Deputy Commissioner Khushab

ڈپٹی کمشنر خوشاب ڈاکٹر جہانزیب حسین لابر نے ڈی پی او خوشاب کے ہمراہ محرم الحرام کے سلسلے میں سیکیورٹی اور انتظامی انتظامات کا جائزہ لینے کے لیے غریب کالونی اور راجہ چوک جوہرآباد میں جلوسوں کے روٹس کا دورہ کیا۔
دورے کے دوران جلوسوں کے روٹس، سیکیورٹی انتظامات، ٹریفک مینجمنٹ، صفائی ستھرائی، روشنی کے انتظامات اور دیگر ضروری سہولیات کا تفصیلی معائنہ کیا گیا۔ متعلقہ افسران نے محرم الحرام کے حوالے سے کیے گئے انتظامات پر بریفنگ بھی دی۔
ڈپٹی کمشنر خوشاب اور ڈی پی او خوشاب نے ہدایت کی کہ محرم الحرام کے دوران امن و امان کے قیام، عزاداران کو بہترین سہولیات کی فراہمی اور جلوسوں کی پرامن گزرگاہ کو یقینی بنانے کے لیے تمام انتظامات بروقت مکمل کیے جائیں۔ انہوں نے کہا کہ ضلعی انتظامیہ اور پولیس عوام کے جان و مال کے تحفظ اور مذہبی ہم آہنگی کے فروغ کے لیے بھرپور اقدامات کر رہی ہیں۔

ڈپٹی کمشنر خوشاب ڈاکٹر جہانزیب حسین لابر اور رکن صوبائی اسمبلی ملک آصف بھا کو پنجاب ڈویلپمنٹ پروگرام (PDP) کی ٹیم کی جانب سے ضلع بھر میں جاری ترقیاتی منصوبوں اور اسکیموں پر ہونے والی پیش رفت کے حوالے سے تفصیلی بریفنگ دی گئی۔
اس موقع پر PDP ٹیم نے مختلف ترقیاتی منصوبوں کی موجودہ صورتحال، تکمیل کے مراحل اور آئندہ کے لائحہ عمل سے آگاہ کیا۔ ڈپٹی کمشنر خوشاب اور ایم پی اے ملک آصف بھا نے جاری منصوبوں کی رفتار اور معیار کا جائزہ لیتے ہوئے متعلقہ افسران کو ہدایت کی کہ تمام ترقیاتی سکیموں کو مقررہ مدت کے اندر اعلیٰ معیار کے مطابق مکمل کیا جائے تاکہ عوام کو ان کے ثمرات جلد از جلد میسر آ سکیں۔
انہوں نے اس عزم کا اظہار کیا کہ ضلع خوشاب میں عوامی فلاح و بہبود اور بنیادی سہولیات کی فراہمی کے لیے جاری ترقیاتی منصوبوں کی مسلسل نگرانی کو یقینی بنایا جائے گا۔

پبلک سروس میسج

ڈپٹی کمشنر خوشاب ڈاکٹر جہانزیب حسین لابر نے منگور روڈ پر پنجاب ڈویلپمنٹ پروگرام کے تحت تعمیر کیے جانے والے کیورنگ کمپاؤنڈ کا دورہ کیا اور جاری ترقیاتی کاموں کا تفصیلی جائزہ لیا۔ اس موقع پر متعلقہ افسران نے منصوبے کی پیش رفت، معیارِ تعمیر اور تکمیل کے مختلف مراحل بارے بریفنگ دی۔ پنجاب ڈویلپمنٹ پروگرام کے تحت مختلف ترقیاتی منصوبوں پر کام جاری ہے تاکہ شہریوں کو بہتر بنیادی سہولیات فراہم کی جا سکیں۔
ڈپٹی کمشنر نے موقع پر موجود افسران کو ہدایت کی کہ تعمیراتی کام مقررہ مدت میں مکمل کیے جائیں اور معیار پر کسی قسم کا سمجھوتہ نہ کیا جائے۔ انہوں نے کہا کہ عوامی فلاح و بہبود کے منصوبوں کی موثر نگرانی اور بروقت تکمیل ضلعی انتظامیہ کی اولین ترجیحات میں شامل ہے۔

ڈپٹی کمشنر خوشاب ڈاکٹر جہانزیب حُسین لابر سے ممبر قومی اسمبلی ملک شاکر بشیر اعوان نے ملاقات کی اس دوران وزیر اعلی پنجاب مریم نواز شریف کی جانب سے خوشاب کی عوام کے لیے دی گئی گرین الیکٹرک بسسز اور پنجاب ڈویلپمنٹ پروگرام کے تحت جاری ترقیاتی کاموں بارے تفصیلی گفتگو کی گئی ۔

