Al Falah Residence Welfare Association

السلام علیکم

آج بروز اتوار، 17 مئی 2026،
رفاہِ عام سوسائٹی کے دفتر میں رفاہِ عام سوسائٹی کے ممبران، الفلاح ایسوسی ایشن اور وائس آف الفلاح کی ٹیم کے درمیان ایک مشترکہ اجلاس منعقد ہوا، جو نہایت خوشگوار ماحول میں اختتام پذیر ہوا۔

اجلاس میں علاقہ کی موجودہ صورتحال اور آئندہ کے لائحہ عمل پر تفصیلی تبادلۂ خیال کیا گیا۔ تمام شرکاء نے اس بات پر اتفاق کیا کہ علاقے کے اہم مسائل کے حل کے لیے باہمی مشاورت اور اتحاد کے ساتھ مل کر کام کیا جائے گا، اور ان شاء اللہ ہر اہم معاملے میں ایک دوسرے کے شانہ بشانہ کھڑے رہیں گے۔

اس موقع پر سب سے اہم مسئلہ KMC اور واٹر بورڈ کی جانب سے ماڈل کالونی کی سیوریج لائن کے مجوزہ ڈائیورژن کا زیرِ بحث آیا، جس کی اجلاس میں شدید الفاظ میں مذمت اور بائیکاٹ کیا گیا۔

اجلاس کے شرکاء نے واضح کیا کہ کسی بھی ادارے یا تنظیم کو یہ اجازت نہیں دی جائے گی کہ وہ اپنی مرضی سے کوئی ایسی پلاننگ کرے جس سے ہمارے علاقے کے انفراسٹرکچر، ماحول اور رہائشی نظام کو نقصان پہنچے یا متاثر کیا جائے۔
شکریہ

آپ تمام کو ذوالحجہ کا چاند🌙 مبارک ہو❤️

ﻟَﺒَّﯿْﮏ ﺍَﻟّٰﮭُﻢَ ﻟَﺒَّﯿْﮏ ﻟَﺒَّﯿْﮏ ﻻَﺷَﺮِﯾْﮏَ ﻟَﮏَ ﻟَﺒَّﯿْﮏَ
ﺍِﻥَ ﺍﻟْﺤَﻤْﺪَ ﻭَﺍﻟﻨِﻌْﻤَۃَ ﻟَﮏَ ﻭَﺍﻟْﻤُﻠْﮏ ﻟَﺎ ﺷَﺮِﯾْﮏَ ﻟَ

یااللہ عزوجل ہم سب کو اگلے سال حج کی سعادت نصیب فرما آمین🤲
یا رب العالمین اِس ماہ مبارک کی رحمتیں برکتیں ہم سب پر نازل فرما
آمین ثم آمین یا رب العالمین 🤲

السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ

الْحَمْدُ لِلّٰهِ رَبِّ الْعَالَمِينَ

" مورخہ: 04 مئی 2026

ٹاؤن میونسپل کارپوریشن (TMC) ماڈل ٹاؤن کی جانب سے ٹاؤن فنڈ کے تحت آئندہ شروع کیے جانے والے 1000 نئی سڑکوں کے منصوبے کے ٹینڈرز کی الاٹمنٹ اور اعلان کے سلسلے میں ایک باوقار تقریب کا انعقاد کیا گیا۔ اس موقع پر امیر جماعتِ اسلامی کراچی، جناب منعم ظفر خان نے منصوبے کی تفصیلات اور آئندہ لائحۂ عمل سے آگاہ کیا۔

تقریب میں الفلاح ریزیڈنٹس ویلفیئر ایسوسی ایشن کی نمائندگی کرتے ہوئے صدر جناب امین شیخ اور نائب صدر جناب اظہر شیخ نے کونسلر انجینئر اظہر جاوید کی دعوت پر شرکت کی۔

تقریب کے اختتام پر امیر ضلع ایئرپورٹ جناب محمد اشرف، یوسی چیئرمین جناب احسن ضمیر اور کونسلر انجینئر اظہر جاوید کے ساتھ تفصیلی ملاقات ہوئی، جس میں باہمی دلچسپی کے امور اور بالخصوص الفلاح کے ترقیاتی منصوبوں پر تبادلۂ خیال کیا گیا۔

اس موقع پر اس بات پر اتفاق کیا گیا کہ جلد ہی ایسوسی ایشن اور متعلقہ حکام کے درمیان ایک باضابطہ اجلاس منعقد کیا جائے گا، جس میں الفلاح کے لیے مختص ترقیاتی کاموں، الاٹمنٹس اور ترجیحات کے حوالے سے جامع تفصیلات فراہم کی جائیں گی۔"

