں نامزد ملزمان کی گرفتاری کیلئے قانونی کارروائی جاری ہے۔

01/10/2026

ایف آئی اے گجرانوالا زون میں محکمانہ احتساب کا عمل جاری، 81 افسران اور اہلکاروں کو سزائیں دی گئیں۔
بدعنوانی اور غفلت پر 16 افسران کو میجر پینلٹیز دی گئی، جن میں 15 افسران کو محکمہ سے برطرف جبکہ 01 افسر کے عہدے میں تنزلی کی گئی۔
48 افسران کو مائنر پینلٹیز دی گئیں، جن میں 32 افسران کی ترقیاں اور 16 افسران کے سالانہ انکریمنٹس روکے گئے.
جبکہ 17 افسران کو سرزنش (Censure) کی گئی۔
ڈائریکٹر ایف آئی اے گجراں والا زون محمد بن اشرف کا کہنا ہے کہ کسی بھی قسم کی غفلت، بدعنوانی یا غیر قانونی اقدام کو ہرگز برداشت نہیں کیا جائے گا اور احتساب کا بلاامتیاز عمل جاری رہے گا۔

30/09/2026

ایف آئی اے گوجرانوالہ زون کی بھرپور کاروائیاں، صرف دو دن کے اندر 16 ملزمان گرفتار

گوجرانوالہ: ایف آئی اے گوجرانوالہ زون نے انسانی اسمگلنگ کے خلاف مہم مزید تیز کرتے ہوئے صرف دو دن کے دوران، 28 اور 29 ستمبر 2026 کو گوجرانوالہ، گجرات اور سیالکوٹ سرکلز میں بھرپور کارروائیاں کیں اور مجموعی طور پر 16 ملزمان کو گرفتار کر لیا، جن میں کئی اشتہاری ملزمان اور 3 خواتین ملزمان بھی شامل ہیں۔

گرفتار ملزمان میں علی چیمہ، ایتشام انصار، پروین بی بی، سید سجاد حیدر، اقصیٰ وزیر، سمیرا بی بی، محمد ارشد، زمرد ریاض سندھو، وسیم سجاد، زین علی، محمد رفاقت علی، گزنفر حسین، محمد شبیر، ملک ریاض، ابوبکر اور سعید حکیم خان شامل ہیں۔

سرکل وائز گرفتاریاں

ایف آئی اے گوجرانوالہ سرکل: 8 ملزمان گرفتار
ایف آئی اے گجرات سرکل: 5 ملزمان گرفتار
ایف آئی اے سیالکوٹ سرکل: 3 ملزمان گرفتار

انسانی اسمگلنگ کے مختلف مقدمات میں گرفتار ملزمان نے شہریوں کو پولینڈ، لکسمبرگ، کینیڈا، اٹلی، قطر، برطانیہ، دبئی، رومانیہ، یونان اور بحرین سمیت مختلف ممالک بھجوانے اور بیرون ملک روزگار فراہم کرنے کا جھانسہ دے کر بھاری رقوم وصول کیں، تاہم وعدے پورے نہ کیے اور متاثرین کی رقوم واپس کرنے سے بھی گریز کیا۔

ملزمان کی جانب سے متاثرین سے مجموعی طور پر 3 کروڑ 19 لاکھ 85 ہزار روپے ہتھیائے جانے کا الزام ہے۔

قابلِ ذکر کارروائیاں

ایک کارروائی میں ایف آئی اے گوجرانوالہ سرکل نے دو خواتین ملزمان اقصیٰ وزیر اور سمیرا بی بی کو گرفتار کیا، جن پر الزام ہے کہ انہوں نے متاثرہ شخص کے دو بھائیوں کو اٹلی بھجوانے کے نام پر 65 لاکھ روپے وصول کیے۔ ایک اور کارروائی میں ملزم ایتشام انصار کو اپنی اہلیہ پروین بی بی کے ساتھ مل کر لکسمبرگ بھجوانے کے جھانسے میں 29 لاکھ روپے وصول کرنے کے الزام میں گرفتار کیا گیا۔

اسی طرح ایف آئی اے کمپوزٹ سرکل سیالکوٹ نے ملزم سعید حکیم خان کو گرفتار کیا، جس پر الزام ہے کہ اس نے متاثرہ شخص کو کینیڈا اسٹڈی ویزے پر بھجوانے کے نام پر 66 لاکھ 74 ہزار روپے کا فراڈ کیا، جو اس کارروائی میں سب سے بڑی رقم ہے۔

گرفتار ملزمان کے خلاف متعلقہ مقدمات میں ایمیگریشن آرڈیننس 1979 اور دیگر متعلقہ قوانین کے تحت کارروائی عمل میں لائی جا رہی ہے۔ بعض گرفتار ملزمان مختلف مقدمات میں اشتہاری ملزمان (Proclaimed Offenders) بھی تھے۔

ایف آئی اے گوجرانوالہ زون نے واضح کیا ہے کہ انسانی اسمگلنگ اور شہریوں کو دھوکہ دہی کا نشانہ بنانے والے عناصر کے خلاف کارروائیاں بلاامتیاز جاری رہیں گی۔ گرفتار ملزمان سے مزید تفتیش جاری ہے۔

ترجمان، ایف آئی اے گوجرانوالہ زون

28/09/2026

لیبیا میں انسانی اسمگلروں کے ہاتھوں محبوس شہری کا معاملہ، ڈائریکٹر ایف آئی اے کے فوری احکامات پر مقدمہ درج، دو ایجنٹس گرفتار

گوجرانوالہ: ایف آئی اے گوجرانوالہ زون نے لیبیا میں انسانی اسمگلروں کے ہاتھوں محبوس شہری کے معاملے پر فوری کارروائی کرتے ہوئے مقدمہ درج کر کے دو ایجنٹس کو گرفتار کر لیا۔

تفصیلات کے مطابق 26 ستمبر 2026 کو ابوسفیان نامی شہری نے ایڈیشنل ڈائریکٹر ایف آئی اے سی سی گوجرانوالہ کو درخواست دی کہ اس کا حقیقی بھائی ارسلان علی لیبیا میں انسانی اسمگلروں کے قبضے میں ہے، جس میں مقامی ایجنٹس ملوث ہیں۔ درخواست گزار کے مطابق ایجنٹ ذیشان عرف شانی کو نو لاکھ پچیس ہزار روپے بینک اکاؤنٹ کے ذریعے ادا کیے گئے، جبکہ لیبیا میں ایجنٹ کی جانب سے 4 ہزار 300 ریال بھی وصول کیے گئے۔ مزید یہ کہ اٹلی پہنچنے کے بعد 28 لاکھ روپے ادا کیے جانے تھے، جس کی ضمانت وحید نامی شخص نے دی تھی۔

ڈائریکٹر ایف آئی اے گوجرانوالہ زون نے معاملے کی سنگینی کے پیشِ نظر فوری مقدمہ درج کرنے اور ایجنٹس کو گرفتار کرنے کے احکامات جاری کیے۔ ان احکامات پر ایف آئی آر نمبر 672/2026 درج کی گئی اور نامزد ایجنٹس ذیشان عرف شانی، سکنہ وڈالہ سندھواں، تحصیل ڈسکہ، ضلع سیالکوٹ اور وحید، سکنہ مانا چک، تحصیل نوشہرہ ورکاں، ضلع گوجرانوالہ کو گرفتار کر لیا گیا۔ دونوں ملزمان جسمانی ریمانڈ پر ہیں۔

مقدمے کی مزید تفتیش جاری ہے۔

ترجمان، ایف آئی اے گوجرانوالہ زون