09/10/2026
Hangu.
ڈی پی او ہنگو طارق حبیب کے اعزاز میں کوہاٹ پولیس کلب میں الوداعی تقریب کا انعقاد
کوہاٹ پولیس کلب میں ضلع ہنگو سے تبدیل ہونے والے ڈسٹرکٹ پولیس آفیسر ہنگو طارق حبیب کے اعزاز میں ایک پروقار الوداعی تقریب کا انعقاد کیا گیا، جس میں کمشنر کوہاٹ معتصم باللہ، ریجنل پولیس آفیسر کوہاٹ عرفان طارق، ڈپٹی کمشنر کوہاٹ محمد نواز،ڈسٹرکٹ پولیس آفیسر کوہاٹ ایس ایس پی رائے مظہر اقبال، ڈی پی او اورکزئی شوکت علی، نو تعینات ڈی پی او ہنگو صلاح الدین کُنڈی اور دیگر پولیس و انتظامی افسران نے شرکت کی۔
الوداعی تقریب کے دوران ڈی پی او ہنگو طارق حبیب کی پیشہ ورانہ خدمات، فرائض کی انجام دہی اور محکمانہ امور میں ان کی گراں قدر خدمات کو خراج تحسین پیش کیا گیا۔ اس موقع پر افسران نے ان کی خدمات کو سراہتے ہوئے کہا کہ انہوں نے اپنی تعیناتی کے دوران پولیس کے پیشہ ورانہ امور اور امن و امان کے قیام کے لیے قابل قدر کردار ادا کیا۔
تقریب کے دوران ڈی پی او ہنگو طارق حبیب کو یادگاری شیلڈ اور تحائف پیش کیے گئے، جبکہ ان کے لیے نیک تمناؤں کا اظہار بھی کیا گیا۔ شرکاء نے اس امید کا اظہار کیا کہ وہ اپنی آئندہ ذمہ داریوں میں بھی اسی جذبے، محنت اور لگن کے ساتھ فرائض سرانجام دیتے رہیں گے۔
تمام شرکاء نے نو تعینات ڈی پی او ہنگو صلاح الدین کُنڈی کو کوہاٹ ریجن میں تعیناتی پر خوش آمدید کہا اور مل جل کر کام کرنے کی یقین دہانی کرائی،
تقریب خوشگوار ماحول میں اختتام پذیر ہوئی، جہاں افسران نے باہمی تعاون، پیشہ ورانہ روابط اور پولیس فورس کے درمیان یکجہتی کی اہمیت پر بھی زور دیا،
