منشیات ایکشن کمیٹی ابراہیم حیدری

شرم کرو حیا کرو ہمارے بچوں پر رحم کرو !

تھانہ ابراہیم حیدری کی حدود میں شراب سرعام بک رہا ہے ابراہیم حیدری میں 12سے 14 سال کے چھوٹے بچے شراب پی رہے ہیں، شراب کی جتنی خرید و فروخت وائین شاپ پر نہیں ہوتی، اس سے زیادہ ابراہیم حیدری میں ہورہی ہے۔ کم سے کم 25 سے 30 کاٹن شراب روزانہ کی سیل ہورہی ہے۔ خفیہ جگہوں پر۔۔۔ !!
ہم ہاتھ جوڑ کر اپیل کرتے ہیں تھانہ ابراہیم حیدری SHO فہد حسن صاحب، DSP سخن شوکت تنولی صاحب ، SSP کاشف آفتاب عباسی صاحب
اور ابراہیم حیدری کے سیاسی اور سماجی لوگوں سے، یہ شراب کی خرید و فروخت بند کروائی جائے، ہم آپ لوگوں کے بہت بہت شکر گزار رہیں گے ۔

شکریہ
ابراہیم حیدری کی باشعور عوام 🙏🙏

ملیر کے علاقے ابراہیم حیدری میں ویسے تو کوئی روک ٹھوک نہیں ہے منشیات ، شراب کھلے عام ڈنکے کی چوٹ پر چل رہا ہے سب دیکھ رہے ہیں قانون نافذ کرنے والے ادارے ، انتظامیہ سب خاموش ہیں۔ لیکن اگر بند کرنے کا اور خاتمہ کرنے کا زور ہے تو صرف گٹکے پر ، علاقہ پولیس اگر چھاپہ مارنے آتی ہے چاہے رات ہو یا دن میں ، گھروں میں اگر گٹکا بیچنے والے مرد موجود نہیں ہوں تو پولیس خواتین کے ساتھ بہت ہی بدتمیزی ، گندی زبان اور مارپیٹ و تشدد کرنے پر اتر آتی ہے کیا خواتین کی کوئی عزت و نفس نہیں ہے کیا ان کالی وردیوں میں ملبوث اہلکاروں کو اتنی چڑھان دے رکھی ہے کہ کسی کی بھی ماں ، بہن ، بیوی کے ساتھ یہ اپنی من مانی کرتے پھریں گے ، کیا ان کالی بھیڑوں کو لگام ڈالنے والا کوئی اعلیٰ افسر موجود نہیں ہے یا انہیں اتنی شے دے رکھی ہے کہ کسی کے بھی گھر میں گھس کر خواتین ، بچیوں ، بچوں کے ساتھ یہ نارواہ سلوک سے پیش آئیں گے ۔ گٹکے کے نام پر ان کالی وردی والوں نے کتنے کے گھروں کو لوٹا ہے ان کے گھر کا سامان ، پیسے ، زیور وغیرہ سب تلاشی کے بہانے لے جاتے ہیں ، کہیں کہیں تو ان کے ساتھ خواتین پولیس بھی ساتھ نہیں ہوتی ہے۔ ان کی اس طرح کی بدمعاشیوں کو کون لگام ڈالے گا ، کون معصوم ماں ، بیٹیوں ، بچیوں کے تحفظ کا ظامن ہوگا ؟؟

ذرا نہیں ، بہت کچھ سوچیئے !!!!

آئس ، ہیروئن ، چرس وغیرہ تو ابراہیم حیدری میں عام ہے ہی ہے
لیکن آج کچھ بات کرلی جائے شراب کی ، تو شراب بھی ابراہیم حیدری میں روزانہ کی بنیاد پر کافی زیادہ تعداد میں بیچی جارہی ہے کچھ لوگ اپنا روز کا شوق پورا کرنے کیلئے قریبی اسٹورز سے لیکر آتے ہیں تو کچھ کو ابراہیم حیدری میں ہی با آسانی مل جاتا ہے ۔ موٹرسائیکلوں پر سوار ہندو کمیونٹی کے لڑکے جگہ جگہ شراب ایک فون کال پر ہی پہنچاکر دیتے ہیں ۔ ابراہیم حیدری میں کافی وقت سے شراب کا استعمال عام ہے اور اب یہ عالم ہے کہ بچہ بچہ شراب استعمال کررہا ہے چاہے شادی بیاہ ہو یا عید وغیرہ ، شراب کا استعمال کافی مشہور ہے ۔ یہاں پر شراب بیچنے کے مختلف طریقے استعمال کیئے جاتے ہیں ، کسی ہندو کمیونٹی کے بندے نے اپنی دکان پر رکھا ہوا ہے کسی دوسرے سامان کے ساتھ ، تو کسی نے موٹرسائیکل پر پھیری جاری رکھی ہوئی ہے ۔ قانون نافذ کرنے والے ادارے اور انتظامیہ اس مسئلے پر کافی خاموش نظر آتی ہے ۔ اگر کسی نے شکایت کر بھی دی تو ہوتا کچھ نہیں ہے ، چند گھنٹے بعد شراب بیچنے والا آزاد ہوکر آپ کو باہر گھومتا پھرتا نظر آئے گا ۔
ابھی چند مہینے قبل ابراہیم حیدری کے علاقے جبل پاڑہ عمر کالونی روڈ پر ایک ہندو کمیونٹی کے بندے نے چائے پتی وغیرہ کی دکان کھولی ہے اس دکان کے کھولنے کا مقصد تو کچھ اور ہی ہے ، ہاں اس دکان کو شراب رکھنے کیلئے گودام کے طور پر استعمال کیا جارہا ہے ، اہل علاقہ شاید ابھی اس بات سے واقف نہیں ہیں یا پینے کے شوقین حضرات کیلئے ایک قسم کا پکا ٹھیا بنا ہوا ہے جہاں سے با آسانی شراب مل جاتی ہے ۔

چرس ، ہیروئن ، آئس ، شراب و دیگر نشاء آور چیزیں انسانی جانیں تباہ کرنے میں سب سے آگے ، قانون ہرجگہ سے غائب !!

ابراہیم حیدری میں منشیات کافی زیادہ استعمال کی جارہی ہے قانون نافذ کرنے والے ادارے خاموش ہیں کیوں ؟

ملیر کے علاقے ریڑھی گوٹھ میں شیطان چوک پر منشیات فروشوں نے مقامی لوگوں کا جینا دوبر کردیا ہے ، تھانہ سکھن کی پولیس بلکل خاموش ہے کسی بھی قسم کا کوئی ایکشن نہیں لے رہی ہے اس سے قبل بھی اس طرح کے واقعات رونماء ہوچکے ہیں علاقہ مکین کافی پریشان ہیں اور غم و غصے کا اظہار کرتے ہیں ۔ علاقے میں امن و امان کیلئے آئی جی سندھ سے اپیل کرتے ہیں ۔