https://www.facebook.com/107540074875003/

Haji Aziz Ur Rehman Deshani

Home
Pakistan
Karachi
Haji Aziz Ur Rehman Deshani

Contact information, map and directions, contact form, opening hours, services, ratings, photos, videos and announcements from Haji Aziz Ur Rehman Deshani, 21, Karachi.

• Vice President, JUI Business Forum
• Vice President, JUI District Keamari
• General Secretary,Jamia Haqqania
• Former Joint Secretary, JUI Karachi City
• Former Candidate, JUI PS-112
• Director Aziz Foundation Battagram KPK

19/10/2026

مبارکباد و تہنیت

عالمی مجلس تحفظ ختم نبوت کے مرکزی مجلسِ شوریٰ کے اجلاس میں امیرِ مرکزیہ حضرت اقدس حافظ ناصرالدین خاکوانی دامت برکاتہم نے حضرت مولانا اللہ وسایا صاحب دامت برکاتہم کو نائب امیرِ مرکزیہ نامزد کیا اور ان کی خدمات کو سراہتے ہوئے اپنی دستارِ مبارک ان کے سر پر رکھی۔

اس اہم عہدے اور منصب کے لیے ملکِ پاکستان میں آپ کو اہل قرار دینا اکابرِ امت کے اعتماد کا مظہر اور بروقت اقدام ہے، جسے ہم سراہتے ہیں اور قدر کی نگاہ سے دیکھتے ہیں۔

اللہ تعالیٰ آپ کو مزید عزتوں، رفعتوں اور کامیابیوں سے نوازے، آپ کی دینی و ملی خدمات کو شرفِ قبولیت عطا فرمائے اور تحفظِ ختمِ نبوت ﷺ کے مشن میں آپ کی کاوشوں کو مزید مؤثر بنائے۔

آمین یا رب العالمین

منجانب:
حاجی عزیز الرحمن دیشانی
نائب صدر بزنس فورم، جے یو آئی سندھ

تاریخ: 18 اکتوبر 2026ء

05/09/2026

محترم مولانا امجد خان صاحب کو جمعیت علماء اسلام پنجاب کا امیر منتخب ہونے پر دل کی اتھاہ گہرائیوں سے مبارکباد پیش کرتا ہوں ۔

اور متمنی ہوں کہ ان کی قیادت میں جماعت پنجاب میں عوامی مقبولیت اور طاقت بن کر ابھرے ۔

خیر اندیش : حاجی عزیز الرحمن دیشانی
نائب صدر بزنس فورم جے یو آئی سندھ

04/09/2026

(موت العالم موت العالم )
واعظ امت ، مبلغ اسلام ، محی الدین مولانا عبدالحنان صدیقی صاحب وفات پاگئے ۔

مرحوم نہایت خوش مزاج انسان تھے ہمارے غریب خانے تشریف لائے
بندہ بڑی عقیدت سے ان کے ایمان افروز بیانات سنتا رہا ہے ۔

یقینا درد دل رکھنے والے اور غم خوار امت تھے
اللہ تعالیٰ ہم سب کو صبر جمیل نصیب فرمائے
آمین

30/08/2026

افسوسناک خبر —— انا للہ وانا الیہ راجعون
اللہ تعالیٰ مرحوم کی کامل مغفرت فرمائے لواحقین کو صبر جمیل نصیب فرمائے
آمین

29/08/2026

🌿 محبت، خلوص اور اہلِ علم کی آمد 🌿

نامور عالمِ دین، مجاہدِ اسلام قاری محمد ادریس حقانی صاحب کی قیوم خان کورونہ، بٹلے بالا آمد ہوئی۔ اس موقع پر بشیر اللہ خان دیشانی صاحب بھی ان کے ہمراہ موجود تھے۔

معزز مہمان نے بیت العزیز کی تعمیرات کا خصوصی وزٹ کیا، اس موقع پر مبارکباد پیش کی اور اس دینی و معاشرتی مرکز کی تعمیر و ترقی کے لیے اپنی نیک تمناؤں اور دعاؤں کا اظہار فرمایا۔