والسّلام

منجانب
رابطہ سیکٹری
ذیشان احمد ماموجی
الفلاح ریزیڈنس ویلفیئر ایسوسی ایشن

السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ

الْحَمْدُ لِلّٰهِ رَبِّ الْعَالَمِينَ

مورخہ 3 مئی 2026

ایم این اے (MNA) این اے 232 محترمہ آسیہ اسحاق صاحبہ کی جانب سے ایک پروقار عید ملن پارٹی کا انعقاد کیا گیا۔ اس تقریب میں سی او سی (COC) ممبر مبشر بھائی اور سیکٹر انچارج عمران پرویز بھائی کی خصوصی دعوت پر الفلاح ریزیڈنس ویلفیئر ایسوسی ایشن کے وفد نے شرکت کی۔

ملاقات کے دوران وفد نے ایم این اے صاحبہ اور دیگر ذمہ داران سے تبادلہ خیال کیا۔ اس موقع پر وفد کی جانب سے علاقے کی سڑکوں اور گلیوں کی تعمیرِ نو کے حوالے سے یاد دہانی کروائی گئی اور اس اہم مسئلے پر توجہ مبذول کرائی گئی۔ مزید برآں، ان مسائل پر تفصیلی گفتگو کرنے کے لیے جلد ایک باقاعدہ ملاقات کی درخواست بھی کی گئی ہے تاکہ علاقے کے ترقیاتی کاموں کو ترجیحی بنیادوں پر مکمل کیا جا سکے۔

والسّلام

منجانب:
ذیشان احمد ماموجی
رابطہ سیکرٹری
الفلاح ریزیڈنس ویلفیئر ایسوسی ایشن

السَّلَامُ عَلَيْكُمْ وَرَحْمَةُ اللَّهِ وَبَرَكَاتُهُ

الْحَمْدُ لِلّٰهِ رَبِّ الْعَالَمِينَ

جیسا کہ سب کے علم میں ہے کہ الفلاح سی ڈی کا روڈ (ایم کیو ایم پاکستان) کے ایم این اے فنڈز سے تعمیر کیا جا رہا ہے۔ اس سلسلے میں چند اعتراضات سامنے آئے تھے، جن کے حوالے سے ایک درخواست بھی جمع کروائی گئی تھی۔

ایسوسی ایشن کی جانب سے معزز ایم این اے محترمہ آسیہ اسحاق باجی، مرکزی اراکین بہادر آباد اور سیکٹر کمیٹی (ایم کیو ایم پاکستان) سے گزارش کی گئی تھی کہ الفلاح روڈ کی تعمیر و مرمت کا کام معیاری انداز میں مکمل کیا جائے۔ خصوصاً پرانی سڑک کے اسکریپ کو مکمل طور پر ختم (ڈسمینٹل) کر کے مناسب طریقے سے کمپیکشن کی جائے اور اس کے بعد نیا ٹف پیور روڈ تعمیر کیا جائے۔

یہ مؤقف اس بنیاد پر اختیار کیا گیا کہ اگر پرانی سڑک کے اوپر ہی کام کیا گیا تو بارش کا پانی گلیوں میں جمع ہونے کا خدشہ ہے، گھروں کی سطح نسبتاً نیچی ہو سکتی ہے، اور اس کے نتیجے میں سوسائٹی کی مجموعی قدر و قیمت متاثر ہونے کا اندیشہ ہے۔

اس ضمن میں ایم این اے کے کوآرڈینیٹر، اشعر بھائی نے گزشتہ روز کمیٹی سے رابطہ کیا۔ آج اشعر بھائی، متعلقہ انجینئر اور ٹاؤن کے جوائنٹ انچارج (بلدیاتی کمیٹی) آصف صدیقی بھائی نے کمیٹی ممبران سے ملاقات کی اور الفلاح روڈ کا دورہ بھی کیا۔

ان شاء اللہ، اشعر بھائی نے یقین دہانی کروائی ہے کہ عید کے بعد تعمیراتی کام کا باقاعدہ آغاز کر دیا جائے گا، اور معیار، اسکریپ کی مکمل صفائی اور کمپیکشن کے معاملات میں تسلی بخش اور معیاری کام کو یقینی بنایا جائے گا تاکہ کسی بھی علاقہ مکین کو شکایت کا موقع نہ ملے۔

والسّلام

منجانب
الفلاح ریزیڈنس ویلفیئر ایسوسی ایشن