Urdu Poetry Point

نیت شوق بھر نہ جائے کہیں
تو بھی دل سے اتر نہ جائے کہیں

آج دیکھا ہے تجھ کو دیر کے بعد
آج کا دن گزر نہ جائے کہیں

نہ ملا کر اداس لوگوں سے
حسن تیرا بکھر نہ جائے کہیں

آرزو ہے کہ تو یہاں آئے
اور پھر عمر بھر نہ جائے کہیں

جی جلاتا ہوں اور سوچتا ہوں
رائیگاں یہ ہنر نہ جائے کہیں

آؤ کچھ دیر رو ہی لیں ناصرؔ
پھر یہ دریا اتر نہ جائے کہیں

۔۔۔۔۔۔۔۔۔
ناصر کاظمی

ہاۓ! کیا عظیم لوگ تھے جو پائمال ہوۓ میری خاطر...
کہنے کو یہ سارا سفر میرا ذاتی ہے...

اُلجھا ہوا ہوں گردش دوراں میں آج کل...
تم یہ نہ سمجھنا کہ محبت نہیں رہی...

وہ مرد نہیں جو ڈر جائے حالات کے خونی منظر سے...
جس دور میں جینا مشکل ہو اُس دور میں جینا لازم ہے...

پی جا ایام کی تلخی کو بھی ہنس کر ناصر...
غم کو سہنے میں بھی قدرت نے مزا رکھا ہے...

پھولوں کی نمائش میں اگر وہ بھی ہوا تو...
اک بار تو گلابوں کو بڑی آگ لگے گی ...

ایک بس دل اگر نہیں ہوتا...
روگ ہوتے نہ بے شمار یہاں...

یہ رابطوں میں غفلت، یہ بھولنے کی عادت...
کہیں دور ہو نہ جانا، یونہی دور رہتے رہتے...

اب کے باد اک عجب سی خواہش جاگی ہے دل میں ۔۔۔

کوئی مجھے ٹوٹ کر چاہے اور میں بےوفا نکلوں ۔۔۔

مبتلائے درد ہو کوئی عضو روتی ہے آنکھ...
کس قدر سارے جسم کی ہمدرد ہوتی ہے آنکھ...

فلک میں آگ لگ جاتی جو دونوں روبرو ہوتے...
غروب شمس لازم تھا طلوع چاند سے پہلے...

وقت پلٹے گا میری قسمت کی کایا ...
تمہیں بتائیں گے ہم مکافاتِ عمل کے معنی ...