Hope Pakistan

06/10/2026

🌟 گورنمنٹ ہائی سکول ملکی میں ھوپ پاکستان کے زیرِ اہتمام شاندار انعامی تقریب اور فلاحی اقدامات 🌟

ملکی میں علم کے فروغ، طلبہ کی حوصلہ افزائی اور مستحق بچوں کی تعلیمی معاونت کے عزم کے تحت گورنمنٹ ہائی سکول ملکی میں ھوپ پاکستان کے زیرِ اہتمام ایک باوقار اور یادگار تقریب کا انعقاد کیا گیا۔

تقریب میں ھوپ پاکستان کی ٹیم کے ہمراہ چوہدری کلیم اللہ صاحب اور چوہدری غلام سرور صاحب نے خصوصی شرکت کی اور طلبہ کی حوصلہ افزائی کے لیے اپنا بھرپور تعاون پیش کیا۔

📚 نمایاں طلبہ کی حوصلہ افزائی

تعلیمی میدان میں نمایاں کارکردگی کا مظاہرہ کرنے والے طلبہ میں نقد انعامات تقسیم کیے گئے تاکہ ان کی محنت کو سراہا جائے، ان کے حوصلے بلند کیے جائیں اور دیگر طلبہ کو بھی بہترین کارکردگی کی ترغیب ملے۔

🤏اسی موقع پر سکول کے ہیڈ ٹیچر اور سینئر استاد جناب افضل سبحانی صاحب کو ان کی بہترین، مخلصانہ اور بے لوث تدریسی خدمات کے اعتراف میں خصوصی انعام سے نوازا گیا۔

❤️ فلاحی کام، مگر عزتِ نفس کے ساتھ

ھوپ پاکستان کا یقین ہے کہ مستحق بچوں کی عزتِ نفس، خودداری اور وقار کا خیال رکھنا بھی اتنا ہی ضروری ہے۔

بچوں کے نام پر کھلے عام صدقہ اور چندہ جمع کرنے یا انہیں سب کے سامنے ضرورت مند ظاہر کرنے کے بجائے ھوپ پاکستان کوشش کرتی ہے کہ مدد اس انداز میں کی جائے جس سے بچے کی عزتِ نفس مجروح نہ ہو اور وہ خود کو معاشرے پر بوجھ محسوس نہ کرے۔

اسی سوچ کے تحت سکول کے تمام مستحق بچوں کے لیے یونیفارم، جرسیوں اور جوتوں کی فراہمی کے لیے حتمی فہرست تیار کرنے کی ہدایت کی گئی، جبکہ جن طلبہ کو کتب یا سٹیشنری کی ضرورت ہے، ان کی فہرست بھی فوری طور پر تیار کرنے کا کہا گیا تاکہ آئندہ مرحلے میں تمام ضروری تعلیمی سامان بلا تاخیر فراہم کیا جا سکے۔

🎓 میٹرک کے بعد تعلیم جاری رکھنے کا موقع

ھوپ پاکستان کی جانب سے یہ اہم اعلان بھی کیا گیا کہ میٹرک سے فارغ التحصیل ایسے طلبہ جو مالی مشکلات کے باعث اپنی تعلیم جاری نہیں رکھ سکتے، وہ سکول کے ہیڈ ٹیچر سے رابطہ کریں۔

ھوپ پاکستان کی پالیسی کے مطابق مستحق طلبہ کی مکمل رازداری اور عزتِ نفس کو ملحوظ رکھتے ہوئے، ان کی مزید تعلیم کے تمام اخراجات برداشت کرنے کی کوشش کی جائے گی۔

🤲 نہ چندہ مہم

یہ بھی قابلِ ذکر ہے کہ ھوپ پاکستان کسی قسم کے چندے، خیرات یا فنڈ ریزنگ پر انحصار کیے بغیر، اللہ تعالیٰ کی عطا کردہ استطاعت کے مطابق اپنے وسائل سے فلاحی کام سرانجام دے رہی ہے۔

