Khipro - The Capital Of White Desert

وسي پئي ديس جي دل تي وڏي برسات ترسي پئو ،
ميهوڳيء جا مزا ماڻيون، تڪڙ ڇڏ رات ترسي پئو ،

لهي هن ڳوٺ لاڙيء جي لبن تي اڄ چميون چٽيون ،
ڀنيء ۾ ڀاڳ جي ڪريون ڀلاري بات ترسي پئو ،

وڻن مان واس پيو وکري ،ڳليون سڀ ڳيت ڳائن ٿيون ،
خوشيء جي خوبصورت ڏي کلي خيرات ترسي پئو ،

رسيلا راڳ راهن جي رلين ۾ ويڙھجن پيارا ،
وڇوٽيء کي وڍي وجهندي ڏکاري ڏات ترسي پئو ،

لڄاري ڀاڳ جا ڀاڪر ،محبت جو محل بنجن ،
حقيقت جي هندوري ۾ لڏي ٿي لات ترسي پئو ،

پرين سرهاڻ جي چپ کي چمن ٿا مرڪ جا پوپٽ ،
تنبورو ٿي وڳي تن ۾ تڏھن آ تات ترسي پئو ،

سموري سنڌ ڪينجهر جي ڪنارن جي جواني آ،
ڪنول وانگي نچي جهومي پئي پرڀات ترسي پئو ،

وچيئنء ويلي وڃڻ واري ،تياريء کي تڙي ڇڏ تون ،
سنجهي جي سحر ۾ سڏڪڻ لڳي ٿي لات ترسي پئو ،

قرارن جا قصا دل جي ڪنڌيء تي ٿي ڪڪر برسن ،
عذابن کي اڳيان تنهنجي ملي پئي مات ترسي پئو ،

ملهاري مند ۾ ،،محبوب ،، مرڪن جي رکون مهيندي ،
وڇوڙن جي وجودن کي سٽي سڪرات ترسي پئو
ميهوڳيء جا مزا ماڻيون تڪڙ ڇڏ رات ترسي پئو ،،،،
❤️

Thar, Rajasthan India ❤️

Achro thar the place where you feels like heaven❤️
♥️