افغان شہریوں کی واپسی کے قومی مشن میں تمام پاکستانیوں کا تعاون درکار ہے۔ افغان شہریوں کے غیر قانونی قیام، شناخت کی جعلسازی یا مشکوک سرگرمیوں کی اطلاع ایمرجنسی 15 پر دیں۔ 15 پر اطلاع دینے والوں کی شناخت صیغہ راز میں رکھی جاتی ہے

عیدالاضحیٰ کے تیسرے روز ڈپٹی کمشنر خوشاب ڈاکٹر جہانزیب حسین لابر نے ستھرا پنجاب پروگرام کے تحت فرائض انجام دینے والے صفائی عملے میں پانی اور کھانا تقسیم کیا۔ اس موقع پر ایڈیشنل ڈپٹی کمشنر جنرل خوشاب، اسسٹنٹ کمشنر خوشاب اور ستھرا پنجاب کے ڈسٹرکٹ انچارج بھی موجود تھے۔

ڈپٹی کمشنر نے عید کے دنوں میں صفائی آپریشن میں مصروف عملے کی محنت اور لگن کو سراہتے ہوئے کہا کہ شدید گرمی اور مشکل حالات کے باوجود عوام کو صاف ستھرا ماحول فراہم کرنے میں صفائی کارکنان کا کردار انتہائی قابلِ تحسین ہے۔ انہوں نے کہا کہ ضلعی انتظامیہ اپنے تمام فیلڈ اسٹاف کی فلاح و بہبود اور سہولیات کی فراہمی کے لیے ہر ممکن اقدامات جاری رکھے گی۔

اس موقع پر صفائی عملے سے ملاقات بھی کی گئی اور ان کے مسائل و ضروریات کے حوالے سے آگاہی حاصل کی گئی تاکہ انہیں بہتر سہولیات فراہم کی جا سکیں۔

عیدالاضحیٰ کے تیسرے روز ڈپٹی کمشنر خوشاب ڈاکٹر جہانزیب حسین لابر نے ایڈیشنل ڈپٹی کمشنر جنرل خوشاب اور اسسٹنٹ کمشنر خوشاب کے ہمراہ ضلع بھر میں قائم مختلف ڈمپنگ سائٹس کا دورہ کیا۔ اس موقع پر ستھرا پنجاب پروگرام کے ڈسٹرکٹ انچارج بھی موجود تھے جنہوں نے جاری صفائی آپریشن، آلائشوں کی بروقت تلفی اور مجموعی صفائی انتظامات کے حوالے سے تفصیلی بریفنگ دی۔

ڈپٹی کمشنر نے ڈمپنگ سائٹس پر صفائی کے انتظامات، مشینری کی دستیابی، عملے کی کارکردگی اور آلائشوں کی منتقلی کے عمل کا جائزہ لیا۔ انہوں نے متعلقہ افسران کو ہدایت جاری کرتے ہوئے کہا کہ عید کے ایام میں صفائی آپریشن کو مزید مؤثر بنایا جائے تاکہ شہریوں کو صاف ستھرا ماحول فراہم کیا جا سکے۔

ڈپٹی کمشنر نے فیلڈ میں موجود عملے کی کاوشوں کو سراہتے ہوئے کہا کہ شدید گرمی اور مشکل حالات کے باوجود عوامی خدمت کے جذبے کے تحت فرائض کی انجام دہی قابل تحسین ہے۔

عیدالاضحیٰ کے تیسرے روز ڈپٹی کمشنر خوشاب ڈاکٹر جہانزیب حسین لابر نے اسسٹنٹ کمشنر خوشاب کے ہمراہ لاری اڈا جوہرآباد کا تفصیلی دورہ کیا۔ اس موقع پر صفائی ستھرائی، ٹریفک انتظامات، مسافروں کو فراہم کی جانے والی سہولیات اور سیکیورٹی صورتحال کا جائزہ لیا گیا۔

ڈپٹی کمشنر نے متعلقہ افسران کو ہدایت جاری کرتے ہوئے کہا کہ عید کے دنوں میں شہریوں اور مسافروں کو بہترین سہولیات کی فراہمی یقینی بنائی جائے اور ٹرانسپورٹ اڈوں پر نظم و ضبط برقرار رکھا جائے۔ انہوں نے صفائی کے معیار کو مزید بہتر بنانے اور عوامی سہولت کے تمام امور پر خصوصی توجہ دینے کی بھی ہدایت کی۔

اس موقع پر مسافروں سے ملاقات بھی کی گئی اور ان کے مسائل و تجاویز سنی گئیں تاکہ عوام کو ہر ممکن ریلیف فراہم کیا جا سکے۔