اہلِ علم وفضل کی ایسی آمد، باہمی محبت، خلوص اور تعلقات ہمارے لیے باعثِ مسرت واطمینان ہیں۔ ہم اس گٹھ جوڑ، باہمی اعتماد اور محبت و اخلاص کے رشتے کو نہایت قدر کی نگاہ سے دیکھتے ہیں اور دعا گو ہیں کہ اللہ تعالیٰ اس محبت کو ہمیشہ قائم و دائم رکھے، اسے خیر و برکت کا ذریعہ بنائے اور ہر نیک مقصد میں کامیابی عطا فرمائے۔

ربِ کریم شریروں کے شر سے، حاسدین کے حسد سے اور ہر آزمائش وفتنے سے اپنی حفظ وامان میں رکھے، اور اس محبت و اخلاص کو اپنی رضا کا ذریعہ بنائے۔

آمین یا رب العالمین 🤲

ہیش ٹیگز

#دعائیں

28/08/2026

از زبان: حضرت مولانا جمیل الرحمٰن درخواستی صاحب
ممبر مرکزی مجلس شوریٰ جمعیت علماء اسلام پاکستان

باقلم: مرغوب الرحمن درخواستی

28اگست-- یوم وفات

حافظ القرآن والحدیث باباجان حضرت مولانا محمد عبداللہ درخواستی رحمۃ اللہ علیہ

28 اگست کا دن ہمارے لیے ایک ایسی یاد لے کر آتا ہے جسے الفاظ میں بیان کرنا آسان نہیں۔ یہی وہ دن ہے جب ہمارے باباجان، حافظ القرآن والحدیث حضرت مولانا محمد عبداللہ درخواستی رحمۃ اللہ علیہ اس دنیا سے رخصت ہوئے۔ باباجان کی شخصیت کسی تعارف کی محتاج نہیں ہے۔ علم و فضل، زہد و تقویٰ، روحانیت، دینی بصیرت اور ملی خدمات کے اعتبار سے وہ اپنے دور کی ایک منفرد شخصیت تھے۔

باباجان 1962ء سے 1994ء تک تاحیات جمعیت علماء اسلام پاکستان کے مرکزی امیر رہے۔ 1962ء میں امام الاولیاء حضرت مولانا احمد علی لاہوری رحمۃ اللہ علیہ کے وصال کے بعد جب جمعیت علماء اسلام کی مرکزی مجلسِ شوریٰ کا اجلاس منعقد ہوا اور یہ سوال سامنے آیا کہ اب جمعیت کا امیر کس کو بنایا جائے، تو محدثِ عصر حضرت مولانا محمد یوسف بنوری رحمۃ اللہ علیہ نے فرمایا کہ امیر ایسی شخصیت کو ہونا چاہیے جو علم میں حضرت لاہوریؒ کی مثل ہو، تفسیر میں ان کے پایۂ کمال کی حامل ہو اور زہد و تقویٰ میں بھی ان کے مقام کی حامل ہو۔

پھر حضرت بنوری رحمۃ اللہ علیہ نے خود ہی فرمایا:

"یہ تمام کمالات مجھے حضرت درخواستی کے علاوہ کسی اور میں نظر نہیں آتے۔"

باباجان اس اجلاس میں موجود بھی نہیں تھے، لیکن ان کی غیر موجودگی میں تمام علماءِ کرام نے متفقہ طور پر انہیں جمعیت علماء اسلام پاکستان کا مرکزی امیر منتخب کیا۔

باباجان اکثر فرمایا کرتے تھے:

"کَبَّرَنی موتُ الکُبَراء"

یعنی "مجھے بڑوں کی موت نے بڑا بنا دیا۔

حضرت مولانا احمد علی لاہوری رحمۃ اللہ علیہ سے باباجان کو خصوصی تعلق اور محبت تھی۔ حضرت لاہوریؒ کے وصال کے موقع پر باباجان نے ان کی نمازِ جنازہ پڑھائی اور خود انہیں قبر میں اتارا۔ یہ ہمارے خاندان کے لیے ایک عظیم نسبت اور سعادت ہے۔ حضرت لاہوری رحمۃ اللہ علیہ کی قبرِ مبارک سے خوشبو آنے کا واقعہ بھی اہلِ عقیدت کے لیے ان کی روحانی عظمت اور مقبولیت کی ایک روشن نشانی سمجھا جاتا ہے۔

