Sindh Information Department

وزیراعلیٰ سندھ سید مراد علی شاہ سے صوبائی محتسب اعلیٰ ڈاکٹر سہیل راجپوت کی ملاقات ہوئی، جس میں ڈاکٹر سہیل راجپوت نے وزیراعلیٰ سندھ کو ادارے کی سالانہ کارکردگی رپورٹ پیش کی۔ رپورٹ کے مطابق سندھ محتسب کو 2025 میں 25,217 عوامی شکایات موصول ہوئیں جو گزشتہ برسوں کے مقابلے میں 236 فیصد نمایاں اضافہ ہے۔ ڈاکٹر سہیل راجپوت نے وزیراعلیٰ سندھ کو آگاہ کیا کہ محتسب سندھ نے 2025 میں 8,789 کیسز میں شہریوں کو ریلیف فراہم کیا جبکہ شہریوں کو ادارے کے ذریعے 4.29 ارب روپے کا مالی فائدہ حاصل ہوا۔

اس موقع پر وزیراعلیٰ سندھ سید مراد علی شاہ نے کہا کہ شکایات میں اضافہ عوام کے ادارے پر اعتماد کی علامت ہے۔

وزیراعلیٰ سندھ سید مراد علی شاہ نے عالمی یومِ والدین پر اپنے پیغام میں کہا ہے کہ والدین کی محبت، قربانی اور تربیت مضبوط سماج کی بنیاد ہے۔ بچوں کی بہتر پرورش اور روشن مستقبل میں والدین کا کردار سب سے اہم ہے۔

انہوں نے کہا کہ ماں باپ بچوں کے لیے اپنی خوشیاں قربان کرکے ان کی کامیابی کے لیے جدوجہد کرتے ہیں۔ سندھ حکومت بچوں، والدین اور خاندانوں کی فلاح و بہبود کے لیے مؤثر اقدامات کر رہی ہے۔

سندھ میں پانی کی مسلسل قلت اور ارسا کی جانب سے سندھ کے ساتھ غیر منصفانہ رویے پر سندھ حکومت کا احتجاج

سینئر صوبائی وزیر شرجیل انعام میمن نے کہا ہے کہ 1991 کے واٹر اپورشنمنٹ ایکارڈ کے تحت سندھ کے حقوق کا مکمل تحفظ کیا جانا چاہیے۔ کسی بھی صوبے کو دوسرے صوبے کے حصے پر ترجیح نہیں دی جا سکتی۔

انہوں نے کہا کہ ایک جانب سندھ کے زرعی علاقوں میں پانی کی شدید قلت ہے، دوسری جانب چشمہ جہلم اور تونسہ پنجند لنک کینالز کے ذریعے بڑی مقدار میں پانی منتقل کیا جا رہا ہے۔ وفاقی حکومت سے مطالبہ کرتے ہیں کہ وہ ارسا کے فیصلوں کا فوری نوٹس لے۔

سندھ میں پانی کی مسلسل قلت اور ارسا کی جانب سے سندھ کے ساتھ غیر منصفانہ رویے پر سندھ حکومت کا احتجاج

سینئر صوبائی وزیر شرجیل انعام میمن نے کہا ہے کہ 1991 کے آبی معاہدے کے مطابق سندھ کو اس کا مکمل اور جائز حصہ فراہم کرنے کے لیے وفاق عملی اقدامات کرے۔ پاکستان پیپلز پارٹی اور سندھ حکومت سندھ کے عوام کے آبی حقوق پر کوئی سمجھوتہ نہیں کرے گی۔ ہر آئینی، قانونی اور جمہوری فورم پر سندھ کے حقِ آب کا بھرپور دفاع جاری رکھا جائے گا۔

انہوں نے کہا کہ سندھ کے حصے کے پانی پر کسی قسم کی کٹوتی یا غیر منصفانہ تقسیم پورے صوبے کے مفادات کے خلاف ہے۔ سندھ کے عوام کا مطالبہ ہے کہ ارسا کو اپنے فیصلوں پر نظرثانی کرنا ہوگی۔

