Town Municipal Corporation Baldia, District-Keamari, Karachi

بلدیہ ٹاؤن میں عوام کے لیے ایک اور بڑا تحفہ، لاسی پاڑہ اسکول کے قریب نئے “تجلی نور پارک” کے قیام کا اعلان

بلدیہ ٹاؤن کی ترقی کا سفر جاری ہے۔ ٹاؤن چیئرمین عبدالکریم آسکانی نے یونین کونسل نمبر 10 میں لاسی پاڑہ اسکول کے قریب نئے اور جدید طرز کے “تجلی نور پارک” کے قیام کا اعلان کر دیا ہے، جس سے علاقے کے مکینوں کو تفریح، ورزش اور صحت مند سرگرمیوں کے بہتر مواقع میسر آئیں گے۔

واضح رہے کہ یونین کونسل 10 میں قائم تجلی نور پارک پہلے ہی ٹاؤن چیئرمین عبدالکریم آسکانی کی کاوشوں سے علاقے کی ایک نمایاں تفریحی جگہ بن چکا ہے، جہاں روزانہ فیملیاں، بزرگ اور بچے سہولیات سے استفادہ کر رہے ہیں۔ اسی کامیابی کو مدنظر رکھتے ہوئے اب ایک اور تجلی نور پارک تعمیر کرنے کا فیصلہ کیا گیا ہے۔ یہ اقدام پاکستان پیپلز پارٹی کے عوامی خدمت اور مقامی ترقی کے وژن کی بھی عکاسی کرتا ہے۔

یونین کونسل 10 کے وائس چیئرمین یاسر تنولی کی درخواست پر لاسی پاڑہ اسکول کے قریب طویل عرصے سے غیر فعال پڑی پارک کی جگہ کو دوبارہ آباد کرنے کا فیصلہ کیا گیا ہے۔ ٹاؤن انتظامیہ کے مطابق آئندہ ڈیڑھ سے دو ہفتوں میں تعمیراتی کام کا آغاز متوقع ہے۔

مجوزہ پارک میں خواتین کے لیے علیحدہ پردہ پارک، واکنگ ٹریک، بچوں کے لیے تفریحی سہولیات اور عوامی آرام گاہیں قائم کی جائیں گی، جس سے خواتین، بزرگوں اور بچوں کو ایک محفوظ اور خوشگوار ماحول میسر آئے گا۔

علاقہ مکینوں نے اس اقدام کا خیرمقدم کرتے ہوئے اسے بلدیہ ٹاؤن کی ترقی اور عوامی فلاح کی جانب ایک مثبت قدم قرار دیا ہے۔

محرم الحرام کے پرامن، محفوظ اور منظم انعقاد کے سلسلے میں ایک اہم اجلاس ڈپٹی کمشنر کیماڑی امیر افضل اویسی کی زیرِ صدارت منعقد ہوا۔

اجلاس میں ٹاؤن چیئرمین بلدیہ جناب عبدالکریم آسکانی، ٹاؤن چیئرمین مورڑو میر بحر علی اکبر، ٹاؤن چیئرمین ماڑی پور محمد ہمایوں خان،اسسٹنٹ کمشنرز ،میونسپل کمشنرز ، قانون نافذ کرنے والے اداروں کے نمائندگان، کے الیکٹرک، واٹر بورڈ، سندھ سالڈ ویسٹ مینجمنٹ اور دیگر متعلقہ محکموں کے افسران نے شرکت کی۔

اجلاس کے دوران محرم الحرام کے ایام میں سیکیورٹی، صفائی ستھرائی، فراہمیِ آب، بجلی اور دیگر بلدیاتی سہولیات کی بلا تعطل فراہمی کو یقینی بنانے کے لیے جامع حکمتِ عملی پر تفصیلی غور کیا گیا۔ اس موقع پر متعلقہ اداروں کے درمیان مؤثر رابطوں اور باہمی تعاون کو مزید مضبوط بنانے پر بھی زور دیا گیا۔

شرکائے اجلاس نے اس عزم کا اظہار کیا کہ عزادارانِ حسینؑ کو ہر ممکن سہولت فراہم کرتے ہوئے محرم الحرام کے تمام انتظامات بہترین اور مؤثر انداز میں مکمل کیے جائیں گے، تاکہ مجالس اور جلوسوں کے انعقاد کے دوران امن و امان، سہولیات اور شہری خدمات کی فراہمی کو یقینی بنایا جائے گا۔

پاکستان پیپلز پارٹی ڈسٹرکٹ کیماڑی کا جنرل باڈی اجلاس صدر ڈسٹرکٹ کیماڑی و رکنِ سندھ اسمبلی جناب لیاقت علی آسکانی کی زیرِ صدارت نیول کالونی الیکشن سیل آفس میں منعقد ہوا۔