اسی طرح غازی عبد الرشید شہید رحمۃ اللہ علیہ کی قبرِ مبارک سے خوشبو آنے کا واقعہ بھی اہلِ ایمان کے لیے ان کی شہادت، اخلاص اور اللہ تعالیٰ کے ہاں قبولیت کی ایک روحانی علامت سمجھا جاتا ہے۔ اس خوشبو کو خود فقیر نے 2007ء میں سونگھا۔ یہ واقعہ بھی ہمارے لیے غازی عبد الرشید شہید کی عظیم شہادت اور اللہ تعالیٰ کے ہاں ان کی مقبولیت کی ایک یادگار نشانی ہے۔

حضرت مفتی محمد حسن صاحب دامت برکاتہم فرمایا کرتے ہیں:

"ہمارے اکابر تو وہ ہیں جن کا جنتی ہونا اللہ تعالیٰ نے دنیا ہی میں دکھایا ہے۔"

باباجان کی دنیا سے بے نیازی

باباجان کی زندگی میں ایسے بے شمار واقعات ملتے ہیں جو ان کے زہد، تقویٰ اور دنیا سے بے رغبتی کی گواہی دیتے ہیں۔

جنرل ضیاء الحق مرحوم کے مارشل لاء کا دور تھا۔ جنرل صاحب علماء و صلحاء سے دلی محبت و عقیدت رکھتے تھے۔ تقریباً اسی کی دہائی کا واقعہ ہے کہ انہوں نے بہاولپور کے ہائی کمشنر اور ڈپٹی کمشنر رحیم یار خان کو باباجان کی خدمت میں بھیجا۔ ان کے ساتھ دو کروڑ روپے کا چیک بھی تھا۔

جنرل صاحب نے پیغام بھیجا کہ حضرت کی خدمت میں میرا سلام عرض کرنا اور یہ چیک بھی پیش کرنا، اور کہنا کہ یہ رقم آپ کی ذاتی ضروریات کے لیے ہے۔

چنانچہ افسران خان پور پہنچے۔ کمشنر صاحب کو یہ امید بھی تھی کہ چونکہ وہ باباجان سے عقیدت رکھتے ہیں اور ہر جمعہ ان کی اقتدا میں نماز ادا کرتے ہیں، اس لیے شاید حضرت ان کے ہاتھ سے چیک قبول فرما لیں گے۔

ملاقات ہوئی، چیک پیش کیا گیا اور جنرل صاحب کا پیغام پیش کیا گیا۔ باباجان نے جب یہ بات سنی تو ناراض ہوئے اور فرمایا:

"کمشنر! تم ہمارے پاس اس لیے آتے ہو؟"

پھر فرمایا:

"مجھے ان پیسوں کی ضرورت نہیں اور نہ میں ان پیسوں کا مستحق ہوں۔ یہ بیت المال کے پیسے ہیں۔ ان پر غرباء، مساکین اور فقراء کا حق ہے۔ آپ ان پیسوں کو ان لوگوں پر خرچ کریں تو بہتر ہوگا۔"

یہ باباجان کا مزاج تھا۔ دنیا ان کے قدموں میں آتی تھی، مگر وہ دنیا کے پیچھے نہیں جاتے تھے۔ ان کے نزدیک اللہ تعالیٰ کی رضا اور دین کی خدمت ہی اصل دولت تھی۔

"عبداللہ تو کچھ بھی نہیں، عبداللہ کو تو شیخ کی دستار اڑائے پھرتی ہے"

باباجان اپنی تقریروں میں اکثر فرمایا کرتے تھے:

"مجھے جو کچھ ملا ہے، دین پور شریف سے ملا ہے۔ عبداللہ تو کچھ بھی نہیں، عبداللہ کو تو شیخ کی دستار اڑائے پھرتی ہے۔"

اس ایک جملے میں باباجان کی پوری زندگی کی نسبت اور اپنے شیخ سے محبت پوشیدہ تھی۔

اس کے پیچھے بھی ایک نہایت خوبصورت واقعہ ہے۔

جب باباجان دورۂ حدیث شریف سے فارغ التحصیل ہوئے اور دستاربندی کی مجلس منعقد ہوئی تو جب ان کی دستاربندی کی باری آئی تو شیخ المشائخ، قطب الاقطاب، جنیدِ وقت حضرت خلیفہ غلام محمد دینپوری رحمۃ اللہ علیہ نے اپنی دستارِ مبارک اتار کر باباجان کی دستاربندی فرمائی۔

