02/10/2026
انصاف اسٹوڈنٹس فیڈریشن ضلع کرک ۔
آج خوشحال خان خٹک یونیورسٹی، کرک میں ایک گرینڈ میٹنگ کا انعقاد کیا گیا۔
صوبائی صدر مشرف آفریدی اور جنرل سیکرٹری اظہر خان کی ہدایات و رہنمائی میں، ضلعی صدر وسیم خٹک اور جنرل سیکرٹری حامد حان کی زیرِ نگرانی یہ اہم میٹنگ منعقد ہوئی۔
سینئر وائس پریزیڈنٹ خیبر پختونخوا ثناء اللہ شاہ نے خصوصی شرکت کرکے طلبہ کی حوصلہ افزائی کی اور میٹنگ کو چار چاند لگا دیے۔
میٹنگ میں انصاف اسٹوڈنٹس فیڈریشن کے کثیر تعداد میں ممبران نے شرکت کو یقینی بنایا۔
لانگ مارچ کے حوالے سے انصاف اسٹوڈنٹس فیڈریشن ضلع کرک ان شاء اللہ پہلے بھی تیار تھی، آج بھی تیار ہے اور آئندہ بھی تیار رہے گی۔ جیسے ہی مشران کی جانب سے ہدایات اور سمت دی جائے گی، اس پر عمل کرتے ہوئے لانگ مارچ میں شرکت کو یقینی بنایا جائے گا۔
میٹنگ میں انصاف اسٹوڈنٹس فیڈریشن کے تمام ممبران نے اس عزم کا اظہار کیا کہ ان شاء اللہ ہر صورت اپنے قائد کے ساتھ شانہ بشانہ کھڑے رہیں گے۔
آخر میں انصاف اسٹوڈنٹس فیڈریشن کے تمام ممبران نے یہ مطالبہ بھی کیا کہ انصاف اسٹوڈنٹس فیڈریشن کے جن کارکنان کو مبینہ طور پر غیر قانونی طور پر گرفتار یا حراست میں لیا گیا ہے، انہیں فوری طور پر رہا کیا جائے۔
میڈیا سیل
انصاف اسٹوڈنٹس فیڈریشن، ضلع کرک.
