Gujrat Police

04/10/2026

اتوار کے روز ضلع بھر کی مسیحی عبادت گاہوں پر گجرات پولیس کے افسران و جوان سیکیورٹی ڈیوٹی سرانجام دے رہے ہیں۔

مسیحی برادری کو پُرامن اور محفوظ ماحول میں عبادت کے لیے تحفظ فراہم کرنا ہماری ذمہ داری ہے, ڈی پی او گجرات فیصل شہزاد

04/10/2026

04/10/2026

مورخہ 04 اکتوبر 2026 کو انکوائری کے لیے تھانہ جات میں آنے والے سائلین کی فہرستیں!
شہریوں کی سہولت کے پیش نظر روزانہ کی بنیاد پر تھانہ جات میں انکوائری کے لیے آنے والے سائلین کی فہرستیں سوشل میڈیا پر جاری کی جاتی ہیں، تاکہ آنے والے افراد کو بروقت معلومات اور رہنمائی فراہم کی جا سکے.

03/10/2026

ڈی پی او گجرات فیصل شہزاد کی ہدایت پر ایس پی انویسٹی گیشن حافظ امتیاز احمد کی ایس ایچ اوز و محرران سے میٹنگ
ایس پی انویسٹی گیشن حافظ امتیاز احمد نے ضلع بھر کے ایس ایچ اوز اور محرران کے ساتھ میٹنگ کی، جس میں پینڈنگ چالان اور زیرِ تفتیش مقدمات کا جائزہ لیا گیا۔
ایس پی انویسٹی گیشن نے ہدایت کی کہ پینڈنگ چالان کو ترجیحی بنیادوں پر مکمل کرکے بروقت عدالتوں میں بھجوایا جائے اور مقدمات کی تفتیش میں غیر ضروری تاخیر سے گریز کیا جائے۔
انہوں نے مزید کہا کہ شہریوں کو بروقت انصاف کی فراہمی کے لیے تفتیشی امور کی مؤثر نگرانی یقینی بنائی جائے۔

03/10/2026

ڈی پی او گجرات فیصل شہزاد کی ضلع بھر کے تھانہ جات کے PSA سے میٹنگ
ڈی پی او گجرات فیصل شہزاد نے ضلع بھر کے تھانہ جات کے PSA کے ساتھ اہم اجلاس منعقد کیا، جس میں تھانہ جات میں عوام کو فراہم کی جانے والی پولیس سروسز، سائلین کی شکایات کے ازالے اور پولیسنگ ،ریکارڈ کی تکمیل اور PSA کی ذمہ داریوں سے متعلق امور کا بھی جائزہ لیا گیا۔
۔ڈی پی او گجرات نے PSA کو ہدایت کی کہ تھانہ جات میں آنے والے شہریوں کے ساتھ خوش اخلاقی، شائستگی اور ذمہ دارانہ رویہ اپنایا جائے اور ان کی شکایات و مسائل کو ترجیحی بنیادوں پر سنا اور حل کیا جائے۔انہوں نے کہا کہ پولیس کا بنیادی مقصد عوام کو بروقت اور مؤثر سروس فراہم کرنا ہے۔

03/10/2026

اے ایس پی نجیب اللہ خان ننگیالے کی کرائم و سیکیورٹی کے حوالے سے اہم میٹنگ
اے ایس پی نجیب اللہ خان ننگیالے نے سٹی سرکل کے ڈی ایس پی اور ایس ایچ اوز کے ساتھ کرائم اور سیکیورٹی کے حوالے سے اہم میٹنگ کی۔ اجلاس میں جرائم کی روک تھام، امن و امان اور سیکیورٹی انتظامات کا جائزہ لیتے ہوئے افسران کو مؤثر اقدامات اور گشت مزید بہتر بنانے کی ہدایات جاری کی گئیں۔

