Directorate General Immigration & Passports

امیگریشن اینڈ پاسپورٹس، ہیڈکواٹر سے براہِ راست۔
ڈائریکٹر جنرل، امیگریشن اینڈ پاسپورٹس، صارفین کے پاسپورٹ سے متعلق مسائل کے حل کے لیے آج بروز جمعرات، 21 مئی 2026
دن 11:00 بجے سے 01:00 بجے تک ای-کچہری کر رہے ہیں۔
معزز صارفین اپنے مسائل بذریعہ اس فیس بک پوسٹ پر کمنٹ کے ذریعے ہم تک پہنچا سکتے ہیں۔

اسلام آباد: ڈائریکٹر جنرل امیگریشن اینڈ پاسپورٹس، محمد علی رندھاوا کی زیر صدارت پاسپورٹ ہیڈکوارٹر اسلام آباد میں پاسپورٹ فیس کی وصولی کے مکمل کیش لیس نظام کے نفاذ کے حوالے سے اب تک کی جانے والی پیش رفت کا جائزہ لینے کے لیے اجلاس منعقد ہوا۔
اجلاس میں National Bank of Pakistan، JazzCash، Easypaisa، NADRA اور دیگر اداروں کے نمائندگان نے شرکت کی۔
اجلاس میں وزیرِاعظم پاکستان اور وفاقی وزیرِ داخلہ کے وژن کے مطابق پاسپورٹ فیس کی ادائیگی کو مکمل طور پر ڈیجیٹل اور کیش لیس بنانے کے اقدامات کا جائزہ لیا گیا۔ شرکاء کو اب تک ہونے والی پیش رفت سے آگاہ کیا گیا اور نظام کے مؤثر نفاذ کے لیے آئندہ کے لائحہ عمل پر تبادلہ خیال کیا گیا۔
ڈی جی امیگریشن اینڈ پاسپورٹس محمد علی رندھاوا نے ہدایت کی کہ شہریوں کو پاسپورٹ فیس کی ادائیگی کے لیے جدید، آسان اور شفاف سہولیات فراہم کی جائیں تاکہ انہیں بینکوں میں طویل قطاروں سے نجات مل سکے اور پاسپورٹ کے حصول کا عمل مزید آسان بنایا جا سکے۔
اجلاس میں تمام اسٹیک ہولڈرز نے کیش لیس نظام کے جلد اور مؤثر نفاذ کے لیے مکمل تعاون کی یقین دہانی کرائی۔

ڈائریکٹر جنرل امیگریشن اینڈ پاسپورٹ، محمد علی رندھاوا کی زیرِ صدارت پاسپورٹ ہیڈکوارٹر اسلام آباد میں اہم اجلاس منعقد ہوا۔ اجلاس میں امیگریشن اینڈ پاسپورٹ کے مختلف سیکشنز کے افسران اور متعلقہ حکام نے شرکت کی۔
اجلاس میں ادارے کی موجودہ کارکردگی، سروس ڈیلیوری کو مزید مؤثر بنانے، اور امیگریشن و پاسپورٹ کے نظام کو جدید تقاضوں سے ہم آہنگ کرنے کے لیے آئندہ کے لائحہ عمل پر تبادلہ خیال کیا گیا۔ ڈی جی امیگریشن اینڈ پاسپورٹ نے ہدایت کی کہ شہریوں کو فراہم کی جانے والی سہولیات میں مزید بہتری لانے اور ادارے کو جدید خطوط پر استوار کرنے کے لیے تمام دستیاب وسائل بروئے کار لائے جائیں۔
انہوں نے اس عزم کا اظہار کیا کہ امیگریشن اینڈ پاسپورٹ کے نظام کو مزید شفاف، تیز رفتار اور عوام دوست بنایا جائے گا۔

ڈی جی امیگریشن اینڈ پاسپورٹ محمد علی رندھاوا سے فرانسیسی ملٹی نیشنل کمپنی تھیلس کے وفد کی ملاقات ہیڈکوارٹر اسلام آباد میں منعقد ہوئی۔
ملاقات میں جدید سیکیورٹی نظام، ڈیجیٹل شناخت، سائبر سیکیورٹی اور پاسپورٹ سسٹمز کی بہتری سے متعلق امور پر تفصیلی تبادلہ خیال کیا گیا۔
وفد نے تھیلس گروپ کی عالمی مہارت کے بارے میں بریفنگ دیتے ہوئے بتایا کہ کمپنی دفاع، سیکیورٹی، ڈیجیٹل آئیڈنٹیٹی، سائبر سیکیورٹی اور ایرو اسپیس کے شعبوں میں جدید اور پائیدار حل فراہم کرتی ہے۔ ملاقات میں امیگریشن و پاسپورٹ نظام کو مزید محفوظ، مؤثر اور جدید خطوط پر استوار کرنے پر غور کیا گیا۔
ڈی جی امیگریشن اینڈ پاسپورٹس محمد علی رندھاوا نے کہا کہ حکومت شہریوں کو عالمی معیار کی محفوظ اور جدید پاسپورٹ سہولیات فراہم کرنے کے لیے پرعزم ہے اور اس مقصد کے لیے بین الاقوامی اداروں کے تجربات سے استفادہ کیا جا رہا ہے۔