مجلس میں موجود لوگوں نے جب یہ منظر دیکھا تو باباجان کی قسمت پر "ہائے ہائے، واہ واہ" کرنے لگے اور اس سعادت کو ان کے لیے بہت بڑا اعزاز سمجھا۔

باباجان ساری عمر اس نسبت کو اپنے لیے سب سے بڑا سرمایہ سمجھتے رہے۔ وہ اپنی ذات کی تعریف کے بجائے اپنے شیخ کا ذکر کرتے اور فرماتے کہ عبداللہ کو جو کچھ ملا، دین پور شریف سے ملا۔

جمعیت علماء اسلام اور ختمِ نبوت سے محبت

باباجان کو جمعیت علماء اسلام اور تحفظِ ختمِ نبوت کے کام سے بے انتہا محبت تھی۔ ان کی تقریروں کا ایک مستقل رنگ یہ تھا کہ وہ بالخصوص طلبہ اور فضلاءِ کرام کو دین کے ان دونوں شعبوں کے لیے تیار کرتے۔

اپنی تقریر کے اختتام پر اکثر طلبہ اور علماء سے عہد لیتے اور فرماتے:

"حلف دو کہ ختمِ نبوت کا کام کرو گے!"

پھر فرماتے:

"حلف دو کہ جمعیت علماء اسلام کا کام کرو گے!"

یہ صرف الفاظ نہیں تھے بلکہ باباجان کی زندگی کا مشن تھا۔ وہ چاہتے تھے کہ آنے والی نسلیں دین، ختمِ نبوت اور ملت کی خدمت کے لیے تیار ہوں اور ان کے بعد بھی یہ قافلہ چلتا رہے۔

آج 28 اگست کو اپنے باباجان کی یاد میں یہ چند باتیں اپنے بیٹے مولانا مرغوب الرحمن درخواستی کے اصرار پر قلم بند کرا رہا ہوں۔

باباجان کی زندگی کے واقعات، نسبتوں اور دینی خدمات سے اس قدر بھرے ہوئے ہیں کہ چند صفحات میں ان کا احاطہ ممکن نہیں۔ اگر اللہ عزوجل نے توفیق دی تو ان کی زندگی کے مزید واقعات اور یادیں بھی گاہے بگاہے قلم بند ہوتی رہیں گی۔

باباجان کا وصال بروز اتوار، 28 اگست 1994ء، فجر کی نماز کے بعد ہوا۔ آج برسوں گزر جانے کے باوجود ان کی یاد ہمارے دلوں میں زندہ ہے۔ وہ دنیا سے رخصت ہوگئے، لیکن ان کی علمی و دینی خدمات، ان کی نسبتیں، ان کی دعائیں اور ان کی تربیت آج بھی ہمارے لیے سرمایہ ہیں۔

اللہ سبحانہٗ وتعالیٰ باباجان کی قبرِ مبارک پر اپنی رحمتوں کا نزول فرمائے، ان کے درجاتِ عالیہ بلند فرمائے، ان کی تمام دینی، علمی، ملی اور روحانی خدمات کو شرفِ قبول عطا فرمائے، اور ہمیں اپنے اکابر کی محبت، ان کی نسبت اور ان کے مشن کو آگے بڑھانے کی توفیق عطا فرمائے۔

آمین بجاہ سید المرسلین صلی اللّٰہ علیہ و سلم۔ 🤲

از زبان: حضرت مولانا جمیل الرحمٰن درخواستی صاحب ممبر مرکزی مجلس شوریٰ جمعیت علمائے اسلام پاکستان

باقلم: مرغوب الرحمن درخواستی

Address

21
Karachi

Telephone

+923162837141

Website

facebook.com

Alerts

Be the first to know and let us send you an email when Haji Aziz Ur Rehman Deshani posts news and promotions. Your email address will not be used for any other purpose, and you can unsubscribe at any time.