03/10/2026

ڈی پی او گجرات فیصل شہزاد کی شہریوں سے براہِ راست ملاقات
ڈی پی او گجرات فیصل شہزاد نے شہریوں کے مسائل، شکایات اور درخواستوں کی براہِ راست سماعت کے لیے اپنے دفتر میں شہریوں سے ملاقات کی۔ اس موقع پر ڈی پی او گجرات نے شہریوں کے مسائل کو توجہ سے سنا اور ان کے فوری ازالے، میرٹ پر داد رسی اور قانون کے مطابق کارروائی کے لیے متعلقہ افسران کو ضروری ہدایات جاری کیں۔
ڈی پی او گجرات نے افسران کو ہدایت کی کہ شہریوں کی شکایات کا بروقت ازالہ یقینی بنایا جائے اور انہیں انصاف کی فراہمی میں کسی قسم کی تاخیر نہ ہو۔

03/10/2026

تھانہ لاری اڈا اورٹریفک پولیس گجرات کی مشترکہ کارروائی7 ون ویلر گرفتار مقدمات درج
تفصیلات کے مطابق ڈی پی اوگجرات فیصل شہزاد کی ہدایت پر جرائم پیشہ عناصر اور ٹریفک قوانین کی خلاف ورزی کرنے والوں کے خلاف کریک ڈاؤن جاری ہے۔
گجرات پولیس کو ٹریفک قوانین کی خلاف ورزی اور ون ویلنگ کرنے والے عناصر کے متعلق اطلاعات موصول ہو رہی تھی جس پر ڈی پی او گجرات نے فوری ٹیمیں تشکیل دے کر ان کے خلاف کاروائی احکامات جاری کیے اس سلسلہ میں تھانہ لاری اڈا کو اطلاع موصول ہوئی کہ چند نوجوا نوں کا گروپ شہری حدود میں موٹر سائیکلوں پر ون ویلنگ کر کے نہ صرف اپنی بلکہ شہریوں کی جان و مال کو خطرے میں ڈال رہے ہیں۔
اطلاع مو صول ہونے پر ٹریفک پولیس انسپکٹر عمران ٹریفک وارڈن SIعزت رسول اور دیگر پولیس ملازمان پر مشتمل خصوصی ٹیم نے فوری کارروائی کرتے ہوئے موقع پر پہنچ کر7 ون ویلرز کو گرفتار کر لیا۔گرفتار ملزمان میں 1۔ احمد رضا 2۔رضوان علی 3۔سبحان خاور 4۔زبیر رضا 5۔محمد سفیان 6۔ عبدالرحمن 7۔ شہباز علی ملزمان کے زیر استعمال موٹر سائیکلیں تحویل میں لے کر الگ الگ مقدمات درج کر کے مزید تفتیش کا آغاز کر دیا گیا ہے۔
اس موقع پر ڈی پی او گجرات کا کہناتھا کہ ون ویلنگ جیسے خطرناک اور جان لیوا عمل کی کسی صورت اجازت نہیں دی جائے گی، اور خلاف ورزی کرنے والوں کے خلاف سخت قانونی کارروائی عمل میں لائی جائے گی۔والدین اپنے بچوں کو ون ویلنگ جیسے خطرناک عمل کے نقصانات سے آگاہ رکھیں اور کم عمر بچوں کو ڈرائیونگ کی اجازت نہ دیں۔شہریوں سے اپیل ہے کہ وہ ایسے عناصر کی نشاندہی کریں تاکہ شہر کو محفوظ بنایا جا سکے۔

ترجمان گجرات پولیس

03/10/2026

مورخہ 03 اکتوبر 2026 کو انکوائری کے لیے تھانہ جات میں آنے والے سائلین کی فہرستیں!
شہریوں کی سہولت کے پیش نظر روزانہ کی بنیاد پر تھانہ جات میں انکوائری کے لیے آنے والے سائلین کی فہرستیں سوشل میڈیا پر جاری کی جاتی ہیں، تاکہ آنے والے افراد کو بروقت معلومات اور رہنمائی فراہم کی جا سکے.