مقصد صرف خدمت ہے۔

ایسی خدمت جس میں مدد لینے والے کی عزت بھی محفوظ رہے، اس کی تعلیم بھی جاری رہے اور اس کا مستقبل بھی بہتر ہو۔

سکول انتظامیہ، اساتذہ، طلبہ اور اہلِ علاقہ نے ھوپ پاکستان کی پوری ٹیم کے جذبۂ خدمت، تعلیمی معاونت اور فلاحی اقدامات کو بے حد سراہا اور ان کا تہہ دل سے شکریہ ادا کیا۔

اللہ تعالیٰ ھوپ پاکستان کی تمام کاوشوں کو قبول فرمائے اور اسے مزید بچوں کے لیے امید، حوصلے اور بہتر مستقبل کا ذریعہ بنائے ۔ آمین 🤲

ھوپ پاکستان — خدمت بھی، عزت بھی، تعلیم بھی۔ ❤️


#تعلیم

02/10/2026

🌟 گورنمنٹ ہائی سکول سگھر میں شاندار انعامی تقریب

علم کی ترویج اور طلبہ کی حوصلہ افزائی کے جذبے کے تحت ھوپ پاکستان کے زیرِ اہتمام گورنمنٹ ہائی سکول سگھر میں ایک خوبصورت تقریب کا انعقاد کیا گیا۔

تقریب میں چیئرمین مرزا وحید بیگ اور مرزا رضوان بیگ نے خصوصی شرکت کی۔ نمایاں کارکردگی دکھانے والے طلبہ میں نقد انعامات تقسیم کیے گئے جبکہ اساتذہ کی بہترین اور بے لوث خدمات کو بھی سراہا گیا۔

اس موقع پر مستحق طلبہ کے لیے یونیفارم، جرسی، جوتوں، کتب اور اسٹیشنری کی فراہمی کے لیے بھی عملی اقدامات کا آغاز کیا گیا۔

قابل ذکر بات یہ ہے کہ ھوپ پاکستان کسی چندہ، خیرات یا فنڈ ریزنگ کے بغیر، اللہ تعالیٰ کی عطا کردہ استطاعت کے مطابق خدمت کا یہ سلسلہ جاری رکھے ہوئے ہے۔

علم کی روشنی پھیلانا اور مستحق بچوں کا ساتھ دینا ہی ہمارا عزم ہے۔ ❤️

#تعلیم #طلبہ #پاکستان

22/09/2026

گورنمنٹ ہائی سکول اعوان شریف کی شاندار کامیابی! ہوپ پاکستان کا شاندار اقدام 🌟🎓
​میٹرک کے بہترین نتائج آنے پر ھوپ پاکستان کی 8 رکنی ٹیم نے گورنمنٹ ہائی سکول اعوان شریف کا خاص وزٹ کیا۔ وزٹ کا بنیادی مقصد نہ صرف پوزیشن ہولڈر بچوں کی حوصلہ افزائی کرنا تھا بلکہ اساتذہ کی ان تھک محنت کو خراجِ تحسین پیش کرنا بھی تھا۔
​
🥇 پوزیشن ہولڈر اور بہترین کارکردگی دکھانے والے طلبہ کو کیش پرائز سے نوازا گیا۔

👨‍🏫 کلاس انچارج اور ہیڈ ٹیچر کی شاندار خدمات کے اعتراف میں انہیں بھی کیش پرائز پیش کیے گئے۔
​
ھوپ پاکستان کی ٹیم کے مطابق سکول انتظامیہ کی سب سے بڑی کامیابی یہ رہی کہ کسی بھی پڑھائی میں کمزور بچے کا ریگولر داخلہ نہیں روکا گیا اور نہ ہی کسی کو پرائیویٹ امتحان دینے پر مجبور کیا گیا۔ الحمد للہ تمام طلبہ کا داخلہ ریگولر بیس پر بھیجا گیا، اور اس کے باوجود سکول کا مجموعی رزلٹ تقریباً 80% رہا! 🎉
​ہم سکول انتظامیہ، تمام اساتذہ، اور کامیاب ہونے والے تمام بچوں اور ان کے والدین کو مبارکباد پیش کرتے ہیں۔
​