سندھ میں پانی کی مسلسل قلت اور ارسا کی جانب سے سندھ کے ساتھ غیر منصفانہ رویے پر سندھ حکومت کا احتجاج

سینئر صوبائی وزیر شرجیل انعام میمن نے کہا ہے کہ کراچی کو پانی کی فراہمی کا انحصار دریائے سندھ پر ہے اور سندھ کے حصے میں مسلسل کمی کا براہِ راست اثر کراچی پر پڑ رہا ہے۔

انہوں نے کہا کہ کراچی پہلے ہی پانی کی طلب اور رسد کے درمیان بڑے فرق کا سامنا کر رہا ہے۔ ارسا سندھ کے جائز اعتراضات کو نظر انداز کرتے ہوئے نام نہاد "شارٹیج ایکولائزیشن" کے نام پر صوبے کا حصہ مزید کم کر رہا ہے، جو ناقابلِ قبول ہے۔

سندھ میں پانی کی مسلسل قلت اور ارسا کی جانب سے سندھ کے ساتھ غیر منصفانہ رویے پر سندھ حکومت کا احتجاج

سینئر صوبائی وزیر شرجیل انعام میمن نے کہا ہے کہ ارسا کا حالیہ طرزِ عمل 1991 کے آبی معاہدے کی خلاف ورزی اور سندھ کے عوام کے ساتھ کھلی ناانصافی ہے۔

انہوں نے کہا کہ سندھ گزشتہ کئی روز سے 22 فیصد پانی کی شدید قلت کا سامنا کر رہا ہے، جبکہ گڈو بیراج پر 42 فیصد اور کوٹری بیراج پر 29 فیصد تک پانی کی کمی ریکارڈ کی گئی ہے۔

انہوں نے مزید کہا کہ سندھ کے حصے کے پانی میں غیر منصفانہ کمی کراچی جیسے معاشی مرکز شہر کے لیے بھی سنگین خطرات پیدا کر رہی ہے۔

سندھ کے سینئر وزیر شرجیل انعام میمن نے ایم کیو ایم پاکستان کی قیادت کی پریس کانفرنس پر ردعمل دیتے ہوئے کہا ہے کہ ایم کیو ایم بے بنیاد الزامات اور پرانی فرسودہ کہانیوں کے سہارے اپنی سیاست زندہ کرنے کی ناکام کوشش کر رہی ہے۔ انہوں نے کہا کہ ایم کیو ایم کی سیاست ہمیشہ نعروں، الزامات اور بحران پیدا کرنے کے گرد گھومتی رہی ہے، آج بھی وہی پرانا طرزِ عمل دہرایا جا رہا ہے۔ انہوں نے مزید کہا کہ صوبائی خودمختاری، آئینی اختیارات اور بلدیاتی نظام کو سب سے زیادہ ایم کیو ایم نے متنازع بنانے کی کوشش کی۔ انہوں نے کہا کہ کراچی میں جاری ترقیاتی منصوبے زمینی حقائق ہیں جنہیں کسی بھی پروپیگنڈے سے جھٹلایا نہیں جا سکتا۔

سندھ کے سینئر وزیر شرجیل انعام میمن نے ایم کیو ایم پاکستان کی قیادت کی پریس کانفرنس پر ردعمل دیتے ہوئے کہا ہے کہ سندھ حکومت نے بلدیاتی اداروں کو نہ صرف اختیارات دیے ہیں بلکہ مالی وسائل اور قانونی معاونت بھی فراہم کی ہے۔ انہوں نے کہا کہ کراچی کسی ایک جماعت کی جاگیر نہیں بلکہ پاکستان کا معاشی مرکز ہے۔ انہوں نے مزید کہا کہ جو عناصر ترقی کے ہر قدم پر تنقید کو اپنا سیاسی ہتھیار بناتے ہیں، وہ دراصل خود اپنے سیاسی زوال کا اعتراف کر رہے ہوتے ہیں۔