25/10/2026
ٹاؤن میونسپل کارپوریشن میاں سرفراز، حیدرآباد
بروز اتوار ، 25 اکتوبر 2026ء | 13 جمادی الاول 1448ھ
معروف سیاسی و سماجی رہنما عمران خان سہروردی کی سربراہی میں وفد کی ٹاؤن چیئرمین میاں سرفراز مصطفیٰ بلال شیخ سے ملاقات، عمرے کی سعادت پر مبارکباد ۔۔۔
سابق چیئرمین ڈسٹرکٹ پولیس امن کمیٹی، آئی اون حیدرآباد کے چیئرمین اور حیدرآباد کے معروف سیاسی و سماجی رہنما عمران خان سہروردی کی سربراہی میں وفد نے ٹاؤن چیئرمین میاں سرفراز مصطفیٰ بلال شیخ سے ملاقات کی اور انہیں عمرے کی سعادت حاصل کرنے اور مقدس مقامات کی زیارت کے بعد وطن واپسی پر دلی مبارکباد پیش کی۔
وفد میں معروف تاجر اور آئی اون حیدرآباد کے ممبر رسول خان، آئی اون حیدرآباد کے ڈائریکٹر محسن خان اور ڈائریکٹر ارشد قریشی شامل تھے۔ وفد کے ارکان نے ٹاؤن چیئرمین کو عمرے کی سعادت پر مبارکباد دیتے ہوئے نیک تمناؤں کا اظہار کیا۔
اس موقع پر ٹاؤن چیئرمین میاں سرفراز مصطفیٰ بلال شیخ نے عمران خان سہروردی اور ان کے ہمراہ آنے والے تمام معزز مہمانوں کی آمد، محبت اور نیک خواہشات پر دلی شکریہ ادا کیا۔
ٹاؤن چیئرمین نے دعا کی کہ اللہ تعالیٰ تمام مسلمانوں کو بار بار خانہ کعبہ کی حاضری، عمرے کی سعادت اور مدینہ منورہ کی زیارت نصیب فرمائے، تمام عبادات اور دعاؤں کو شرفِ قبولیت عطا فرمائے۔ آمین یا رب العالمین۔
جاری کردہ:
شعبہ اطلاعات
ٹاؤن میونسپل کارپوریشن میاں سرفراز، حیدرآباد
