BN Social Channel

Available

https://www.youtube.com/

لوگ دو دن سے سوال کر رہے ہیں کہ آپ کراچی میں ایک امیر زادی نتاشا کے ہاتھوں مارے جانے والے باپ بیٹی کے حق میں کیوں بات نہیں کر رہے۔ اس لئے کہ میں تھک چکا ہوں، شاہزیب اور شاہ رخ کے کیس پر ہم نے کئی سال بات کی، لیکن مقتول کا باپ کروڑوں روپے لے کر آسٹریلیا شفٹ ہو گیا۔ رینجرز کے ہاتھوں مارے جانے والے سرفراز شاہ کے حق میں آواز اُٹھائی، چوبیس گھنٹے میں لین دین اور معافی تلافی ہو گئی، پوری قوم ریمینڈ ڈیوس کے ہاتھوں کچلے جانے والے نوجوانوں کے حق میں سراپا احتجاج بن گئی لیکن آج بھی اُن کے لواحقین معافی کے بدلے ملنے والے کروڑوں روپے پر لڑتے مرتے نظر آتے ہیں۔ بلوچستان کے مجید اچکزئی نے دن دیہاڑے ٹریفک کانسٹیبل کو کچل دیا، کوئی کچھ نہیں اکھاڑ سکا۔ لمبی فہرست ہے۔ کراچی میں باپ بیٹی کو کچلنے والی محترمہ اور اُن کا خاندان آپ کی اور میری سوچ سے بھی زیادہ امیر اور بااثر ہے۔۔۔ خاتون کو کبھی ایک منٹ کی بھی سزا ہو جائے تو میرا سر تن سے جدا کر دیجئے گا۔ کیوں کہ قانون ان لوگوں کے گھر کی لونڈی ہے اور انصاف ان کے گھروں کے باہر کھڑا دربان۔ زندہ باد پاکستان۔ بشکریہ اقرار الحسن

Social worker