TMA KOHAT

عید تعطیلات کے بعد ٹی ایم اے کوہاٹ میں حاضری و نظم و ضبط کا جائزہ
عیدالاضحیٰ کی تعطیلات کے اختتام پر ٹی ایم او محمد جاوید بیٹنی نے دفتر ہذا کا دورہ کیا اور مختلف شعبہ جات کا تفصیلی جائزہ لیا۔ اس موقع پر انہوں نے افسران و اہلکاران کی حاضری چیک کی اور دفتری امور کی انجام دہی کا معائنہ کیا۔
ٹی ایم او محمد جاوید بیٹنی نے تمام متعلقہ افسران و عملے کو ہدایت کی کہ وہ عوامی خدمات کی فراہمی میں مزید بہتری لائیں اور اپنے فرائض منصبی ذمہ داری، دیانتداری اور وقت کی پابندی کے ساتھ انجام دیں۔ انہوں نے کہا کہ عوام کو بہترین میونسپل سہولیات کی فراہمی ٹی ایم اے کوہاٹ کی اولین ترجیح ہے۔
دورے کے دوران مختلف شعبوں کی کارکردگی کا بھی جائزہ لیا گیا جبکہ ملازمین کو ہدایت کی گئی کہ دفتری نظم و ضبط اور سروس ڈیلیوری کے معیار کو مزید مؤثر بنایا جائے تاکہ شہریوں کو بروقت اور بہتر سہولیات میسر آ سکیں۔، اس موقع پہ ایڈمن آفیسر طاہر اللہ و میونسپل سروسز انچارج محمد وقاص بھی ھمراہ تھے،_









1/6/2026

صوبائی حکومت | عوامی ایجنڈا | گڈ گورننس روڈ میپ | ڈسٹرکٹ سروس ڈیلیوری۔۔

میونسپل سروسز فعال ۔۔۔

ٹی ایم اے کوہاٹ سینیٹیشن سٹاف کی جانب سے پرانا لاری اڈہ ، میں بازار و دیگر جگہوں سے انے ولی گندگی ، کوڑا کرکٹ کی صفائی کا عمل جاریدوسری جانب زنانہ انتظارگاہ میں بھی صفائ ستھرائ کا عمل جاری جبکہ دوسری جانب زنانہ انتظار گاہ کی بھی صفائ ستھرائ کا عمل جاری ۔۔

شہریوں سے گزارش ہے کہ کوڑا کرکٹ کوڑا دان یا مختص پوائنٹس پر رکھیں تا کہ سینیٹیشن سٹاف بروقت اور بہتر طور پر صفائی انجام
دے سکے۔۔‎






‎
‎
‎
1/6/2026

اسسٹنٹ کمشنر نوید احمد اور ٹی ایم او محمد جاوید بیٹنی کی نگرانی میں اینٹی انکروچمنٹ آپریشن
کوہاٹ: اسسٹنٹ کمشنر نوید احمد نے ٹی ایم او محمد جاوید بیٹنی کے ہمراہ آج بروز اتوار شہر کے مختلف علاقوں میں تجاوزات کے خلاف اینٹی انکروچمنٹ آپریشن کا جائزہ لیا۔
آپریشن کے دوران فٹ پاتھوں، چوک چوراہوں، بازاروں اور سرکاری اراضی پر قائم عارضی تجاوزات، تھڑے اور غیر قانونی قبضے ہٹا دیے گئے۔ انتظامیہ کی جانب سے عوامی گزرگاہوں میں رکاوٹ بننے والے متعدد تجاوز کنندگان کو موقع پر ہدایات جاری کرتے ہوئے ان کا سامان بھی تحویل میں لے لیا گیا۔
اس موقع پر اسسٹنٹ کمشنر نوید احمد نے کہا کہ شہریوں کی سہولت، ٹریفک کی روانی اور سرکاری املاک کے تحفظ کو یقینی بنانے کے لیے تجاوزات کے خلاف کارروائیاں بلاامتیاز جاری رہیں گی۔ انہوں نے دکانداروں اور شہریوں پر زور دیا کہ وہ فٹ پاتھوں اور عوامی مقامات پر قبضہ کرنے سے گریز کریں اور انتظامیہ کے ساتھ تعاون کریں۔
ٹی ایم او محمد جاوید بیٹنی نے کہا کہ ضلعی انتظامیہ کی ہدایات کی روشنی میں تجاوزات کے خاتمے کے لیے باقاعدگی سے آپریشن کیے جا رہے ہیں تاکہ شہریوں کو صاف، کشادہ اور محفوظ ماحول فراہم کیا جا سکے۔
انتظامیہ نے خبردار کیا ہے کہ آئندہ بھی تجاوزات قائم کرنے والوں کے خلاف سخت قانونی کارروائی عمل میں لائی جائے گی اور کسی قسم کی
رعایت نہیں برتی جائے گی۔

