Syed Sibtal Haider Bukhari NA-47

27/10/2026

We are family, we are united.

26/10/2026

21/10/2026

پریس ریلیز

سیدسبط الحیدربخاری کی صدر آزاد کشمیر ڈاکٹر محمد نجیب نقی سے ملاقات، صدر منتخب ہونے پر مبارک باد

اسلام آباد: پاکستان پیپلز پارٹی کے انچارج سینٹرل سیکریٹریٹ سیدسبط الحیدربخاری نے صدر آزاد کشمیر ڈاکٹر محمد نجیب نقی سے ملاقات کی اور انہیں صدر آزاد کشمیر کا منصب سنبھالنے پر مبارک باد پیش کی۔

ملاقات کے دوران آزاد کشمیر کی موجودہ سیاسی صورتحال، خطے کو درپیش مسائل اور کشمیر کی سیاسی پیش رفت پر تفصیلی گفتگو کی گئی۔ دونوں رہنماؤں نے باہمی تبادلۂ خیال کرتے ہوئے کشمیر کے معاملات اور مستقبل کے سیاسی منظرنامے پر بھی گفتگو کی۔

17/10/2026

پیپلز پارٹی سینٹرل سیکریٹریٹ کے زیرِ اہتمام سانحۂ کارساز کے شہداء کے ایصالِ ثواب کے لیے قرآن خوانی اور دعائیہ تقریب
اسلام آباد: پاکستان پیپلز پارٹی کے سینٹرل سیکریٹریٹ کے زیرِ اہتمام سانحۂ کارساز کے شہداء کو خراجِ عقیدت پیش کرنے اور ان کے ایصالِ ثواب کے لیے 17 اکتوبر 2026ء کو قرآن خوانی اور دعائیہ تقریب کا انعقاد کیا گیا۔
تقریب میں سانحۂ کارساز کے شہداء کو خراجِ عقیدت پیش کیا گیا اور ان کی مغفرت، درجات کی بلندی اور لواحقین کے لیے صبرِ جمیل کی دعا کی گئی۔
اس موقع پر شہداء کی قربانیوں کو یاد کرتے ہوئے اس عزم کا اعادہ کیا گیا کہ پاکستان پیپلز پارٹی جمہوریت، عوامی حقوق اور ملک میں جمہوری اقدار کے تحفظ کے لیے اپنی جدوجہد جاری رکھے گی۔
تقریب کے اختتام پر ملک کی سلامتی، استحکام، ترقی اور خوشحالی کے لیے بھی خصوصی دعا کی گئی۔

29/09/2026

پریس ریلیز

چیئرمین تحریک انصاف بیرسٹر گوہر اور سینیٹر علامہ راجہ ناصر عباس کی پیپلز پارٹی سنٹرل سیکرٹریٹ آمد، سید نیر حسین بخاری سے ملاقات

اسلام آباد: چیئرمین پاکستان تحریک انصاف بیرسٹر گوہر اور سینیٹر علامہ راجہ ناصر عباس آج پاکستان پیپلز پارٹی کے سنٹرل سیکرٹریٹ اسلام آباد پہنچے، جہاں انہوں نے سیکرٹری جنرل پاکستان پیپلز پارٹی پارلیمنٹیرینز سید نیر حسین بخاری سے ملاقات کی۔

ملاقات کے دوران چیئرمین تحریک انصاف بیرسٹر گوہر اور سینیٹر علامہ راجہ ناصر عباس نے پاکستان پیپلز پارٹی کو آل پارٹیز کانفرنس میں شرکت کی باضابطہ دعوت دی۔

ملاقات میں ملک کی مجموعی سیاسی صورتحال، موجودہ ملکی حالات، جمہوریت کے استحکام، آئین و پارلیمان کی بالادستی اور سیاسی جماعتوں کے درمیان باہمی مشاورت کے فروغ سمیت مختلف اہم امور پر تفصیلی تبادلہ خیال کیا گیا۔

سید سبط الحیدر بخاری، انچارج سنٹرل سیکرٹریٹ پاکستان پیپلز پارٹی، نے بھی ملاقات میں فعال طور پر شرکت کی اور ملکی و سیاسی صورتحال کے حوالے سے ہونے والی گفتگو میں اپنے خیالات کا اظہار کیا۔ اس موقع پر سیاسی جماعتوں کے درمیان رابطے، جمہوری مکالمے اور قومی معاملات پر باہمی مشاورت کی اہمیت پر بھی گفتگو ہوئی۔

ملاقات میں اس امر پر اتفاق کیا گیا کہ جمہوریت کے استحکام، آئین و پارلیمان کی بالادستی اور قومی معاملات کے حل کے لیے سیاسی قوتوں کے درمیان بامعنی مکالمہ اور مسلسل مشاورت ضروری ہے۔

ملاقات کے اختتام پر ملکی سیاسی صورتحال اور باہمی دلچسپی کے امور پر رابطے اور مشاورت کا سلسلہ جاری رکھنے پر بھی تبادلہ خیال کیا گیا۔

سید سبط الحیدر بخاری، انچارج سنٹرل سیکرٹریٹ پاکستان پیپلز پارٹی، نے مہمانوں کا خیرمقدم کیا۔