07/11/2026
راولاکوٹ آزاد کشمیر کے افسوسناک حالات پر چیف آف آرمی اسٹاف، وزیراعظم پاکستان اور سیاسی و مذہبی قیادت سے اپیل
اس وقت آزاد کشمیر، خصوصاً راولاکوٹ سے انتہائی افسوسناک خبریں سامنے آ رہی ہے، جو یقیناً ہر دردِ دل رکھنے والے انسان کے لیے انتہائی تکلیف دہ ہے۔ وہاں کیا معاملات ہیں؟ کیا ہو رہا ہے اور یہ حالات کیوں پیدا ہوئے؟
یہ ایسے کئی سوالات ہیں جن کے جوابات جاننا ضروری ہیں۔ تاہم، اس مرحلے پر ہم یہ نہیں کہہ سکتے کہ اصل قصوروار کون ہے۔
اس وقت کشمیر کے حالات انتہائی نازک ہیں۔ کشمیر ہماری خوبصورت وادیوں کی سرزمین ہے، جہاں دنیا بھر سے سیاح آتے ہیں۔ اس کے خوبصورت پہاڑ، دلکش ندیاں اور قدرتی مناظر اس کی پہچان ہیں۔ مزید یہ کہ کشمیر کی جغرافیائی اہمیت بھی انتہائی حساس ہے اور اس کی سرحد بھارت کے ساتھ ملتی ہے، جس کا فائدہ دشمن قوتیں اٹھا سکتی ہیں اور کوئی بڑا نقصان دہ واقعہ پیش آ سکتا ہے۔
لہٰذا میری جناب وزیراعظم پاکستان میاں شہباز شریف صاحب اور چیف آف آرمی اسٹاف سے دست بستہ گزارش ہے کہ خدارا! ان معاملات کو مزید طول دیں۔
اسی طرح میری ملک کی تمام سیاسی جماعتوں کے سربراہان سے بھی گزارش ہے کہ وہ اس نازک موقع پر اپنا کردار ادا کریں۔ مذہبی جماعتوں کے قائدین سے بھی اپیل ہے کہ وہ آگے بڑھیں اور جہاں تک ممکن ہو، اپنا مثبت کردار ادا کریں۔
ہم سب کی خواہش ہے کہ ان معاملات کو مذاکرات، صلح صفائی اور باہمی اتفاق و اتحاد کے ذریعے حل کیا جائے، تاکہ ہمارے کشمیری بھائیوں کو سکون ملے، ان کی مشکلات ختم ہوں اور وہاں دوبارہ امن قائم ہو
اللہ تعالیٰ ہمارے ملک پاکستان اور آزاد کشمیر میں امن و امان قائم فرمائے۔ آمین۔
پاکستان ہمیشہ زندہ باد 🇵🇰
🇵🇰