دل سے شکریہ ،__ سب سے پہلے اللہ رب العزت کا بے پایاں کرم نوازی کے بعد میں بطور میونسپل سروسز انچارج ضلع کوہاٹ کے کپتان انتہائی شفیق و ملنسار شخصیت جناب ڈپٹی کمشنر محمد نواز وزیر صاحب اور ٹی ایم او محمد جاوید بیٹنی صاحب کا شکرگُذار ہوں کہ انہوں نے ان تین دنوں میں اور اسے سے پہلے بھی سپورٹ کیا دستِ شفقت سے نوازا بعدازں اس گروپ میں موجود تمام بھائی جیسے صحافی بھائی صدر پریس کلب نور محمد بنگش ، جنرل سیکرٹری فیصل ندیم ، سنئیر صحافی سید فیضان بنوری، وزیر علی بنگش باسط بھائی عدیل پراچہ ایڈمن سچ بول کوہاٹ ، ایثار علی بنگش جمیل بھائی اللہ داد بنگش کا تہہ دل سے مشکور و ممنون ہوں آپکی یہ محبت سپورٹ میری سرکاری امور کی انجام دہی کے دوران اک یادگار کے طور پہ دل و دماغ پہ نقوش رہے گی،____ آپ سب کا بہت شکریہ،_








29/5/2026

عیدالاضحی صفائ مہم کے تحت ٹی ایم اے کوہاٹ کا عید کے تینوں دن صفائ ستھرائی اور آلائشوں اور گندگی کو ٹھکانے لگانے کے بہترین نظام کے پہلے اور بعد کے کچھ عکس ۔۔میونسپل سرسوز انچارج ٹی ایم اے کوہاٹ۔۔






29/5/2026

عیدالاضحیٰ صفائی آپریشن پر اطمینان کا اظہار،
ڈپٹی کمشنر کوہاٹ محمد نواز وزیر نے ٹی ایم او محمد جاوید بیٹنی کے ہمراہ شہر اور دیہی علاقوں کے مختلف مقامات کا دورہ کیا اور جاری عیدالاضحیٰ صفائی آپریشن کا تفصیلی جائزہ لیا۔
اس موقع پر متعلقہ افسران نے ڈپٹی کمشنر کو صفائی سرگرمیوں، آلائشوں کی بروقت منتقلی، گندگی کو ٹھکانے لگانے اور شہری علاقوں سمیت رورل ایریاز میں جاری میونسپل سروسز کے حوالے سے بریفنگ دی۔
ڈپٹی کمشنر محمد نواز وزیر نے ضلع بھر کی تمام ٹی ایم ایز بالخصوص ٹی ایم اے کوہاٹ اور WSSCK کی جانب سے جاری صفائی انتظامات پر اطمینان کا اظہار کرتے ہوئے متعلقہ عملے کی کارکردگی کو سراہا۔ انہوں نے کہا کہ عیدالاضحیٰ کے موقع پر شہریوں کو صاف ستھرا ماحول فراہم کرنا ضلعی انتظامیہ کی اولین ترجیح ہے۔۔






29/5/2026

عیدالاضحیٰ کا تیسرا روز، ٹی ایم اے کوہاٹ کا صفائی آپریشن بھرپور انداز میں جاری
ڈپٹی کمشنر محمد نواز وزیر اور ٹی ایم او جاوید بیٹنی کے خصوصی احکامات کی روشنی میں عیدالاضحیٰ کے تیسرے روز بھی ٹی ایم اے کوہاٹ کا صفائی آپریشن پوری تندہی کے ساتھ جاری ہے۔
میونسپل سروسز کا عملہ رورل ایریاز کے مختلف علاقوں میں متحرک ہے جہاں ندی نالوں، خالی پلاٹس، جھاڑیوں اور دیگر مقامات پر پھینکی گئی جانوروں کی باقیات اور آلائشوں کو اُٹھا کر محفوظ طریقے سے تلف کیا جا رہا ہے تاکہ شہریوں کو صاف ستھرا ماحول فراہم کیا جا سکے۔
ٹی ایم اے کوہاٹ کا سینٹیشن عملہ عید کے تینوں دن مسلسل فیلڈ میں موجود رہ کر اپنی ذمہ داریاں احسن طریقے سے انجام دے رہا ہے جبکہ صفائی کے عمل کو مزید مؤثر بنانے کیلئے مشینری اور گاڑیوں کو بھی متحرک رکھا گیا ہے۔
میونسپل سروسز انچارج محمد وقاص نے شہریوں سے اپیل کی ہے کہ صفائی عملے کے ساتھ تعاون کریں اور قربانی کی باقیات کو اِدھر اُدھر پھینکنے سے گریز کریں تاکہ ماحول کو آلودگی اور بیماریوں سے محفوظ رکھا جا سکے۔ ٹی ایم اے کوہاٹ








29/5/2026