25/08/2026

13/08/2026

15/07/2026

Hope Pakistan 🇵🇰

28/05/2026

الحمد للہ، اس سال بھی ’ہوپ پاکستان‘ (HOPE Pakistan) کی جانب سے جذبہِ ایثار اور سنتِ ابراہیمی کی پیروی کرتے ہوئے قربانی کا فریضہ ادا کیا گیا۔ اس موقع پر دو بیل قربان کیے گئے، جن کا گوشت انتہائی منظم طریقے سے گاؤں اعوان شریف میں تقسیم کیا گیا۔
اس کے علاوہ دیگر مقامات جیسے ٹیکسلا میں بھی قربانی کا اہتمام کیا گیا کہ تمام مسلمان اس خوشی میں شامل ہو سکیں ۔

ہم اللہ تعالیٰ کے حضور دعا گو ہیں کہ وہ ہماری اس حقیر سی کاوش کو اپنی بارگاہِ عالی میں قبول و منظور فرمائے اور ہمیں اسی طرح انسانیت کی خدمت کی توفیق عطا کرتا رہے۔ آمین۔

10/04/2026

*☜اعلان فوتگی*
*۞كُلُّ نَفْسٍ ذَآئِقَةُ الْمَوْتِ۞*
"ہر جاندار چیز نے موت کا ذائقہ چکھنا ہے"؎
*۞ اِنّا لِلّهِ وَاِنّا اِلَيْهِ رَاجِعُوْن ۞*
*ملک خلیل اسلم ، ملک جیمل اسلم کے والد محترم بابا جی ملک محمد اسلم قضائے الہی سے وفات پا گئے ہیں*
اللہ پاک مرحوم کی کامل مغفرت فرمائے اور لواحقین کو صبر جمیل عطا فرمائے ۔ آمین ،
آمین ثم آمین یا رب العالمین

نوٹ ،
*نماز جنازہ مسجد حضرت قاضی صاحب کے پاس بعد از نماز جمعہ pm 2:30 بجے ادا کیا جائے گا ۔*

31/03/2026

گورنمنٹ بوائز ہائی سکول اعوان شریف میں سالانہ نتائج کی پروقار تقریب کا انعقاد کیا گیا، جس میں طلبہ کی حوصلہ افزائی کے لیے "ھوپ پاکستان" کے نمائندگان نے خصوصی شرکت کی۔ تقریب کے دوران پوزیشن ہولڈر اور ہونہار بچوں میں قیمتی انعامات اور کیش پرائز تقسیم کیے گئے۔

​ھوپ پاکستان کا ماننا ہے کہ معمارِ قوم (اساتذہ) کی قدر افزائی ہی اصل سرمایہ کاری ہے، اسی نظریے کے تحت بہترین کارکردگی دکھانے والے اساتذہ کرام کو بھی کیش پرائز سے نوازا گیا۔
ھوپ پاکستان ملک بھر میں تعلیم کے حصول اور فروغ کے لیے اپنا ہر ممکن تعاون جاری رکھنے کے لیے پرعزم ہے۔

21/03/2026

تمام اہلیان پاکستان کو عید مبارک 💐💐💐

ھوپ پاکستان کی جانب سے عید گفٹس تقسیم کیے گئے۔ دعا ہے کہ اللہ تعالیٰ اسے اپنی بارگاہ میں قبول فرمائے-
اس کی توفیق عطا کرنے پر ہم اللہ رب عزوجل کا دل سے شکر ادا کرتے ہیں۔

بغیر کھلے عام چندہ یا خیرات مانگے، یہ سلسلہ حسب استطاعت جاری ہے ۔